1 Jon 4:9 - BIBLIA - traduson antigu in Krioulo

⁹ Deus mostra si amor pa nos suma ki manda si un Fiju son pa mundu pa no pudi tene vida pabia del.

1 Jon 4:9 ပူးပေါင်းရင်းမြစ်များ

Kumsada 22:2

Deus falal: “Toma Isak, bu fiju un son, kil ku bu ama, bu bai pa tera di Moriá, bu matal riba di altar, bu kemal suma oferta, riba di un di montañas ku N na mostrau.”

Salmus 2:7

Ami, ku sedu rei, N na ripiti ke ku SIÑOR fala. El i falan: “Abo i ña fiju; aos ku N padiu.

Markus 12:6

I teneba inda si propi fiju ki ama. Na fin i mandal pa labraduris, i fala: ‘N fia kuma e na rispita ña fiju.’

Lukas 4:18

“Spiritu di Siñor sta riba di mi, pabia i unjin pa N konta Bon Noba pa pobris;

Bon Noba di Jesus Kristu ku Jon 10:10

Ladron ta bin son furta, i mata, i dana. Ami N bin pa jinti tene vida, pa e tenel manga del.

Bon Noba di Jesus Kristu ku Jon 14:6

Jesus falal: “Ami i kamiñu, ami i bardadi, ami i vida. Si algin misti bin pa ña Pape, i ten ku pasa purmeru na mi.

Bon Noba di Jesus Kristu ku Jon 3:16

Deus ama jinti di mundu dimas, tok i da si uniku Fiju, pa tudu kil ku setal ka ta pirdi, ma i ta tene vida ku ka ta kaba.

Bon Noba di Jesus Kristu ku Jon 3:18

“Kin ku setal ka na kondenadu, ma kin ku ka setal i sta ja kondenadu, pabia i ka seta uniku Fiju di Deus.

Bon Noba di Jesus Kristu ku Jon 5:23

pa tudu jinti pudi rispita Fiju suma ke rispita si Pape. Kin ku ka rispita Fiju, i ka ta rispita si Pape ku mandal.

Bon Noba di Jesus Kristu ku Jon 6:29

Jesus ruspundi elis: “Kusa ku Deus misti i pa bo fia na kil ki manda.”

Bon Noba di Jesus Kristu ku Jon 6:51

Ami i ki pon bibu ku ria na seu; si algin kume de pon li, i ta vivi pa sempri. Pon ku N na da bos i ña karni ku N na da pa jinti di mundu pudi tene vida.”

Bon Noba di Jesus Kristu ku Jon 6:57

Suma ku ña Pape ku na vivi mandan, ami N vivi pabia del, asin tambi kil ku alimenta na mi i ta vivi pabia di mi.

Bon Noba di Jesus Kristu ku Jon 8:29

Kil ku mandan sta ku mi. I ka disan ami son, pabia N ta fasi sempri kusas ki gosta.”

Bon Noba di Jesus Kristu ku Jon 8:42

Jesus fala elis: “Si Deus seduba bo Pape, na bardadi bo na amanba, pabia ami N bin di Deus, N ka bin di mi propi, ma i el ku mandan.

Bon Noba di Jesus Kristu ku Jon 9:3

Jesus ruspundi elis: “I ka pabia di si pekadu o pekadu di si papes ku manda i segu, ma i sedu asin pa Deus pudi mostra si puder nel.

Romanus 8:32

Kil ku ka tuji nin propi si Fiju, ma i ntregal pabia di nos tudu, kuma tambi ki ka na bin patinu tudu kusas juntu ku el?

Ebreus 1:5

Deus nunka ka fala nin un anju: “Abo i ña Fiju; aos N padiu.” Tambi i ka fala di nin un anju: “N na sedu si Pape; el i na sedu ña fiju.”

1 Jon 3:16

I es ku manda no sibi ke ki amor, suma ku Kristu da si vida pa nos. Anos tambi no dibi di da no vida pa no ermons.

1 Jon 4:10

Es i amor; i ka kuma no ama Deus, ma i el ku amanu, i manda si Fiju pa no pekadu pudi tiradu pabia del.

1 Jon 4:16

No sibi kuma Deus amanu; tambi no fia na si amor. Deus i amor. Kil ku sta na amor i sta na Deus; Deus sta nel.

1 Jon 5:11

Es i ki tustumuñu, kuma Deus danu vida ku ka ta kaba; e vida sta na si Fiju.

1 Jon 5:13

N na skirbi e kusas pa bos ku fia na nomi di Fiju di Deus, pa bo sibi kuma bo tene vida ku ka ta kaba.