1 Jon 3:1 - BIBLIA - traduson antigu in Krioulo

¹ Bo oja garandi amor ku no Pape mostranu, pa no comadu fijus di Deus. Asin ku no sedu na bardadi. E ku manda jinti di mundu ka kunsinu, pabia e ka kunsil.

1 Jon 3:1 ပူးပေါင်းရင်းမြစ်များ

2 Samuel 7:19

Suma tudu ku bu fasin ja i sedu pikininu bu dianti, gosi bu fala tambi na familia di bu servu na tempus ku na bin. O SIÑOR Deus, nta asin ku bu kustuma ta fasi ku jinti?

Salmus 31:19

Ki bu bondadi ku bu guarda pa kilis ku rispitau, i garandi; el ku bu ta mostra, dianti di tudu jinti, pa kilis ku fiansa na bo.

Jeremias 3:19

Ami N fala: “N misti teneu suma ña fiju, N dau tera bonitu, yardansa mas bon di ki utru nasons. N pensa: E na coman Pape, e ka na disvia mas di mi.

Oseias 1:10

Fijus di Israel na ciu suma reia di mar, ku ka pudi mididu nin fasidu konta del. Nunde ke faladu: “Abos i ka ña pobu,” e na faladu: “Abos i fijus di Deus bibu.”

Lukas 20:36

E ka pudi muri ja mas, pabia e na sedu suma anjus, e na sedu fijus di Deus, suma ke lanta di mortu.

Bon Noba di Jesus Kristu ku Jon 1:12

ma tudu jinti ku setal, kilis ku fia na si nomi, i da elis diritu di sedu fijus di Deus.

Bon Noba di Jesus Kristu ku Jon 11:52

I ka son pa nason, ma pa junta, na un kurpu son, fijus di Deus ku staba pajigadu.

Bon Noba di Jesus Kristu ku Jon 15:21

E na fasi bos tudu e kusas pabia di mi, suma e ka kunsi kil ku mandan.

Bon Noba di Jesus Kristu ku Jon 16:3

E na fasi bos e kusas pabia e ka kunsi ña Pape nin e ka kunsin.

Bon Noba di Jesus Kristu ku Jon 17:25

Pape justu, jinti di mundu ka kunsiu, ma ami N kunsiu; esis e sibi kuma i abo ku mandan.

Bon Noba di Jesus Kristu ku Jon 3:16

Deus ama jinti di mundu dimas, tok i da si uniku Fiju, pa tudu kil ku setal ka ta pirdi, ma i ta tene vida ku ka ta kaba.

Romanus 5:8

ma Deus danu proba di si amor pa nos, manera ku Kristu muri pa nos ocanu inda na no pekadu.

Romanus 8:19

Tudu ku Deus kumpu ta faima pa ki dia ku Deus na mostra kilis ku sedu si fijus,

Romanus 8:21

na speransa di kuma, un dia, e kusas ki kumpu na libradu di katiberasku di podrisa, e na risibi liberdadi gloriosu di fijus di Deus.

Romanus 8:32

Kil ku ka tuji nin propi si Fiju, ma i ntregal pabia di nos tudu, kuma tambi ki ka na bin patinu tudu kusas juntu ku el?

2 Koríntius 6:18

N ta sedu bo pape; bo ta sedu ña fijus macu ku femia. Asin ku Siñor ku ten tudu puder fala.”

Gálatas 3:26

Pabia di fe na Kristu Jesus, abos tudu bo sedu fijus di Deus.

Gálatas 3:29

Si bo pertensi Kristu, bo sedu jorson di Abraon, bo na risibi kil ku Deus fala i na da.

Ripitison di Lei 14:1

Bo sedu fijus di SIÑOR bo Deus. Ka bo laña bo kurpu, nin ka bo rapa kabelu na parti di frenti di bo kabesa pabia di algin ku muri.

Kolosensis 3:3

pabia bo muri; bo vida sta sukundidu ku Kristu na Deus.

1 Jon 3:10

I es ku ta mostra fiju di Deus ku fiju di diabu: Kil ku ka ta fasi kusas diritu, ku ka ama si ermon, i ka di Deus.

1 Jon 3:2

Ña kiridu ermons, gosi no sedu fijus di Deus; ke ku no na bin sedu i ka klaru inda, ma no sibi, ora ku Kristu bin, no na sedu suma el, pabia no na ojal manera ki sedu.

1 Jon 4:17

Amor i kompletadu na nos pa no pudi ten fiansa na dia di juisu, pabia suma ku Jesus sedu, asin ku no sedu tambi ne mundu.

Apokalipsi 21:7

Kil ku ngaña, i na yarda tudu e kusas. Ami N na sedu si Deus, el i na sedu ña fiju.