Romans 9:11 - Patamuna New Testament Revised

^11-12 Katù uya Rebecca yelupappù màlà pùsamlo mule yamùk pàk tok wentu wapiya. Katù uya yekamappù ipàk, “Ilui wechi màlà takon yapyoto pe,” tukaik. {Gen 25.23} Sàlà uyàpùppù màlà mule yamùk wentu wapiya, wakù là wapùla àli là yà'làlà kussak tok uya wapiya, Katù uya anùnnàtok wechi yà'làlà ikussak wakù wapùla àli là pàkàlà pùla yekamanài pe kulu, tùse teselu pàkàlà làkku.

Romans 9:11 ပူးပေါင်းရင်းမြစ်များ

Romans 4:17

Katù Maimu uya, “Àkonekasak uya sàlà tukkan pata yawon kon kappon yamùk kàipùnù pe, ” te kasa. {Gen 17.5} Màlàpàk kùkàipùnù kon mùkkàlà Katù yenu yau, ailon tawon nùppù ipàk, Katù iwelichak lùppù lepanài wema'nàtok ke molopai emennak ton konekanài yà'là pen yapai.

Ephesians 2:3

Tamù'nawolon kon kùmyamlo wechippù tok kasa màlà, àli pe usenumenkantok kon wettok iche kupùppù'nokon kùwakùli kon pe. Tùulon kon kasa, tamù'nawàlà kùmyamlo nàlà wechippù màlà Katù we'nàikatok yo'no.

Ephesians 2:9

Yà'làlà ipàkàlà autapulàtok ipàk woton pùla iwechi màlà, ewe'wotokomatok yepeppù pe pùla iwechi.

Ephesians 3:11

Jesus Christ kùyepulu kon yai sàlà kupùppù màlà Katù uya, pena iwepyattà pe ikupù pàk tùwekkupùppù yawàlà.

1 Thessalonians 1:4

Ina tonpa yamùk, ina nùttuyan, Katù uya à'nùnma kon molopai ayanùnsak kon ya tùponalok kon pe.

1 Thessalonians 2:12

Eyelupatantàu ina emeluntàpa kon pe, eyewan kon ipik pe ina nettai molopai apawanattàtantàu ina, màlà Katù yauchinpanài pe wema'nàtok kasa ewemapù kon pa, Katù àkà'manàippù'nokon kon itepulu pe tùwettok molopai apulàntok tùuya ponaloppe ewechi kon pa.

2 Timothy 1:9

Kùpùikattànsak ya màlà molopai kùkà'masak ya esuken we'nàtoppe, yà'làlà kussak kùuya'nokon pàkànsau pùla, tùse iche tùwettok yawà molopai wakù pe tùwettok pàkànsau. Sàlà wakù pe tùwettok tùlùppù ya màlà kùpya'nokon Christ Jesus yau, sàlà pata weyu wepyatàtok wapiya.

Titus 3:5

kùpùikattàppù kon ya màlà yà'làlà wakù wotoko kussak kùuya'nokon pàk pùla, tùse tùusentuppa pàk. Katù uya kùkolùkappù kon màlà Wakù Akkwalù yapàiketù winà. Emennak pe wentuntok ke lepa'nàppà Ya molopai emennak pe wema'nà piyattàtok ke nàlà.

1 Peter 5:10

Katù tamù'nawolon wakù pe we'nàtok yesak, mùkkàlà uya àkà'masak kon màlà tàwàlàlà takkwayi pùkkù pe ewechi kon pa Jesus Christ yau. Ewettalumattàsak kon malalà tùpo, mùkkàlà uya àkoneka kon màlà ikasa, meluntà pe kulu, molopai àtùlù kon màlà wakù pata tùutamasen pen pona.

2 Peter 1:10

Màlàpàk uchi, utonpa yamùk, ànùttu kon ikuttàk kon Katù uya kà'mantok molopai ayanùntok kon ya ittu kon pa, masapùla sàlà kupù auya'nokon yau meluntà pe ewechi kon màlà ewekkawai'ma kon pen.

Revelation 17:14

Tok wepanta'ma màlà Kalinilu Mule winàkàik, tùse Kalinilu Mule molopai inkà'massan, inanùmùssan molopai ailon pe iwessak kon ya'lon kon uya tok yentaika màlà, masapùla itepulu yamùk Yepulu mùkkàlà molopai kin yamùk Kinù,” teppù ya.