1 Jon 3:4 - BIBLIA - traduson antigu in Krioulo

⁴ Tudu kil ku fasi pekadu i ta kebra lei di Deus, pabia pekadu i ora ku bu kebra lei.

1 Jon 3:4 ပူးပေါင်းရင်းမြစ်များ

1 Reis 8:47

si, na tera ke lebadu katibu pa el, e ripindi, e konverti, e pidiu, e fala: ‘No peka, no yanda mal dimas, no fasi kusas kontra lei,’

1 Kronikas 10:13

Asin Saul muri pabia i ka seduba fiel pa SIÑOR; i kebra lei di SIÑOR, i ka guarda si palabra. I bai buska konsiju na mon di minjer ku ta papia ku spiritus di jinti ku muri,

2 Kronikas 24:20

Spiritu di Deus bin riba di Zakarias, fiju di saserdoti Jeoiada; i firma na un kau altu dianti di pobu, i fala elis: “Deus na punta bos pabia di ke ku bo kebra mandamentus di SIÑOR. Kusas ka na kuri bos diritu. Suma ku bo bandona SIÑOR, asin tambi ki na bandona bos.”

Isaias 53:8

I prindidu, i julgadu; dipus i lebadu. Kin ku mporta ku si vida? Si vida kortadu na tera; i golpiadu pabia di mal ku ña pobu fasi.

Daniel 9:11

Sin, tudu Israel kebra bu lei, e disvia, e nega obdisi bu ordi. “Pabia di kila, maldison ku sta skritu ku juramentu na lei di Moisés, servu di Deus, i darmadu riba di nos, pabia no peka kontra bo.

Numerus 15:31

manera ki dispreza palabra di SIÑOR, i kebra si mandamentu. I na tiradu na metadi di pobu; si pekadu na fika riba di si kabesa.”

Mateus 5:19

Kin ku disobdisi un de mandamentus mas pikininu, o ku na nsina jinti pa e fasi asin, i na comadu algin mas pikininu na renu di seu, ma kil ku obdisi lei, i nsina jinti pa e fasi asin, i na comadu garandi na renu di seu.

Atus 23:3

Paulu falal: “Deus na kastigau tambi, abo paredi kaiadu! Bu sta li sintadu pa julgan suma ku lei manda, ma kontra lei bu na manda bofotian!”

Romanus 3:20

Nin un algin ka na ojadu justu pabia di guarda lei, ma lei ta mostranu pekadu.

Romanus 4:15

Lei ta tisi raiba, ma nunde ku lei ka ten, kebra lei ka ten tambi.

2 Koríntius 12:21

N ten medu pa, ora ku N bai, ña Deus i na rebaŝan bo dianti, tok N ta cora riba di kilis ku tarda peka, e ka ripindi di se susidadi, ku mau vida, ku pekadu seksual ke fasi.

Tiagu 5:15

Orason di fe i ta salba ki duenti; Siñor ta lantandal. Si kontra i fasi kualker pekadu, i ta purdadu el.

1 Jon 5:17

Tudu kusa mau ku algin fasi i pekadu, ma i ten pekadu ki ka pa mortu.

1 Samuel 15:24

Saul fala Samuel: “N peka, pabia N disobdisi mandamentu di SIÑOR, ku bu ordi. N tenba medu di jinti, N seta ke ke falan.