Romans 8:30 - Patamuna New Testament Revised

³⁰ Màlàpàk Katù uya màlà tùnùttussan wapiya kà'mappù. Tok kà'mappù ya neken pen màlà, tuse ikasa nàlà tok yanùmùppù ya tùpokonpe. Ikasa neken tok yanùmùppù ya tùpokonpe pen màlà tùse tùnamatok pùkkù pe nàlà tok kupùppù ya màlà.

Romans 8:30 ပူးပေါင်းရင်းမြစ်များ

John 17:22

Tok lepappù uya màlà ulepappù auya lùppù namantok ke, tewin tok wettoppe, tewin we'nà nai'nùk kasa,

John 17:24

“Ukàipùnù, pùsamo ulepatok kon auya wechi upyau iche wessaik yau wettok yau, namantok ulepatok auya yentoppe tok uya, masapùla u'nùnmappù auya màlà wolù wekoneka wapiya.

John 5:24

“Ailon kulu sàlà, mùkkàlà umaimu yetayai'nùk molopai ailon nùkayai'nùk uyeuno'nàippù pàk wechi màlà tàwàlàlà wema'nàtok yesappe. Italumattàtok yak itùlù pen màlà, tùse weli'nàtok yentakasak ya màlà wema'nàtok yak.

Romans 1:6

Amyamlo nàlà mùkyamlo tok tonpa Katù nùkà'massan Jesus Christ ponalok kon pe.

Romans 11:29

Masapùla Katù mùkkàlà tùusenumenkatok mùyakanmanài pen ànùk yanùmù tùuya pàk wapùla ànùk lepatok tùuya mokkanài pen.

Romans 8:1

Màlàyau sàlà pe nen uchi mùkyamlo Christ Jesus ponaloppe tùwemassan talumattàtok ike pùla iwechi màlà.

Romans 8:21

Inkonekassanùssan kupù màlà imokkasappe kàtantok nappàtù pe pùla, molopai imunkà yamùk tonpa pe inonka inamatoppe.

Romans 8:28

Masapùla ittu'nokon man tamù'nawàlà yà'làlà yau Katù we'wotokoma, mùkyamlo tù'nùnmannan ponaloppe, wakù wekkuttoppe yai teselu yawàlà, mùkyamlo tùnkà'massan teselu yawàlà ponaloppe.

1 Corinthians 1:2

Katù sochiyi Corinth pon piyak, mùkyamlo iwekonekasak kon wakù pe Christ Jesus yau molopai ikà'masak kon esuken tok wettoppe piyak, tamùkke tamù'nawolon kon kappon yamùk pokonpe mailàlà Kùyepulu kon Jesus Christ yesek yesa'nàinan, tok yepulu molopai kùyepulu kon.

1 Corinthians 1:9

Katù, àkà'manàippù'nokon echitonpa pe ewechi kon pa tùmu Jesus Christ Kùyepulu kon pokonpe, mùkkàlà wechi màlà ailon pe.

1 Corinthians 2:7

Tùse ina uselupa nai'nùk Katù pukketù tùttusen pen pàk, pukkek tonantau iwessak lùppù. Katù uya tonanse ikupùppù. Sàlà kupùppù ya màlà pata wepyattà wapiya, yapulàtok kon pe.

1 Corinthians 6:11

Molopai tùulon kon amyamlo wechippù màlà wa. Tùse àkukasak kon màlà, àtùsak kon màlà Katù yemyak. Ikasa ayanùnsak kon màlà Katù pokonpe Kùyepulu kon Jesus Christ yesek yai molopai kùkatùyi winàpaino Wakù Akkwalù winà.

2 Corinthians 4:17

Molopai sàlà elekkwà molopai tùuko'mansen tachinpe pen ina nùpàlika talumattàntok uya eke molopai tàwàlàlà tùuko'mansen apulàntok nepù màlà ina ponaloppe, talumattàntok yentaino kulu.

Galatians 1:15

Tùse Katù uya, wakù pe tùwettok yau, uyanùmùppù màlà wentu wapiya, molopai iitauchinpasak wechippù

Galatians 1:6

Uyenumenkasak kulu auya'nokon man! Masapùla tachin pe pùla mùkkàlà Christ wettok wakù pe winà àkà'manàippù'nokon nonka auya'nokon pàk, molopai ewelattà kon pàk tùulon itekale pàkàlà.

Galatians 5:8

Katù àkà'manài' nokon winà iwekkussak pen màlà.

Ephesians 1:11

Katù mùkkàlà ikupù tùuya teppù tùuya ku'nài màlàpàk Christ yappyontàppù ya màlà ina yanùntoppe ya.

