1 Jon 2:16 - BIBLIA - traduson antigu in Krioulo

¹⁶ pabia tudu ku sta na mundu, ku sedu kusas ku no kurpu ta dija, ku uju ta oja i misti, ku vida di ronku, es tudu i ka di no Pape, ma i di mundu.

1 Jon 2:16 ပူးပေါင်းရင်းမြစ်များ

Kumsada 3:6

Minjer oja ki arvuri kuma i bon pa kume, i bonitu na si uju; i kumsa dijal pa i pudi dal ntindimentu. I tira si fruta, i kume, i da tambi si omi; kila kumel juntu ku el.

Kumsada 6:2

Fijus di Deus oja kuma fijus femia di omis e bonitu. E kasa ku kilis ke mistiba.

Jo 31:1

“N fasi kontratu ku ña uju; nta kuma ku N na pul na un bajuda?

Salmus 73:6

Asin e ta faja ku orgulyu suma fiu di garganti; e ta bisti violensia suma kamisa di ronku.

Salmus 78:18

E fasi diskarna, e proba Deus, e fala: “Danu ki karni ku no misti!”

Salmus 78:30

Ma e ka bin kontrola se apetiti. Oca ku karni staba inda na se boka,

Ditus 27:20

Nfernu ku mundu di mortus ka ta farta, suma ku uju di omi ka ta farta.

Ditus 6:25

Ka bu kubisa na bu korson si bonitasku, nin ka i kaptau ku si uju.

Daniel 4:30

i fala: “Jubi e garandi Babilonia! I ami ku kumpul suma residensia pa rei, ku ña forsa ku puder, pa mostra gloria di ña garandesa.”

Numerus 11:34

Asin nomi di ki kau i comadu Kibrot-Ataavá, pabia la ke ntera jinti ku faima pa kusa sabi.

Numerus 11:4

Utru stranjerus ku staba na se metadi faima pa kusa sabi. Asin fijus di Israel torna cora, e punta: “Kin ku na danu karni pa no kume?

Mateus 4:8

Diabu torna lebal mas na un monti altu, i mostral tudu renus di mundu ku se gloria,

Mateus 5:28

Ma N na konta bos kuma, tudu algin ku jubi minjer ku mau pensamentu, i kai ja ku el na si korson.

Lukas 4:5

Dipus, diabu lebal pa un kau altu, i mostral di un bias tudu renus di mundu.

Romanus 13:14

ma bo kubri ku armadura di Siñor Jesus Kristu. Ka bo alimenta mau diseẑu di bo naturesa.

1 Koríntius 10:6

Agora tudu e kusas sedu pa avisanu pa ka no kubisa kusas mau suma elis.

Gálatas 5:17

Kil ku no naturesa umanu misti i kontra kil ku Spiritu misti. Kil ku Spiritu tambi misti i kontra no naturesa. E dus e ta geria kontra ŋutru; asin bo ka ta pudi fasi kil ku bo misti,

Gálatas 5:24

Kilis ku sedu di Kristu Jesus e krusifika se naturesa umanu, ku tudu diseẑu mau ku na yardi dentru di ki naturesa.

Efésius 2:3

Na bardadi anos tudu no staba suma elis tambi; no ta yandaba konformi no naturesa umanu; no ta fasiba kualker kusa ku bin na no sintidu, ku no kurpu misti. Anos tambi, na no naturesa, suma utru jinti, no staba bas di raiba di Deus.

Titu 2:12

pa nsinanu nega vida mau ku tudu diseẑu di mundu, pa no sibi guberna no kabesa ne mundu di gosi, no sedu retu, no yanda suma ku Deus misti,

Titu 3:3

Purmeru, asin ku no seduba: tulu, disobdienti, eradu, katibus pa tudu koldadi diseẑu mau, ku gozu di mundu. No ta yandaba na malisia ku nveẑa; no odiaduba, no ta odia utru jinti tambi,

Tiagu 3:15

Es i ka jiresa ku bin di riba, ma i di tera, di no naturesa di limaria; i bin di dimoniu.

Tiagu 4:16

Ma abos bo ta njata na bo fiansa. Tudu njatamentu de koldadi i mau.

Josué 7:21

Oca N oja, na metadi di kusas tomadu na gera, un bon kapa di Babilonia, mas di ki dus kilu di prata ku un bloku di uru ku pesa mas di ki meiu kilu, N mistiba elis dimas, N toma. Ala elis sukundidu dentru di ña tenda, na con, ku prata mas pa bas.”

1 Pedru 1:14

Suma fijus obdienti, ka bo forma bo vida konformi diseẑus mau ku bo tenba oca ku bo ka sibiba nada inda,

1 Pedru 2:11

Ña kiridus, suma ku bo sedu ospris stranjeru, N pidi bos pa bo libra di mau diseẑu di kurpu, ku ta geria kontra alma.

2 Pedru 2:10

Riba di tudu, i na kastiga kilis ku na yanda na susidadi di vontadi di se kurpu, e na njuti otridadi, e sedu kunfiadu, e ta yalsa ombra, e ka medi fala mal di kriaturas ku sta na seu.

2 Pedru 2:18

E ta fala palabras di njatamentu ku ka ten balur. Na se diseẑu mau di kurpu ku se vida susu e ta ngoda kilis ku kumsa na kapli nan di jinti ku na yanda mal.