Romans 9:7 - Patamuna New Testament Revised

⁷ Molopai tamù'nawolon kon wechi là Abraham munkà yamùk pe, ipayan yamùk pe tùwechi kon pàk pen màlà. Masapùla Katù uya Abraham pàk, “Isaac munkà yamùk molopai ipayan yamùk neken ittu màlà apayan pe,” tesak pàk. {Gen21.12}

Romans 9:7 ပူးပေါင်းရင်းမြစ်များ

Matthew 3:9

Molopai ‘Abraham mùkkàlà ina kàipùnù’ kùkatàu. Tekamayaik àpàkù'nokon Katù uya nen sàlà yamùk tàk yanuku molopai Abraham munkà yamùk pe ikoneka ya.”

Luke 16:30

“Mamin yesak lùppù uya yeikuppù, ‘Kane! Papai Abraham! Iwelichak lùppù làkku nen we'wuluukasak utàsak tok piyak yau, tok welattà tùmakuyi kon winàpai,’ tukaik.

Luke 3:8

“Amakuyi kon winàpai ewelattàsak kon yekama nài ikuttàk kon. Molopai, ‘Abraham mùkkàlà ina kàipùnù,’ kùkatàu eyiwalà'nokon. Yekama uya sàlà àpàkù'nokon, Katù uya màlà sà tàk yamùk yapai Abraham munkà koneka!

John 8:33

Tok uya imaimu yeikuppù, “Abraham payanùssan nen ina, yà'là yattai là ànù'là yapyoto pe ina wessak pùla man. Yà'là te ken uchi auya uya màlà, ‘Appyoto pe pùla àkupù,’ te?” tukaik.

Galatians 4:23

Appyoto nossan wentuppù màlà imu ke wentunsek kasa là, tùse apyoto pen nossan wentuppù màlà imu ke Katù uya ikupù tùuya teppù lùppù winà.

Galatians 4:28

Tùse utonpa yamùk, amyamlo mùkyamlo Isaac kasa Katù uya ikupù tùuya teppù lùppù munkà.

Philippians 3:3

Masapùla kùmyamlo mùkyamlo ipùkkù yattàsak kon kulu, Katù ponaloppe we'nà yekamanài pe Yakkwalù winà yapulàn nan molopai tùutauchinpasan Christ Jesus yau. Molopai kùyiwalà'nokon tùutapulàsan pen kùmyamlo kùnkupùppù kon pàk, molopai kappon yeselu pàk.

Hebrews 11:18

Katù uya lànen, “Isaac yai apayan yepolo auya màlà,” tesak tùse.