Ephesians 1:5

Katù wekkussak wechippù màlà Jesus Christ yai kùnepù kon tùuya tùpyak pàk tùmunkà yamùk pe. Sàlà wechippù màlà ittauchinpatoppe molopai iche iwettoppe.

Ephesians 2:6

Molopai Christ Jesus yau kùwuluukasak kon Katù uya màlà Itepulu pe iwettok pùkkù pe we'nàtokkonpe chichiu pe ipyau epùn po.

Ephesians 3:11

Jesus Christ kùyepulu kon yai sàlà kupùppù màlà Katù uya, pena iwepyattà pe ikupù pàk tùwekkupùppù yawàlà.

Ephesians 4:4

Tewinan màlà esak molopai tewinan Akkwalù, tewinan enpen we'nàtok Katù uya àkà'mappù kon yak walai.

Colossians 3:4

Christ mùkkàlà ewemattok kon kulu, molopai ichenpoika yau, amyamlo nàlà usenpoika màlà ipokonpe molopai yapulàtok yau ewechi kon màlà.

1 Thessalonians 2:12

Eyelupatantàu ina emeluntàpa kon pe, eyewan kon ipik pe ina nettai molopai apawanattàtantàu ina, màlà Katù yauchinpanài pe wema'nàtok kasa ewemapù kon pa, Katù àkà'manàippù'nokon kon itepulu pe tùwettok molopai apulàntok tùuya ponaloppe ewechi kon pa.

2 Timothy 2:11

Sàlà màlà ailon kulu wa tetok: “Weli'nàsak kù'nokon ipokonpe yau, wema'nà'nokon nàlà màlà ipokonpe;

Hebrews 9:15

Sàlà wenai Christ wechi màlà Katù molopai kappon tawonnan yakkletau tùwessen pe, emennak ikupù pàk Katù wekkuttok yau. Mùkkyamlo ikà'masak kon uya tàwàlàlà pùlemantok yepotoppe, ikupù tùuya teppù Katù uya lùppù. Sàlà wekkupùppù màlà, masapùla Jesus welikùppù màlà wapiyalok ikupù pàk Katù wekkupùppù lùppù yo'no kappon yamuk nùkupùppù tok makuyi winàpai tok pùikattàtoppe tùuya.

1 Peter 2:9

Tùse amyamlo mùkyamlo yanùnsak kon, tùusensen pen paatele yamùk pe, kin ponalok kon, wakù ton kappon yamùk Katù ponalok kon, yanùnsak kon Katù yeselu wakù ton kulu yekama kon pa. Mùkkàlà àkà'manàippù'nokon ewalupàttapai wakù kulu takkwayi yak.

1 Peter 3:9

Àli kùsentakanmatàu àli ke, wapùla pa'nù'nàtok pa'nù'nàtok ke; tùse wakù ke làkku yentakanmatàk kon, masapùla wakù pe we'nàtok màlà Katù uya elepa kon tùuya tetok lùppù àkà'masak kon tùuya yau.

1 Peter 5:10

Katù tamù'nawolon wakù pe we'nàtok yesak, mùkkàlà uya àkà'masak kon màlà tàwàlàlà takkwayi pùkkù pe ewechi kon pa Jesus Christ yau. Ewettalumattàsak kon malalà tùpo, mùkkàlà uya àkoneka kon màlà ikasa, meluntà pe kulu, molopai àtùlù kon màlà wakù pata tùutamasen pen pona.

2 Peter 1:10

Màlàpàk uchi, utonpa yamùk, ànùttu kon ikuttàk kon Katù uya kà'mantok molopai ayanùntok kon ya ittu kon pa, masapùla sàlà kupù auya'nokon yau meluntà pe ewechi kon màlà ewekkawai'ma kon pen.

Revelation 17:14

Tok wepanta'ma màlà Kalinilu Mule winàkàik, tùse Kalinilu Mule molopai inkà'massan, inanùmùssan molopai ailon pe iwessak kon ya'lon kon uya tok yentaika màlà, masapùla itepulu yamùk Yepulu mùkkàlà molopai kin yamùk Kinù,” teppù ya.

Revelation 19:9

Màlàyau inchelù uya upàk, “Sàlà imenukakà, Tùutauchinpasan mùkyamlo ikà'masak kon, Kalinilu Mule wemali'matok yattai uta'lettàtok yak,” teppù. Molopai inchelù uya tùmaimu pùkkùttàppù, “Sàlà yamùk màlà ailon Katù Maimu,” tukaik.