1 Jon 5:20 - BIBLIA - traduson antigu in Krioulo

²⁰ No sibi kuma Fiju di Deus bin ja, i danu ntindimentu pa no kunsi Deus ki di bardadi. No sta na kil ki di bardadi, ku sedu si Fiju Jesus Kristu. Es i Deus di bardadi; i vida ku ka ta kaba.

1 Jon 5:20 ပူးပေါင်းရင်းမြစ်များ

Isaias 44:6

Asin ku SIÑOR, Rei di Israel, si Libertadur, SIÑOR ku ten tudu puder, fala: “Ami i purmeru ku ultimu; fora di mi i ka ten mas utru Deus.

Isaias 54:5

Kil ku kumpou, i el ki bu omi; si nomi i SIÑOR ku ten tudu puder. Deus Santu di Israel i bu Libertadur; el i na comadu Deus di tudu mundu.

Isaias 9:6

Un mininu padidu ja pa nos; no dadu un fiju. Puder di guberna sta riba di si ombras; si nomi na comadu Maravilyosu, Konsijadur, Deus Forti, Pape di Iternidadi, Rei di Pas.

Jeremias 10:10

Ma SIÑOR i Deus di bardadi; el i Deus bibu, Rei pa sempri. Si i paña raiba, con ta tirmi; nasons ka pudi nguenta si raiba.

Jeremias 23:6

Na si tempu Judá na sedu salbu; Israel na sinta suguru. Nomi ki na ba ta comadu i SIÑOR NO JUSTISA.

Mateus 13:11

I ruspundi i fala elis: “Abos bo dadu kuñisimentu di sigridu di renu di seu, ma elis e ka dadu e kuñisimentu.

Lukas 21:15

pabia N na da bos palabra ku jiresa ku nin un di bo inimigus ka na pudi firma ku bos, nin i ka na pudi bati bos na palabra.

Lukas 24:45

Dipus i yabri elis kabesa pa e ntindi Skritura.

Bon Noba di Jesus Kristu ku Jon 1:18

Te aos ningin ka oja Deus; si Fiju un son ku sta juntu ku si Pape i pui pa no kunsil.

Bon Noba di Jesus Kristu ku Jon 10:30

Ami ku ña Pape, anos i un son.”

Bon Noba di Jesus Kristu ku Jon 14:20

Na ki dia bo na sibi kuma ami N sta na ña Pape, abos na mi, ami na bos.

Bon Noba di Jesus Kristu ku Jon 14:23

Jesus ruspundil: “Si algin aman, i ta obdisi ña palabra; ña Pape ta amal; no ta bin pa el, no mora ku el.

Bon Noba di Jesus Kristu ku Jon 14:6

Jesus falal: “Ami i kamiñu, ami i bardadi, ami i vida. Si algin misti bin pa ña Pape, i ten ku pasa purmeru na mi.

Bon Noba di Jesus Kristu ku Jon 14:9

Jesus falal: “Filip, N sta manga di tempu ku bos; bo ka kunsin inda? Kin ku ojan, i oja ña Pape. Kuma ku bu na falan pa N mostra bos ña Pape?

Bon Noba di Jesus Kristu ku Jon 15:4

Bo sta na mi, ami N ta sta na bos. Suma ku ramu, el propi, ka ta pudi padi si i ka sta na si pe, asin tambi abos, si bo ka sta na mi.

Bon Noba di Jesus Kristu ku Jon 17:14

N da elis bu palabra; jinti di mundu nfastia elis pabia elis i ka di mundu, suma ku ami i ka di mundu.

Bon Noba di Jesus Kristu ku Jon 17:25

Pape justu, jinti di mundu ka kunsiu, ma ami N kunsiu; esis e sibi kuma i abo ku mandan.

Bon Noba di Jesus Kristu ku Jon 17:3

Vida ku ka ta kaba i es: Pa tudu jinti kunsiu, abo son, uniku Deus di bardadi, ku Jesus Kristu, kil ku bu manda.

Bon Noba di Jesus Kristu ku Jon 20:28

Tome ruspundil: “Ña Siñor! Ña Deus!”

Bon Noba di Jesus Kristu ku Jon 8:42

Jesus fala elis: “Si Deus seduba bo Pape, na bardadi bo na amanba, pabia ami N bin di Deus, N ka bin di mi propi, ma i el ku mandan.

Atus 20:28

Asin, bo toma sintidu ku bo kabesa, ku ki grupu di krentis ku Spiritu Santu fasi bos garandis riba del, pa bo pudi sedu pastoris ku na alimenta igreẑa di Deus, ki liberta ku si sangi propi.

