1 Koríntius 1:5 - BIBLIA - traduson antigu in Krioulo

⁵ pabia na bo union ku Kristu bo fasidu riku na tudu, na palabra, tambi na kil ku bo sibi.

1 Koríntius 1:5 ပူးပေါင်းရင်းမြစ်များ

Atus 2:4

Na ki ora elis tudu e fika incidu ku Spiritu Santu; e kumsa na fala na utru linguas, suma ku Spiritu da elis puder di fala.

Romanus 11:12

Si kaida di judeus tisi rikesa pa mundu, tambi si se mingua tisi rikesa pa kilis ki ka judeu, ku fadi gora ora ke riba pa se forsa!

Romanus 15:14

Ña ermons, ami propi N ten sertesa kuma abos bo inci ku bondadi ku kuñisimentu, bo sibi konsija ŋutru.

Romanus 15:4

Tudu ku skirbiduba purmeru na palabra di Deus i skirbidu pa nsinanu, pa danu pasensa ku koraẑen, pa no pudi ten speransa.

1 Koríntius 12:10

utru tambi, Spiritu ta dal puder di fasi milagris; utru, i ta dal don di anunsia rekadu di Deus; utru, i ta dal puder di rapara koldadi spiritu; utru, i ta dal puder pa fala na linguas ki ka obi; utru, i ta dal manera di splika ki linguas.

1 Koríntius 12:8

pabia Spiritu ta da un algin palabra di jiresa; i ta da utru palabra di kuñisimentu;

1 Koríntius 13:2

N pudi tene don di anunsia rekadu di Deus, N kunsi tudu kusa sukundidu, N sibi tudu kusa; N pudi ten garandi fe pa N mundanta montis, ma si N ka ten amor, N ka na sedu nada.

1 Koríntius 13:8

Amor nunka i ka ta falia, ma si anunsius ten, e na kaba. Si linguas ten, e na para. Si kuñisimentu ten, i na disparsi,

1 Koríntius 14:26

Pa kabanta, ermons, ora ku bo junta pa adorason, un ta tene kantiga, utru tene nsinamentu, utru ta konta kusa ku Deus mostral, utru ta fala lingua strañu, utru ta splikal. Bo fasi tudu pa ajuda di igreẑa.

1 Koríntius 8:11

Asin bu “ntindimentu” ta pui bu ermon fraku pa i pirdi, kil ku Kristu muri pa el.

2 Koríntius 4:6

Deus, ku fala pa lus lampra na sukuru, i mesmu Deus ku fasi si lus lampra na no korson, pa tisinu kuñisimentu di gloria di Deus ku na lampra na rostu di Jesus Kristu.

2 Koríntius 6:10

no fasidu tristi, ma sempri kontenti; no parsi pobri ma no ta fasi manga di jinti riku; no parsi suma ku no ka tene nada, ma na bardadi no tene tudu.

2 Koríntius 8:7

Bo sedu riku na tudu — na fe, na palabra, na kuñisimentu, na pruntidon pa juda, na bo amor pa nos. Tambi no misti pa bo sedu bon na da.

2 Koríntius 9:11

Asin sempri Deus na da bos kil ku ciga pa bo pudi rapati ciu ku utru jinti, ku ta pui elis pa e gardisi Deus pa bo oferta ke risibi di no mon.

Efésius 1:17

N pidi Deus di no Siñor Jesus Kristu, Pape gloriosu, pa i da bos si Spiritu ku na fasi bos pa bo jiru, ku na mostra bos Deus, pa bo pudi kunsil.

Efésius 2:7

I fasi asin pa mostra, na tempus ku na bin, garandi rikesa di si fabur na bondadi ki ten pa nos na Kristu Jesus.

Efésius 3:8

Ami ki menus di tudu pobu di Deus, ma Deus dan e fabur di konta jintius Bon Noba di garandi rikesa di Kristu ku no ka pudi ntindi,

Efésius 6:19

Bo ora tambi pa mi, pa Deus pudi dan palabra sertu ora ku N na yabri boka pa papia; pa N pudi fala ku koraẑen, pa fasi jinti kunsi sigridu di Bon Noba.

Filipensis 1:9

Es i ña orason, pa bo amor buri kada bias mas, na kuñisimentu, tambi ku tudu ntindimentu,

Kolosensis 2:3

ku tudu rikesa di jiresa ku kuñisimentu sta sukundidu nel.

Kolosensis 3:10

bo bisti ja naturesa nobu ku na arnobadu sempri na parsensa di kil ku kumpul; bo na lebadu pa kunsi Deus diritu.

Tiagu 3:13

I ten na bo metadi algin jiru o ntindidu? I dibi di mostral ku si bon vida, ku kusas ki ta fasi na mansesa ku bin di jiresa.

2 Pedru 3:18

Mas minjor bo bai dianti na fabur ku kuñisimentu di no Siñor i Salbadur Jesus Kristu. El pa i dadu gloria, disna di gosi, suma pa tudu sempri. Amen.