ئاشکراکردن 7:12 - پەیمانی نوێ و زەبوورەکان بە سۆرانی

¹² وتیان: “ئامین! ستایش و شكۆ و دانایی و سوپاس و ڕێز و هێز و توانا بۆ خوداوه‌ندمانه‌، تاهه‌تایه‌! ئامین!”

كوردی سۆرانی ستانده‌رد

¹² دەیانگوت: «ئامین! ستایش و شکۆ و دانایی و سوپاس و ڕێز و هێز و توانا بۆ خودامانە، هەتاهەتایە! ئامین!»

ئاشکراکردن 7:12 ပူးပေါင်းရင်းမြစ်များ

زەبوورەکان 100:4

به‌ سوپاسه‌وه‌ بڕۆنه‌ نێو ده‌روازه‌كانی. به‌ ستایشه‌وه‌ بڕۆنه‌ نێو باره‌گاكه‌ی. سوپاسی بكه‌ن و ناوی ستایش بكه‌ن.

زەبوورەکان 106:48

پیرۆزه‌ په‌روه‌ردگار، خوداوه‌ندی ئیسڕائیل، له‌ ئه‌زه‌له‌وه‌ تا جاویدانی. با هه‌موو گه‌ل بڵێن: “ئامین”. هه‌لیلویا.

زەبوورەکان 107:22

با قوربانیی سوپاسگوزاری پێشكه‌ش بكه‌ن. به‌ په‌سنیه‌وه‌ كرده‌وه‌كانی بژمێرن.

زەبوورەکان 116:17

قوربانیی سوپاسگوزاری بۆ تۆ سه‌رده‌بڕم، به‌ ناوی په‌روه‌ردگاره‌وه‌ ده‌پاڕێمه‌وه‌.

زەبوورەکان 147:7

به‌ سوپاسه‌وه‌ وه‌ڵامی په‌روه‌ردگار بده‌نه‌وه‌. به‌ عوود په‌سنی بۆ خوداوه‌ندمان بڵێن.

زەبوورەکان 41:13

پپرۆزه‌ په‌روه‌ردگار خوداوه‌ندی ئیسڕائیل، له‌ ئه‌زه‌له‌وه‌ تا جاویدانی. ئامین و ئامین.

زەبوورەکان 50:14

قوربانیی سوپاسگوزاری بۆ خودا بكه‌، نه‌زره‌كانت به‌رامبه‌ر هه‌ره‌به‌رز بهێنه‌ دی،

زەبوورەکان 72:19

پیرۆزه‌ ناوی شكۆداری تاهه‌تایه‌، با شكۆمه‌ندیه‌كه‌ی هه‌موو زه‌وی پڕ بكات. ئامین و ئامین. نوێژه‌كانی داویدی كوڕی ئیشه‌ی ته‌واو بوون.

زەبوورەکان 89:52

پیرۆزه‌ په‌روه‌ردگار تاهه‌تایه‌. ئامین و ئامین.

زەبوورەکان 95:2

به‌ سوپاسه‌وه‌ بچینه‌ به‌رده‌می، به‌ په‌سنیه‌وه‌ ده‌نگی بۆ هه‌ڵببڕین.

مه‌تته‌ی 6:13

مه‌مانخه‌ره‌ نێو تاقیكردنه‌وه‌، به‌ڵكو ڕزگارمان بكه‌ له‌ به‌دكار. چونكه‌ پاشایه‌تی و هێز و شكۆ هی تۆیه‌ تا جاویدانی. ئامین)

ڕۆما 11:36

چونكه‌ هه‌موو شته‌كان له‌ ئه‌وه‌ و به‌ ئه‌وه‌ و بۆ ئه‌وه‌. تاهه‌تایه‌ شكۆمه‌ندی بۆ ئه‌وه‌! ئامین.

یەکەم کۆرنسۆس 14:16

ئه‌گینا، ئه‌گه‌ر به‌ ڕووح داڕشت بكه‌یت، چۆن یه‌كێكی ده‌ره‌وه‌ به‌ سوپاسكردنه‌كه‌ت بڵێت “ئامین” چونكه‌ نازانێت تۆ چی ده‌ڵێی!

دووه‌م قۆرنتێ 4:15

چونكه‌ هه‌موو شته‌كان له‌ پێناوی ئێوه‌یه‌، تاكو به‌خشش بۆ زۆر كه‌س زیاد بێت، سوپاسگوزاریش زیاد بێت بۆ شكۆمه‌ندیی خودا.

کۆلۆسی 2:7

له‌ودا داكوتراو بن و بنیاد بنرێن، جێگیر بن له‌ باوه‌ڕدا وه‌ک فێركران، له‌ سوپاسگوزاریتان بڕژێته‌وه‌.

کۆلۆسی 3:17

هه‌ر شتێک ده‌ڵێن و ده‌یكه‌ن، هه‌مووی به‌ ناوی ئیشۆعی په‌روه‌ردگار بیكه‌ن، به‌و سوپاسی خودای باوک بكه‌ن.

یەهوزا 1:25

بۆ تاكه‌ خوداوه‌ندی دانا و ڕزگاریده‌رمان، شكۆ و مه‌زنی و توانا و ده‌سه‌ڵات بۆ ئه‌وه‌، ئێستا و تا هه‌موو ڕۆژگار. ئامین.

ئاشکراکردن 1:18

زیندووه‌كه‌م، مردوو بووم، ئه‌وه‌تا تاهه‌تایه‌ زیندووم! ئامین. كلیله‌كانی دۆڵی بێبن و مه‌رگم پێیه‌.

ئاشکراکردن 19:4

بیست و چوار پیره‌كه‌ و چوار بوونه‌وه‌ره‌كه‌ كه‌وتن و بۆ خودای دانیشتووی سه‌ر ته‌خت كڕنۆشیان برد، وتیان: “ئامین! هه‌لیلویا!”