Romanus 9:5

I elis ku sai na jorson di papes antigu. Na ladu di familia, Kristu sai na ki jorson. El i sta riba di tudu, i sedu Deus ku dibi di ngabadu pa sempri! Amen.

1 Koríntius 1:30

Deus junta bos ku Jesus Kristu; i fasil jiresa pa nos. Pabia del tambi i fasinu justu, i santifikanu, i libertanu.

2 Koríntius 4:6

Deus, ku fala pa lus lampra na sukuru, i mesmu Deus ku fasi si lus lampra na no korson, pa tisinu kuñisimentu di gloria di Deus ku na lampra na rostu di Jesus Kristu.

2 Koríntius 5:17

Si algin liga ku Kristu, i ta sedu nobu algin. Kusas beju pasa ja; tudu vida bida nobu.

Efésius 3:18

pa abos ku tudu pobu di Deus pudi ntindi diritu kal ki largura, kumprimentu, altura ku fundura di amor di Kristu.

Filipensis 3:9

pa N pudi ojadu unidu ku el. Gosi N ka na oja kuma ami N justu pabia di kumpri lei, ma N justu pabia di fe na Kristu. Deus fasin justu pabia di ña fe.

1 Timótiu 3:16

I ka ten duvida kuma sigridu di no fe i fundu: “Kil ku parsi na kurpu di omi, na si spiritu i mostradu justu; anjus ojal; tudu rasa kontadu aserka del; jinti di tudu mundu fia nel; i risibidu na gloria na seu.”

Titu 2:13

kontra no na pera ki dia alegri ku no pui no speransa nel, ku gloria di no garandi Deus Salbadur, Jesus Kristu, na parsi.

Ebreus 1:8

Ma i fala di Fiju: “O Deus, bu tronu na kontinua pa sempri; Na bu renansa bu ta guberna ku justisa.

1 Jon 2:23

Kil ku nega Fiju, tambi i ka tene si Pape. Kil ku seta Fiju, i tene tambi si Pape.

1 Jon 2:24

Asin, bo ten ku rakada na bo korson ki palabra ku bo obi disna di kumsada. Si bo rakada ki palabra, bo ta sta sempri na union ku Fiju ku si Pape.

1 Jon 2:6

Kil ku fala kuma i sta nel, i dibi di yanda suma ku Kristu yanda.

1 Jon 4:14

No oja, no konta kuma Deus no Pape manda si Fiju pa i sedu Salbadur di mundu.

1 Jon 4:16

No sibi kuma Deus amanu; tambi no fia na si amor. Deus i amor. Kil ku sta na amor i sta na Deus; Deus sta nel.

1 Jon 4:2

Asin ku bo ta pudi rapara si i Spiritu di Deus: Tudu algin ku fala klaru kuma Jesus Kristu bin suma omi, i tene Spiritu di Deus.

1 Jon 5:1

Tudu kil ku fia kuma Jesus i Kristu i fiju di Deus. Tudu kil ku ama un pape, i ta ama tambi si fiju.

1 Jon 5:15

Si no sibi kuma i obinu na tudu ku no pidil, no ta sibi tambi kuma no risibi kil ku no pidil.

1 Jon 5:18

No sibi kuma tudu kil ku padidu na familia di Deus i ka ta fasi pekadu, pabia Fiju di Deus ta guardal; ki malvadu ka ta toka nel.

1 Jon 5:5

Nta kin ku vensi mundu si i ka kil ku fia kuma Jesus i Fiju di Deus?

Apokalipsi 15:3

E na kantaba kantiga di Moisés, servu di Deus, ku kantiga di Karnel, e fala: “O Siñor Deus ku ten tudu puder, kusas ku bu fasi i garandi, i di dimira! O Rei di nasons, bu kamiñus i justu, i di bardadi.

Apokalipsi 19:11

N oja seu yabri; i staba la un kabalu branku. Kil ku monta nel i coma: “Fiel i di Bardadi.” El i justu na julgamentu, tambi na gera.

Apokalipsi 3:14

“Skirbi pa anju di igreẑa di Laodiseia, bu falal: ‘Es i palabra di kil ku comadu Amen, ku sedu tustumuña di bardadi i fiel, kil ku tudu kriason di Deus sai nel.

Apokalipsi 3:7

“Skirbi pa anju di igreẑa di Filadélfia, bu falal: ‘Es i palabra di kil ki santu, i di bardadi, ku tene cabi di Davi. Si i yabri, ningin ka pudi fica; si i fica, ningin ka pudi yabri.

Apokalipsi 6:10

E grita ku garandi vos, e punta; “Siñor ku ten tudu puder, santu, di bardadi, kantu tempu ku no na pera pa bu julga, bu vinga kilis ku sta na tera ku darma no sangi?”