1 Jon 4:12 - BIBLIA - traduson antigu in Krioulo

¹² Ningin ka ciga di oja Deus, ma si no ama ŋutru, Deus sta na nos; si amor sta kompletu na nos.

1 Jon 4:12 ပူးပေါင်းရင်းမြစ်များ

Kumsada 32:30

Asin Jakó coma nomi di ki kau Peniel pabia i fala: “N oja Deus rostu ku rostu, N fika ku vida.”

Saida 33:20

Bu ka na pudi oja ña rostu, pabia kin ku oja ña rostu i ka na bibu.”

Numerus 12:8

N ta papia ku el boka ku boka, uju ku uju; N ka ta papia na ditus. I ta oja parsensa di SIÑOR. Kuma ku bo ka medi papia kontra ña servu Moisés?”

Bon Noba di Jesus Kristu ku Jon 1:18

Te aos ningin ka oja Deus; si Fiju un son ku sta juntu ku si Pape i pui pa no kunsil.

1 Koríntius 13:13

Gosi inda no na fika ku e tris kusa: fe, speransa ku amor, ma mas garandi di tudu i amor.

1 Timótiu 1:17

Asin no da onra ku gloria pa tudu sempri pa Rei iternu, uniku Deus, ku ka na muri, ku ka ta ojadu. Amen.

1 Timótiu 6:16

El son ku ka ta muri, i mora na lus ku ningin ka pudi ciga nel. Ningin ka ojal, nin i ka pudi ojadu, kil ku ten ku dadu onra ku puder pa sempri. Amen.

Ebreus 11:27

I fe ku pul i sai na Ejitu, i ka medi raiba di rei. I fika firmi suma kin ku na oja Deus ku ka ta ojadu.

1 Jon 2:5

Kil ku obdisi si palabra, na bardadi, amor di Deus sta kompletu dentru del. Asin no ta sibi kuma no sta na Deus.

1 Jon 3:24

Kin ku obdisi si mandamentu i sta na Deus; Deus sta nel. Es ku ta pui no sibi kuma i sta na nos, pabia di Spiritu ki danu.

1 Jon 4:16

No sibi kuma Deus amanu; tambi no fia na si amor. Deus i amor. Kil ku sta na amor i sta na Deus; Deus sta nel.

1 Jon 4:20

Si algin fala kuma i ama Deus, ma i nfastia si ermon, i munturus, pabia kil ku ka ama si ermon ki oja, kuma ki pudi ama Deus ki ka oja?

1 Jon 4:6

Anos i di Deus. Kin ku kunsi Deus i ta obinu. Kin ki ka di Deus ka ta obinu. Asin ku no ta kunsi Spiritu di bardadi ku spiritu ku ta yara.