1 Jon 3:17 - BIBLIA - traduson antigu in Krioulo

¹⁷ Kin ku sta ben ne mundu, i oja si ermon ku falta, i fica si korson pa el, kuma ki pudi fala kuma amor di Deus sta nel?

1 Jon 3:17 ပူးပေါင်းရင်းမြစ်များ

Ditus 12:10

Un omi justu ta toma konta di si limarias diritu, ma omi mau ta sedu kruel pa di sil.

Ditus 14:31

Kin ku kalka koitadi i na koba kil ku kumpul, ma kin ku mostra bondadi pa koitadi i na da Deus gloria.

Ditus 19:17

Kin ku pati koitadi un kusa, i pista SIÑOR; SIÑOR na bin pagal si bondadi.

Ditus 21:13

Kil ku tapa oreja ora ku koitadi na comal, el tambi i na coma, i ka na obidu.

Ditus 28:9

Kil ku nega obi lei, si orason i nujenti pa SIÑOR.

Lukas 3:11

I ruspundi i fala elis: “Kin ku tene dus kamisa, pa i rapati ku kil ku ka tene nin un son. Kil ku tene kusa di kume, pa i fasi mesmu.”

2 Koríntius 8:9

Bo sibi kuma no Siñor Jesus Kristu staba pruntu pa da. El i seduba riku, ma pa amor di bos i bida pobri, pa i pudi fasi bos riku pabia di si pobresa.

Ebreus 13:16

Ka bo diskisi di fasi ben, bo rapati ku utrus kil ku bo tene, pabia i e koldadi sakrifisiu ku Deus ta kontenti ku el.

Tiagu 2:15

Si un ermon macu o femia ten falta di ropa, i ka tene tambi kusa di kume ki dia,

Tiagu 2:16

un di bos falal: “Bai, Deus kumpañau; bu bai kenta, bu farta!” bo ka dal gora nada ki pirsisa pa si kurpu, ke ki bali?

1 Jon 4:20

Si algin fala kuma i ama Deus, ma i nfastia si ermon, i munturus, pabia kil ku ka ama si ermon ki oja, kuma ki pudi ama Deus ki ka oja?

1 Jon 5:1

Tudu kil ku fia kuma Jesus i Kristu i fiju di Deus. Tudu kil ku ama un pape, i ta ama tambi si fiju.