1 Koríntius 1:8 - BIBLIA - traduson antigu in Krioulo

⁸ I na guarda bos firmi te na kabantada, pa ka bo fika kulpadu di nada na dia di no Siñor Jesus Kristu.

1 Koríntius 1:8 ပူးပေါင်းရင်းမြစ်များ

Salmus 37:17

pabia forsa di omis mau na kebrantadu, ma SIÑOR na nguenta justus.

Salmus 37:28

pabia SIÑOR ama kusa ku sta sertu, i ka na bandona si pobu fiel; e na guardadu pa sempri. Jorson di jinti mau na tiradu na tera di Israel.

Lukas 17:24

Suma ku relampagu ta numia seu di un ladu pa utru, asin ku Fiju di omi na sedu na si dia,

Lukas 17:30

Asin ki na sedu na dia ku Fiju di omi na parsi.

Romanus 14:4

Abo i kin ku na julga kriadu di utru? Pa si propi patron ki sta sikidu o ki kai. Ma i na firma, pabia Siñor ten puder pa firmantal.

Romanus 16:25

Gloria pa Deus ku ten puder pa firmanta bos, konformi Bon Noba di Jesus Kristu ku N ta prega, suma no mostradu ja sigridu ku sukundidu antis di mundu formadu.

Romanus 8:19

Tudu ku Deus kumpu ta faima pa ki dia ku Deus na mostra kilis ku sedu si fijus,

1 Koríntius 3:13

Dia di Kristu na mostra klaru tarbaju di kada kin. I fugu ku na mostral; ki fugu na proba tarbaju di kada kin pa jubi i kal koldadi.

1 Koríntius 5:5

bo ta ntrega Satanas ki algin, pa kaba ku si kurpu, pa si alma pudi salba na Dia di Siñor.

2 Koríntius 1:13

No na skirbi bos son kil ku bo pudi lei, bo ntindi. Nin ku gosi bo na ntindinu son un bokadu, ma N ten speransa kuma bo na bin ntindinu mas diritu, pa bo ten tantu sabura na nos suma ku no na ten na bos na dia di Siñor Jesus.

2 Koríntius 1:21

I Deus ku konfirmanu ku bos na no ligason ku Kristu, i unjinu.

Efésius 5:27

pa i pudi pursental pa si kabesa, un igreẑa gloriosu, sin manca, sin marlota, nin kualker utru difeitu, ma puru, ku ningin ka pudi culil dedu.

Filipensis 1:10

pa bo pudi sibi kuji kusa mas bon, pa na Dia di Kristu bo ta sta limpu, sin kulpa.

Filipensis 1:6

N sta sertu di un kusa, kuma, kil ku kumsa e bon tarbaju na bos i na bai dianti ku el, tok i kompletal na Dia di Kristu Jesus.

Kolosensis 1:22

ma gosi, pabia di mortu di Kristu na si kurpu di karni, i fasi bos si amigus, pa tisi bos na si pursensa, puru, sin manca, sin kulpa.

Kolosensis 2:7

Bo pui bo rais fundu nel, bo kumpu bo vida riba del, bo fika mas forti na fe, suma ku bo nsinadu, bo inci bo korson di gardisimentu.

1 Tesalonisensis 3:13

N misti pa i fortifika bo korson, pa bo sedu puru, sin kulpa dianti di no Deus Pape ora ku no Siñor Jesus bin ku tudu kilis ku pertensil.

1 Tesalonisensis 5:2

pabia abos propi bo sibi kuma Dia di Siñor na bin suma ku ladron ta bin di noti.

2 Tesalonisensis 2:2

pa ka bo bulbuli dipresa na bo pensamentu, nin ka bo tarpaja ku kualker palabra di anunsiu, nin palabra di algin ku na konta Bon Noba, nin ku kualker karta ku parsi di nos, ku fala kuma dia di Siñor ciga ja.

2 Tesalonisensis 3:3

Siñor i fiel; i na fortifika bos, i na guarda bos di ki malvadu.

2 Timótiu 1:12

E ku manda N na sufri e kusas, ma N ka na burguñu del, pabia N sibi na kin ku N fia nel; N sta sertu kuma i ten puder pa guarda kil ku N ntregal te na ki dia.

2 Timótiu 1:18

Siñor ta obin, i ta mostra miserikordia pa el na ki dia. Abo bu sibi muitu ben kantu tarbaju ki fasi pa mi na Éfesu.

1 Pedru 5:10

Dipus di bo sufri un bokadu di tempu, Deus ku ta da tudu grasa, ku coma bos na Kristu pa bo toma parti na si gloria ku ka na kaba, i ta fasi bos kompletu, i ta firmanta bos, i fortifika bos, i da bos firmi alisersu.

2 Pedru 3:10

Dia di Siñor na bin suma ladron. Na ki dia seu na disparsi ku garandi baruju. Strelas na yardi, e na pajiga. Tera ku tudu kusa ku sta nel i na kemadu.

2 Pedru 3:14

Asin, ña kiridu ermons, suma ku bo na pera e kusa, bo fasi mpeñu pa bo ojadu sin manca, sin kulpa, ku pas si dianti.