یۆحەنا 10:6 - پەیمانی نوێ و زەبوورەکان بە سۆرانی

⁶ ئیشۆع ئه‌م په‌نده‌ی بۆ گێڕانه‌وه‌، به‌ڵام ئه‌وان تێنه‌گه‌یشتن باسی چییان بۆ ده‌كات.

كوردی سۆرانی ستانده‌رد

⁶ عیسا ئەم نموونەیەی بۆ گێڕانەوە، بەڵام ئەوان تێنەگەیشتن باسی چییان بۆ دەکات.

یۆحەنا 10:6 ပူးပေါင်းရင်းမြစ်များ

زەبوورەکان 106:7

كاتێ باوكانمان له‌ میسڕ بوون. له‌ په‌رجوه‌كانی تۆ تێنه‌گه‌یشتن. یادی زۆریی میهره‌بانیه‌كه‌ی تۆیان نه‌كرده‌وه‌، به‌ڵكو یاخیبوون له‌لای ده‌ریا. له‌لای ده‌ریای سووف.

زەبوورەکان 82:5

نازانن و تێناگه‌ن. له‌ تاریكیدا ده‌ڕۆن. هه‌موو بنچینه‌كانی زه‌وی ده‌شڵه‌ژێن.

مه‌تته‌ی 13:34

ئیشۆع هه‌موو ئه‌مانه‌ی به‌ په‌ند بۆ كۆمه‌ڵه‌كه‌ فه‌رموو، به‌بێ په‌ند فه‌رمووده‌ی بۆ نه‌ده‌كردن،

مه‌تته‌ی 13:51

ئیشۆع پێی فه‌رموون: “ئایا هه‌موو ئه‌مانه‌ تێگه‌یشتن؟” وتیان: “به‌ڵێ گه‌وره‌م”.

مەرقۆس 4:34

به‌بێ په‌ند فه‌رمووده‌ی بۆ نه‌ده‌كردن، به‌ڵام كاتێ به‌ ته‌نها ده‌بوو له‌گه‌ڵ قوتابییه‌كانی هه‌موو شتێكی بۆ ڕاڤه‌ ده‌كردن.

یۆحەنا 16:25

به‌ په‌ند قسه‌م بۆ كردن، به‌ڵام كاتێ دێت ئیتر به‌ په‌ند بۆتان نادوێم، به‌ڵكو به‌ ئاشكرا باسی باوكتان بۆ ده‌كه‌م.

یۆحەنا 16:29

قوتابییه‌كانی وتیان: “ئه‌وه‌تا ئێستا به‌ ئاشكرا قسه‌ ده‌فه‌رموویت و به‌ هیچ په‌ندێک قسه‌ نافه‌رموویت.

یۆحەنا 6:52

جوو له‌نێو خۆیان ده‌مه‌قاڵه‌یان بوو و ده‌یانووت: “ئه‌مه‌ چۆن ده‌توانێ جه‌سته‌ی خۆیمان بداتێ بیخۆین؟”

یۆحەنا 6:60

زۆر له‌ قوتابییه‌كانی كه‌ گوێیان لێبوو، وتیان: “ئه‌م قسه‌یه‌ گرانه‌! كێ ده‌توانێت وه‌ریبگرێت؟”

یۆحەنا 7:36

ئه‌م قسه‌یه‌ چییه‌ ده‌یكات: داوام ده‌كه‌ن و نامدۆزنه‌وه‌ و ناتوانن بێنه‌ ئه‌و شوێنه‌ی منی لێیه‌؟”.

یۆحەنا 8:27

ئه‌وان تێنه‌گه‌یشتن كه‌ باسی باوكیان بۆ ده‌كات.

یۆحەنا 8:43

بۆچی له‌ قسه‌كانم تێناگه‌ن؟ چونكه‌ ناتوانن گوێ له‌ قسه‌كه‌م بگرن.

یەکەم کۆرنسۆس 2:14

به‌ڵام مرۆڤی سروشتی ئه‌وه‌ی هی ڕووحی خودایه‌ وه‌ری ناگرێت، چونكه‌ لای ئه‌و گێلایه‌تییه‌، ناشتوانێت بیانزانێت، چونكه‌ به‌ ڕووح جیا ده‌كرێنه‌وه‌.

دووەم پەترۆس 2:22

ئه‌و په‌نده‌ ڕاسته‌یان له‌سه‌ر ده‌چه‌سپێت: “سه‌گێک گه‌ڕایه‌وه‌ سه‌ر ڕشانه‌وه‌كه‌ی و به‌رازی شۆردراو گه‌ڕایه‌وه‌ نێو چڵپاو”.

یەکەم یۆحەنا 5:20

ده‌شزانین كه‌وا ڕۆڵه‌ی خودا هات و چاوی كردینه‌وه‌ تاكو ڕه‌وا بناسین. ئێمه‌ش له‌ ڕه‌واداین، له‌ ڕۆڵه‌كه‌ی، ئیشۆعی مه‌سیح. ئه‌و خوداوه‌ندی ڕاسته‌قینه‌ و ژیانی جاویدانیه‌.