1 Jon 3:12 - BIBLIA - traduson antigu in Krioulo

¹² I ka suma Kain ku seduba di ki malvadu, i mata si ermon. Ke ku manda i matal? I pabia i ta fasi kusas mau; si ermon ta fasi kusas bon.

1 Jon 3:12 ပူးပေါင်းရင်းမြစ်များ

Kumsada 4:25

Adon torna dita ku si minjer; I padi un fiju, i comal nomi di Set, i fala: “Deus dan utru fiju na konta di Abel, manera ku Kain matal.”

2 Samuel 13:22

Absalon ka fala Amnon nada, nin po nin pedra, pabia i odial, manera ki forsija si irma Tamar.

Salmus 37:12

Omi mau ta fasi mau planu kontra justu, i ta ñeme dinti kontra el.

Salmus 38:20

Kilis ku paga mal pa ben e sta kontra mi, pabia N pega na kil ki bon.

Ditus 27:4

Raiba ta fasi dur, i suma turbada, ma kin ku pudi nguenta nveẑa?

Ditus 29:10

Omis ku ta darma sangi e ta aburisi algin di bardadi, ma jinti retu e ta buska ben pa el.

Ditus 29:27

Justus ka pudi nguenta omi tortu; jinti mau ka pudi nguenta kil ku ta yanda na kamiñu retu.

Mateus 13:19

Tudu kil ku obi palabra di renu, i ka ntindil, ki malvadu ta bin rabata kil ku sumiadu na si korson. Es i sintidu di kil ku sumiadu lungu di kamiñu.

Mateus 13:38

Lugar i mundu. Bon simentera i kilis ku pertensi renu di Deus. Arus brabu i kilis ku pertensi ki malvadu.

Mateus 23:35

pa i pudi kai riba di bos tudu sangi di jinti justu ku darmadu na con, desdi sangi di ki omi justu, Abel, te sangi di Zakarias, fiju di Barakias, ku bo mata entri lugar sagradu ku altar.

Mateus 27:23

Pilatus punta: “Ma kal mal ki fasi?” E grita ku mas forsa: “Krusifikal!”

Mateus 5:37

Basta bu fala: ‘Sin’ ora ki sedu sin, ‘Nau’ ora ki sedu nau, pabia tudu ku sedu mas di ki es i bin di ki algin malvadu.

Lukas 11:51

desdi sangi di Abel te sangi di Zakarias ku matadu na metadi di altar ku lugar sagradu. Sin, N na konta bos kuma, i jinti di aos ku na da konta de kusas.

Bon Noba di Jesus Kristu ku Jon 10:32

Jesus fala elis: “Manga di bias N fasi kusas bon bo dianti, na puder di ña Pape; kal de kusas ku pui bos bo na dan ku pedra?”

Bon Noba di Jesus Kristu ku Jon 8:40

Gosi bo misti matan, ami omi ku fala bos sempri bardadi ki obi di Deus. Abraon ka ta fasiba asin.

Bon Noba di Jesus Kristu ku Jon 8:41

Abos bo fasi kusas suma ku bo pape fasi.” E falal: “Anos no ka sedu fijus sin pape; no tene son un Pape ki Deus.”

Atus 7:52

Kal anunsiadur ku bo papes ka pirsigi? Tok e mata kilis ku jumna konta kuma ki Algin Justu na bin, kil ku bo falsia, bo mata ne dias.

1 Tesalonisensis 2:14

Ermons, un mesmu kusa ku kontisi ku bos i el ku kontisi ku igreẑas di Deus na Judeia, ku sedu di Kristu Jesus, pabia bo sufri mesmu pirsigison di bo pobu suma ku elis e sufri di judeus

Ebreus 11:4

I fe ku pui Abel da Deus sakrifisiu mas bon di ki kil di Kain. E ku manda Deus ngabal kuma i justu; i kontenti ku si oferta. Pabia di fe, te dipus di mortu, i na papia inda.

Ebreus 12:24

pa Jesus ku ranja nobu kontratu entri nos ku Deus, pa sangi ku wagadu, ku ta fala minjor di ki sangi di Abel.

1 Pedru 4:4

Gosi e ta straña kuma ku bo ka ta sta ku elis na ki forti kurida fora di ordi; e ta fala mal kontra bos,

1 Jon 3:8

Kin ku ta fasi pekadu i di diabu, pabia diabu peka disna di kumsada. I pa e fin ku Fiju di Deus bin, pa kaba ku kusas ku diabu fasi.

Judas 1:11

Koitadi delis! E bai na kamiñu ku Kain bai. Pa amor di diñeru e murguja na eru suma Balaon. E rafila suma Koré; e pirdi suma el.

Apokalipsi 17:6

N oja kuma ki minjer cami ku sangi di pobu di Deus, ku sangi di kilis ku matadu pabia e da tustumuñu di Jesus. Oca N ojal, N pasma ku garandi dimirason.