1 Jon 3:6 - BIBLIA - traduson antigu in Krioulo

⁶ Tudu algin ku sta nel i ka ta peka, ma tudu kil ku na peka i ka ojal, nin i ka kunsil.

1 Jon 3:6 ပူးပေါင်းရင်းမြစ်များ

2 Koríntius 3:18

Anos tudu ku rostu diskubertu, suma un spiju, no ta mostra gloria di Siñor. Asin Siñor, ku sedu Spiritu, i ta transformanu di un gloria pa utru mas garandi, tok no ta tene si parsensa.

2 Koríntius 4:6

Deus, ku fala pa lus lampra na sukuru, i mesmu Deus ku fasi si lus lampra na no korson, pa tisinu kuñisimentu di gloria di Deus ku na lampra na rostu di Jesus Kristu.

1 Jon 2:28

Ña fijus, bo pega nel, pa ora ki bin, no pudi ten fiansa; no ka na fika ku borgoña si dianti dia ki bin.

1 Jon 2:3

Si no obdisi mandamentu di Deus, no ta sibi kuma no kunsil.

1 Jon 2:4

Si algin fala kuma i kunsil, ma i ka obdisi si mandamentu, i munturus; bardadi ka sta nel.

1 Jon 3:2

Ña kiridu ermons, gosi no sedu fijus di Deus; ke ku no na bin sedu i ka klaru inda, ma no sibi, ora ku Kristu bin, no na sedu suma el, pabia no na ojal manera ki sedu.

1 Jon 3:9

Kil ku padidu na familia di Deus ka ta fasi pekadu, pabia simentera di Deus sta nel. I ka pudi kontinua na pekadu, pabia i padidu na familia di Deus.

1 Jon 4:8

Kil ku ka ten amor i ka kunsi Deus, pabia Deus i amor.

1 Jon 5:18

No sibi kuma tudu kil ku padidu na familia di Deus i ka ta fasi pekadu, pabia Fiju di Deus ta guardal; ki malvadu ka ta toka nel.

3 Jon 1:11

Ña kiridu ermon, ka bu remenda kusa mau, ma son kil ki bon. Algin ku ta fasi ben i di Deus, ma kil ku ta fasi mal i ka oja Deus.