1 Jon 3:10 - BIBLIA - traduson antigu in Krioulo

¹⁰ I es ku ta mostra fiju di Deus ku fiju di diabu: Kil ku ka ta fasi kusas diritu, ku ka ama si ermon, i ka di Deus.

1 Jon 3:10 ပူးပေါင်းရင်းမြစ်များ

2 Samuel 13:22

Absalon ka fala Amnon nada, nin po nin pedra, pabia i odial, manera ki forsija si irma Tamar.

Mateus 13:38

Lugar i mundu. Bon simentera i kilis ku pertensi renu di Deus. Arus brabu i kilis ku pertensi ki malvadu.

Lukas 6:35

Bo ama bo inimigus, bo fasi ben, bo pista; ka bo pera pagamentu; asin bo ta bin risibi garandi premiu; bo ta sedu fijus di Deus ku sta riba di tudu, pabia el i bon pa kilis ku ingratu i mau.

Bon Noba di Jesus Kristu ku Jon 1:12

ma tudu jinti ku setal, kilis ku fia na si nomi, i da elis diritu di sedu fijus di Deus.

Bon Noba di Jesus Kristu ku Jon 11:52

I ka son pa nason, ma pa junta, na un kurpu son, fijus di Deus ku staba pajigadu.

Bon Noba di Jesus Kristu ku Jon 8:44

Abos, bo pape i diabu; bo misti fasi si vontadi. El i matadur disna di kumsada. Nunka i ka sikidu na bardadi, pabia bardadi ka sta nel. Ora ki na konta mintida, i ta konta di kil ki sedu propi, pabia i munturus; i pape di mintida,

Bon Noba di Jesus Kristu ku Jon 8:47

Kin ki di Deus i ta sukuta palabra di Deus. Ke ku manda bo ka ta sukutal i pabia abos i ka di Deus.”

Atus 13:10

“Abo, fiju di diabu, incidu di tudu nganu ku tudu maldadi, inimigu di tudu ki bon, kal tempu ku bu na para dana kamiñu retu di Siñor?

Romanus 13:8

Ka bo dibi ningin nada, son amor pa ŋutru, pabia kil ku ama si kumpañer, i kumpri lei.

Efésius 5:1

Suma bo sedu fijus ku Deus ama, bo fasi forsa pa parsil.

Kolosensis 3:14

Riba di tudu e kusa bo buri amor ku ta liga tudu kusa pa forma unidadi kompletu.

1 Timótiu 1:5

N da e ordi pa disperta amor ku ta sai di un korson puru, di un bon konsiensia, di un fe ki ka di finjimentu.

1 Jon 2:29

Si bo sibi kuma el i justu, bo sibi kuma tudu kin ku ta fasi kusa diritu i si fiju.

1 Jon 3:1

Bo oja garandi amor ku no Pape mostranu, pa no comadu fijus di Deus. Asin ku no sedu na bardadi. E ku manda jinti di mundu ka kunsinu, pabia e ka kunsil.

1 Jon 3:2

Ña kiridu ermons, gosi no sedu fijus di Deus; ke ku no na bin sedu i ka klaru inda, ma no sibi, ora ku Kristu bin, no na sedu suma el, pabia no na ojal manera ki sedu.

1 Jon 4:21

E mandamentu, i Kristu ku danu el, kuma kin ku ama Deus, pa i ama tambi si ermon.

1 Jon 4:6

Anos i di Deus. Kin ku kunsi Deus i ta obinu. Kin ki ka di Deus ka ta obinu. Asin ku no ta kunsi Spiritu di bardadi ku spiritu ku ta yara.

1 Jon 4:8

Kil ku ka ten amor i ka kunsi Deus, pabia Deus i amor.

1 Jon 5:19

No sibi kuma no sedu di Deus, ma tudu mundu sta bas di puder di ki malvadu.

1 Jon 5:2

I ne manera ku no ta sibi kuma no ama fijus di Deus, si no ama Deus, no obdisi si mandamentus.

3 Jon 1:11

Ña kiridu ermon, ka bu remenda kusa mau, ma son kil ki bon. Algin ku ta fasi ben i di Deus, ma kil ku ta fasi mal i ka oja Deus.