1 Jon 2:29 - BIBLIA - traduson antigu in Krioulo

²⁹ Si bo sibi kuma el i justu, bo sibi kuma tudu kin ku ta fasi kusa diritu i si fiju.

1 Jon 2:29 ပူးပေါင်းရင်းမြစ်များ

Jeremias 13:23

Nta un omi di Etiopia pudi muda si peli? O leopardu pudi muda si mancas? Abos gora? Suma bo nsinadu fasi mal, bo na pudi fasi ben me?

Zakarias 9:9

Prasa di Sion, fika kontenti! Prasa di Jerusalen, kanta ku alegria! Ali bu rei na bin pa bo, Salbadur justu, umildi, montadu na un buru, montadu na fijusiñu di buru.

Bon Noba di Jesus Kristu ku Jon 1:13

E ka sedu fijus di Deus pabia e padidu suma di kustumu, nin di se propi vontadi, nin di vontadi di omi, ma e padidu na familia di Deus.

Bon Noba di Jesus Kristu ku Jon 7:18

Kin ku ta papia di si kabesa i ta buska si propi gloria, ma kil ku ta buska gloria di kin ku mandal, es i algin di bardadi. Falsidadi ka sta nel.

Atus 10:35

ma i ta seta tudu, di kualker rasa, ku rispital, ku ta fasi kil ki justu.

Atus 22:14

I falan: ‘Deus di no papes jumna i kujiu ja pa bu kunsi si vontadi, pa bu oja ki Algin Justu, pa bu obi fála di si boka,

Atus 3:14

Bo nega kil ki santu, ki justu; bo pidi Pilatus pa i larga bos ki omi matadur.

2 Koríntius 5:21

Kil ku ka fasi pekadu nunka, Deus fasil pa i sedu pekadu pabia di nos, pa no pudi sedu justu suma Deus, na no union ku Kristu.

Ebreus 7:2

Abraon dal desimu parti di tudu ki tisi. Si nomi mostra purmeru kuma i rei justu. Dipus tambi i rei di Salen, ku sedu rei di pas.

Ebreus 7:26

No pirsisaba di un Ŝef di Saserdoti suma es, puru, sin pekadu, sin manca, lunjusidu di jinti ku ta peka, yalsadu pa un lugar mas altu na seu,

Tiagu 1:18

Na si vontadi i padinu ku si palabra di bardadi, pa no pudi sedu suma si purmeru fijus.

1 Pedru 1:23

Palabra di Deus ku tene vida, ku ta fika pa sempri, i el ku pui pa bo padidu utru bias; bo ka padidu na pape ku ta muri, ma na pape ku ka ta muri.

1 Pedru 1:3

No ngaba Deus, Pape di no Siñor Jesus Kristu. Pabia di si garandi pena, i fasi pa no padidu utru bias, pa no pudi ten speransa bibu, manera ki lantanda Jesus Kristu na metadi di mortus.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.

2 Pedru 1:4

Pabia de gloria ku garandesa ku manda i fala i na danu garandi kusas di balur, ku pui pa bo pudi kapli di podrisa ku sta na mundu pabia di diseẑus mau, pa bo pudi toma parti na naturesa di Deus.

1 Jon 2:1

Ña fijus, N na skirbi bos e kusas pa ka bo peka, ma si algin fasi un pekadu, no tene un algin justu, ku sedu Jesus Kristu, ku ta difindi pa nos dianti di no Pape.

1 Jon 3:5

Bo sibi kuma Kristu bin pa tira no pekadus. El i ka tene pekadu.

1 Jon 3:7

Ña fijus, ka bo disa ningin ngana bos. Kil ku ta fasi kusas diritu, ki algin i justu, suma ku Kristu i justu.

1 Jon 4:7

Ña kiridu ermons, no ama ŋutru, pabia amor i di Deus. Tudu kil ku ten amor i fiju di Deus; i kunsi Deus.

1 Jon 5:1

Tudu kil ku fia kuma Jesus i Kristu i fiju di Deus. Tudu kil ku ama un pape, i ta ama tambi si fiju.

1 Jon 5:18

No sibi kuma tudu kil ku padidu na familia di Deus i ka ta fasi pekadu, pabia Fiju di Deus ta guardal; ki malvadu ka ta toka nel.

1 Jon 5:4

pabia tudu fiju di Deus ta vensi mundu. Vitoria ku vensi mundu i no fe.

3 Jon 1:11

Ña kiridu ermon, ka bu remenda kusa mau, ma son kil ki bon. Algin ku ta fasi ben i di Deus, ma kil ku ta fasi mal i ka oja Deus.