Romans 9:16 - Patamuna New Testament Revised

¹⁶ Màlàpàk uchi kappon wettok iche wapùla inkupù pàkàlà iwechi pen màlà tùse Katù usentuppatok pàkàlà neken.

Romans 9:16 ပူးပေါင်းရင်းမြစ်များ

Matthew 11:27

“Ukàipùnù uya ulepasak màlà tamù'nawolon yà'làlà ke. Ànù'là pùla iwechi màlà Imu ittunài tùse Ikàipùnù neken, molopai ànù'là pùla iwechi màlà Ikaipùnù ittunài tùse Imu neken, molopai mùkyamlo ipàk Imu wettok enenpoikapai,” teppù ya.

Matthew 4:8

Màlàyau nen uchi Makui uya Jesus yalàppù kawon kulu wùk pona, molopai tamù'nawolon itepulu pe itepoi we'nàtok non pon kon yenpoikappù ya, molopai eke pe màlà yamùk wettok yau.

Luke 10:21

Màlà yattai Jesus wanùssak utauchinpatok ke Wakù Akkwalù winà uya, “Ayapulàyan Iulà Ukàipùnù, epùn molopai non Yepulu. Masapùla pukkek ton molopai ichenupasak kon winàpai ànonamùppù yenpoikasak auya ichenupasak kon pen yemyak pàk. Ewaik, Ukàipùnù, sàlà wekkussak màlà iche ewettok kasa molopai ayauchinpanài pe,” teppù ya.

John 3:8

Assetun tasse'nùnsen mailàlà. Itàwù yetanài àmàlà, tùse i'nai motapai là iyàpù wapùla iità ittu auya pen. Màlà kasa ànù'là Akkwalù yai iwentusak lùppù wechi màlà.”

Romans 9:11

Katù uya Rebecca yelupappù màlà pùsamlo mule yamùk pàk tok wentu wapiya. Katù uya yekamappù ipàk, “Ilui wechi màlà takon yapyoto pe,” tukaik. {Gen 25.23} Sàlà uyàpùppù màlà mule yamùk wentu wapiya, wakù là wapùla àli là yà'làlà kussak tok uya wapiya, Katù uya anùnnàtok wechi yà'làlà ikussak wakù wapùla àli là pàkàlà pùla yekamanài pe kulu, tùse teselu pàkàlà làkku.

Galatians 2:2

Utàppù màlà masapùla Katù uya utàtoppe yenpoikasak pàk. Molopai itekale unekamappù lùppù Jew yamùk pen pàk yekamappù uya màlà tok pàk. Tùse sàlà kupùppù uya màlà amak yai tok yennàinan pe tukaik tùwessan pokonpe. Masapùla pena wapùla sàlà pe unkupùppù uwotokoyi wechi yà'là woton pe pùla iche pùla wechi pàk.

Ephesians 2:8

Masapùla Katù wettok wakù pe winà ewepùikattàsak kon màlà ailon tetok auya'nokon yai. Eyiwalà'nokon ànkupùppù kon pen màlà tùse Katù uya lepantok.

Philippians 2:13

Masapùla Katù mùkkàlà tùwe'wotokomasen ayau'nokon tàwàlà, alikyeppe molopai meluntà pe amatok kon pe tùuya, teselu yawàlà ewechi kon pa.

James 1:18

Teselu winà Katù uya kùnepùppù kon emennak wema'nàtok yak màlà ailon tùmaimu yai, wapiyalok pata yau we'nàtoppe tùponalok kon kappon yamùk kùlottau.