Titus 1:3 - Patamuna New Testament Revised

³ molopai iwalai iweyu yattai màlà yenpoikappù ya Wakù Itekale tekale yau. Sàlà tùlùppù màlà uyemyak, molopai yekamanài Iulà, Katù kùpàikattànài'nokon uya enupantok yawàlà.

Titus 1:3 ပူးပေါင်းရင်းမြစ်များ

Mark 1:15

“Iwalai pata weyu wesseposak man, Katù wettok itepulu pe mei pùla man. Amakuyi kon winàpai elattàtàk kon molopai ailon katàk kon, Wakù Itekale pàk, ” teppù ya.

Mark 13:10

Wenuka'nàtok wapiya Wakù Itekale usekamatok wechi màlà tamù'nawàlà pata yawon kon kappon yamùk pàk.

Mark 16:15

Màlàyau, “Itàtàk kon tamù'nawolon pata yawàlà. Wakù Itekale yekamatantàk kon tamù'nawàlà kappon yamùk pàk,” teppù ya tok pàk.

Luke 1:47

“Uyakkwalù nùtauchinpayan, Katù wechi upùikattànài pe pàk.

Yeunossak kon Wotokoyi 10:36

Mùttuyatàik itekale ineunokoppù kappon yamùk Israel pon kon piyak, Wakù Itekale wàlàkka'nàtok yekama pe Jesus Christ yai. Mùkkàlà tamù'nawolon kon Yepulu.

Yeunossak kon Wotokoyi 17:26

Tewinan kàyik winà tamù'nawolon kon kappon yamùk tùpatalo'nan kon konekappù ya. Molopai tok wemattoppe ikupùppù ya sàlà non po mailàlà. Tùmàlà pe tok wemattoppe màlà yattai ikupùppù ya molopai màlà pata kupùppù ya tok wemattok yau pe.

Romans 15:19

Sàlà kupùppù uya yensappe pùla nai'nùk wapiya, enumenkanài molopai usenalippantoppe ku'nài meluntàlù winà, molopai Wakù Akkwalù meluntàlù winà. Màlàpàk mei pai Jerusalem poi Illyricum pùkkù yak, Wakù Itekale yekamasak uya man tamù'nawàlà, Christ yekale.

Romans 16:25

Katù yapulatàk kon! Meluntà pe ewechi kon pa àkupù kon ya màlà tapàikketù ke, Wakù Itekale unekama Jesus Christ yekale yai. Tachinpe pena sàlà itekale kupùppù màlà tonantau.

Romans 16:26

Tùse sàlà pe nen uchi, sàlà itekale yekamasak man molopai tàwàlàlà tùwemassen Katù uya tùmaimu yenpoikannan yapyontàppù màlà wakù itekale menukatoppe tok uya, tamù'nawolon kon kappon yamùk uya ailon tetoppe molopai imaimu yawàlà tok wettoppe.

Romans 5:6

Masapùla attu'mùla ipùikattànài pùla we'nà'nokon yau, Christ welikùppù màlà àli ton ponaloppe, Katù nanùmùppù ikuttok tùuya yattai pe yattai.

1 Corinthians 9:17

Uwotokoyi kussak uya uyiwalà alikyeppe yau, uyepeppù wechi màlà molo. Tùse uyiwalà pùla iwechi yau, uwotokoyi unkupù pe itùsak lùppù kupù uya pe iwechi màlà.

Galatians 4:4

Tùse iwalai iweyu uyàssak yattai, Katù uya Tùmu yeunokoppù. Iwentuppù màlà nossan yai molopai law yo'no,

Ephesians 1:10

Katù uya ikupù màlà yenuka'nùpù ya iwalai iweyu yattai, tamù'nawolon kon tùnkonekassan nepù Ya tamùkke, tamù'nawolon kon epùn pon kon, molopai non pon kon, màlàyau Christ wechi nen uchi màlà tamù'nawolon yepoi.

Ephesians 2:17

Màlàpàk Christ uyàpùppù màlà. Wakù Itekale echitonpa pe we'nàtok yekamaik tamù'nawolon kon pàk. Amyamlo Jew yamùk pen Katù winàpai mei iwessak kon pàk, molopai Jew yamùk mei pùla tùpàk iwessak kon pàk.

Philippians 1:13

Màlàpàk tamù'nawolon kon itepulu yelasu ton molopai tamù'nawolon kon talonkonnà Christ yapyoto pe wechi pàk patikichi tau wechi ittuyan.

Colossians 1:23

Tùse ailon tetok auya'nokon wechi meluntà pe molopai i'nak kulu ikala iche we'nà man. Enpen ewettok kon ananùmùppù kon wakù itekale enetappù kon kan uchi kù'nonkatàu tà. Sàlà Wakù Itekale yekamappù màlà sàlà non pon kon tamù'nawolon kon kappon yamùk pàk. Molopai Iulà, Paul, wenappù màlà sàlà Wakù Itekale yapyoto pe.

1 Thessalonians 2:4

Tùse làkku ina uselupa nai'nùk Katù wettok iche kasa, masapùla ina yanùnsak ya nai'nùk molopai Wakù Itekale tùsak ya ina yemyak ina nekama pe. Kappon yamùk yauchinpaiche là ina wechi pen sàlà. Tùse Katù làkku anauchinpapai ina wechi, mùkkàlà ina yeselu ina yewan yau nai'nùk ittunài.

1 Timothy 1:1

Sàlà màlà kaleta Paul winàpaino. Katù Kùpùikattànài molopai Christ Jesus napyontàppù Iulà, Christ Jesus enpen we'nàtok ke lepanài neunoko pe.

1 Timothy 1:11

Màlàichi màlà enupantok yeposak itekale yau, uyemyak intùlùppù yekamatoppe uya, Wakù kulu Itekale Eke Katù winàpaino.

1 Timothy 2:3

Sàlà màlà wakù molopai Katù Kùpùikattànài yauchinpa ya màlà,

1 Timothy 4:10

Màlàpàk uchi sàlà wakù pe wema'nà'nokon molopai sa'man pe we'wotokoman nokon iche we'nà, masapùla enpen we'nàtok kon nonkasak nulànan Katù pàk tamù'nawolon kappon yamùk Pùikattànài, molopai mùkyamlo kulu ailon tawonnan pe nai'nannùk pàk pàk.

2 Timothy 4:17

Tùse Itepulu upyau nettai molopai ulepatai meluntà ke, tamù'nawàlà itekale yekama toppe uya kappon yamùk Jew yamùk pen uya yeta toppe; molopai Itepulu uya upùikattàppù “Palauya mùtapai.”

Titus 2:10

wapùla amappe tok kùsettak tok winàpai. Tùse làkku tàwàlà wakù pe, ailon pe tùwettok kon yenpoikaik tok, kùpùikattànài'nokon Katù pàk enupantok yapulàtok nettoppe tamù'nawàlà yau.

Titus 2:13

màlà Wakù kulu Wei màmuku pàk echii'ma enpen we'nàtok ipàk, eke Katù molopai Pùikattànài Jesus Christ yakkwayi usenpoika yau.

Revelation 14:16

Màlàyau mùkkàlà katuppluk po chichiu pe tùwessen uya woyoi pan tùkasupalayi wùuwùumappù non yepoi molopai non po ipànsak pilipùppù ya.