1 Jon 1:9 - BIBLIA - traduson antigu in Krioulo

⁹ Si no konfesa no pekadus, suma el i justu, i di konfiansa, i ta purda no pekadus, i ta limpanu di tudu kusa mau,

1 Jon 1:9 ပူးပေါင်းရင်းမြစ်များ

1 Reis 8:30

Obi ña orason, ku orason di bu pobu Israel ora ke vira rostu pa e lugar, e ora. La na seu nunde ku bu mora, obinu, bu purdanu.

1 Reis 8:47

si, na tera ke lebadu katibu pa el, e ripindi, e konverti, e pidiu, e fala: ‘No peka, no yanda mal dimas, no fasi kusas kontra lei,’

Neemias 1:6

jubi pa mi, bu yabri oreja, bu obi orason di bu servu ku N na fasi bu dianti aos, di dia ku di noti, pa fijus di Israel, bu servus. N konfesa pekadus ku anos fijus di Israel no fasi kontra bo; ami tambi ku familia di ña pape no peka.

Salmus 19:12

Kin ku pudi oja si propi erus? SIÑOR, purdan kilis ku N ka nota.

Salmus 32:5

Asin, N konfesa ña pekadu; N ka sukundi mal ku N fasi. N fala kuma N na konfesa SIÑOR kusas mau ku N fasi; bu purdan kulpa di ña pekadu. Sela

Saida 34:7

ku ta kontinua mostra si amor pa milyaris di jinti, ku ta purda maldadi ku rebelion ku pekadu, ma i ka ta trata kulpadu suma kin ku ka ten kulpa. I ta kastiga fijus, ku se fijus ku netus, pabia di pekadu di se papes.”

Ditus 28:13

Kil ku sukundi si pekadus nunka i ka na bai dianti, ma kil ku konfesa, i disa, i ta yangasa miserikordia.

Isaias 45:21

Bo ciga juntu, bo diklara, bo konsulta sintidu di ŋutru. Disna di tempu antigu, kin ku jumna i konta e kusa, o i diklaralba ja? Nta i ka ami, bo SIÑOR? Fora di mi i ka ten mas utru Deus; i ka ten Deus justu o Salbadur fora di mi.

Jeremias 3:13

I fala mas: “I son pa bu rapara bu pekadu, bu seta kuma bu peka kontra SIÑOR bu Deus, kuma bas di tudu arvuri verdi bu bindi bu kurpu pa utru deusis. Konfesa kuma bu ka obdisi ke ku N falau.”

Jeremias 33:8

N na purifika elis di tudu kusas mau ke fasi kontra mi; N na purda elis se pekadus ke peka kontra mi, manera ke kebra ña lei.

Miskiñu di Jeremias 3:23

I ta nobu kada parmaña. Abo i fiel dimas!

Ezekiel 36:25

N na waga yagu puru riba di bos, bo na purifikadu. N na purifika bos di tudu susidadi ku tudu bo idulus.

Ezekiel 37:23

Nunka mas e ka na kontamina ku se idulus nin ku kusas nujenti, nin ku kualker di se pekadus; N na libra elis di disvia pa pekadu, N na purifika elis. Asin e na sedu ña pobu, N na sedu se Deus.

Zakarias 9:9

Prasa di Sion, fika kontenti! Prasa di Jerusalen, kanta ku alegria! Ali bu rei na bin pa bo, Salbadur justu, umildi, montadu na un buru, montadu na fijusiñu di buru.

Mateus 3:6

E ta konfesaba se pekadus; Jon ta batisa elis na riu Jordon.

Markus 1:5

Tudu jinti di tera di Judeia ku jinti di prasa di Jerusalen e ta baiba pa Jon, e konfesa se pekadu; i ta batisa elis na riu Jordon.

Lukas 22:57

Pedru nega, i falal: “Minjer, nin N ka kunsil.”

Bon Noba di Jesus Kristu ku Jon 17:25

Pape justu, jinti di mundu ka kunsiu, ma ami N kunsiu; esis e sibi kuma i abo ku mandan.

Atus 19:18

Manga delis ku seduba ja krentis e ta bin konfesa, e konta dianti di jinti kusas ke fasiba.

Romanus 3:26

pa i pudi mostra si bondadi ne tempu, kuma el i justu, i ta pui kil ku fia na Jesus sedu justu.

1 Koríntius 1:9

Deus i fiel, ku coma bos pa bo ten kumuñon ku si Fiju Jesus Kristu no Siñor.

1 Koríntius 6:11

Utrus na bo metadi seduba asin, ma bo labadu, bo santifikadu, bo ojadu justu na nomi di Siñor Jesus Kristu, pa Spiritu di no Deus.

Efésius 5:26

pa i separal pa el. I labal ku yagu ku palabra pa limpal,

Ripitison di Lei 7:9

Asin bu dibi di ntindi kuma SIÑOR bu Deus, el ki Deus; i Deus fiel ku ta guarda si kontratu. I na mostra bondadi te mil manjuandadi di kilis ku amal, e obdisi si mandamentus,

1 Timótiu 1:15

Es i palabra ku bo pudi fia nel, ku mersi pa setal ntidu, kuma Kristu Jesus bin mundu pa salba kilis ku peka. Ami N sedu pior delis,

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

Ebreus 10:23

No pega tesu na fala di no speransa, pabia kil ku da purmesa i di fiansa.

Ebreus 11:11

I fe ku pui propi Sara pa i risibi puder di preña; i padi oca ki pasaba ja idadi, pabia i oja kuma kil ku fala i na dal fiju i fiel pa fasil.

Ebreus 6:10

Deus i ka injustu pa diskisi di bo tarbaju, ku amor ku bo mostra pa el, manera ku bo sirbi si pobu, suma ku bo na fasi te gosi.

1 Jon 1:7

Si no na yanda na lus, suma ku el i sta na lus, no ta liga ku ŋutru; sangi di Jesus, si Fiju, i ta limpanu di tudu pekadu.

Apokalipsi 15:3

E na kantaba kantiga di Moisés, servu di Deus, ku kantiga di Karnel, e fala: “O Siñor Deus ku ten tudu puder, kusas ku bu fasi i garandi, i di dimira! O Rei di nasons, bu kamiñus i justu, i di bardadi.