1 Jon 2:5 - BIBLIA - traduson antigu in Krioulo

⁵ Kil ku obdisi si palabra, na bardadi, amor di Deus sta kompletu dentru del. Asin no ta sibi kuma no sta na Deus.

1 Jon 2:5 ပူးပေါင်းရင်းမြစ်များ

Salmus 105:45

I da elis ki tera pa e pudi obdisi si ordis ku si leis. Bo ngaba SIÑOR!

Salmus 106:3

Sortiadu i kilis ku ta manti se retidon, ku sempri ta fasi kil ki diritu.

Salmus 119:146

N na comau; salban; N ta sigi bu nsinamentus.

Salmus 119:2

Sortiadu i kilis ku obdisi si nsinamentus, e buskal ku tudu se korson.

Salmus 119:4

Bu danu bu mandamentus, pa no pudi sigil ku mpeñu.

Ditus 28:7

Kil ku obdisi lei i fiju ntindidu, ma kumpañer di jinti ku ta yanda sin kontrolu i ta tisi borgoña pa si pape.

Ditus 8:32

“Asin, ña fijus, bo obin, pabia kilis ku yanda na ña kamiñus e na sortiadu.

Eklesiastis 8:5

Kil ku ta obdisi ordi i ka ta pasa nin koldadi mal. Algin ku korson jiru ta sibi tempu ku manera di fasi un kusa,

Ezekiel 36:27

N na pui ña Spiritu na bos, N pui bos pa bo yanda na ña mandamentus, pa bo pui sintidu pa obdisi ña leis.

Lukas 11:28

Jesus ruspundil: “Mas sortiadu i kilis ku ta obi palabra di Deus, e ta fasi suma ki fala.”

Bon Noba di Jesus Kristu ku Jon 14:21

Kin ku tene ña mandamentus, i obdisi elis, i el ku aman. Kin ku aman, ña Pape tambi ta amal; ami N ta amal, N ta mostral ami i kin.”

Bon Noba di Jesus Kristu ku Jon 14:23

Jesus ruspundil: “Si algin aman, i ta obdisi ña palabra; ña Pape ta amal; no ta bin pa el, no mora ku el.

Bon Noba di Jesus Kristu ku Jon 15:5

“Ami i suma pe di uva, abos i ramus. Kin ku sta na mi, ami N sta nel, i ta padi frutu ciu, pabia sin mi bo ka pudi fasi nada.

Bon Noba di Jesus Kristu ku Jon 6:56

Kin ku kume ña karni, i bibi ña sangi, i ta sta na mi; ami N ta sta nel.

Romanus 8:1

I ka ten kondenason pa kilis ku liga ja ku Kristu Jesus, [ku ka ta yanda konformi vontadi di se kurpu, ma konformi Spiritu,]

1 Koríntius 1:30

Deus junta bos ku Jesus Kristu; i fasil jiresa pa nos. Pabia del tambi i fasinu justu, i santifikanu, i libertanu.

2 Koríntius 5:17

Si algin liga ku Kristu, i ta sedu nobu algin. Kusas beju pasa ja; tudu vida bida nobu.

2 Koríntius 5:21

Kil ku ka fasi pekadu nunka, Deus fasil pa i sedu pekadu pabia di nos, pa no pudi sedu justu suma Deus, na no union ku Kristu.

Tiagu 2:22

Bu oja ben kuma fe junta ku tarbaju; tarbaju kompleta fe.

1 Jon 3:24

Kin ku obdisi si mandamentu i sta na Deus; Deus sta nel. Es ku ta pui no sibi kuma i sta na nos, pabia di Spiritu ki danu.

1 Jon 4:17

Amor i kompletadu na nos pa no pudi ten fiansa na dia di juisu, pabia suma ku Jesus sedu, asin ku no sedu tambi ne mundu.

1 Jon 4:18

Medu ka sta na amor, ma un amor kompletu i ta tira medu fora, pabia medu liga ku kastigu. Kin ku ten medu, si amor inda ka sta kompletu.

1 Jon 5:2

I ne manera ku no ta sibi kuma no ama fijus di Deus, si no ama Deus, no obdisi si mandamentus.

1 Jon 5:20

No sibi kuma Fiju di Deus bin ja, i danu ntindimentu pa no kunsi Deus ki di bardadi. No sta na kil ki di bardadi, ku sedu si Fiju Jesus Kristu. Es i Deus di bardadi; i vida ku ka ta kaba.

2 Jon 1:6

E amor i pa no yanda konformi si mandamentus. Es i mandamentu ku bo obi disna di kumsada, pa bo yanda na amor.

Apokalipsi 12:17

Dragon paña raiba kontra minjer, i bai geria ku restu di si fijus, kilis ku obdisi mandamentu di Deus, ku fika firmi na se tustumuñu di Jesus.

Apokalipsi 14:12

Pa es i pirsis koraẑen na parti di pobu di Deus, ku obdisi si mandamentu, e fika fiel pa Jesus.