Romans 8:26 - Patamuna New Testament Revised

²⁶ Màlà kasa làma Wakù Akkwalù nàlà tùuyàssen kùpùikattàse, masapùla attu'mùla we'nà'nokon pàk. Masapùla yà'là kasa wàpùleman wakù pe ittu'nokon pùla iwechi pàk, Wakù Akkwalù mùkkàlà tùutaimelunpaik ta'nùmùi'ma tùwàpùlemasen kùponalok kon pe, yekama yentaino mayin yau.

Romans 8:26 ပူးပေါင်းရင်းမြစ်များ

Matthew 10:20

Masapùla euselupatok wechi màlà àmàlà pe pùla. Àkàipùnù kon Yakkwalù winàpai iyàpù màlà, ayai'nokon iichelupa,” teppù Jesus uya.

Matthew 20:22

Jesus uya tok yeikuppù, “Enenna kon ittu auya'nokon pùla man. Pùsau yawon, inchi uya winàkàik nai'nùk inchi ken na' uchi auya'nokon?” tukaik Jesus uya tok yekamappoppù. “Ina uya nen inchi,” tukaik tok uya yeikuppù.

Luke 22:44

Ipla kulu tùusewankono'masak echii'ma iwàpùlemappù màlà tùuseka'nonkaik. Iwewaichak useukkappù mùn kasa non pona.

John 14:16

Ukàipùnù yekamappo uya màlà tùulon àpùikattà kon woton yeunottoppe ya, apyau'nokon tùwechi woton tàwàlàlà.

Romans 15:1

Kùmyamlo meluntà pe nai'nannùk ailontetok yau, wechi màlà attu'mùn pùikattànnan pe molopai iche we'nàtok nokon neken kasa tùwessan pe pùla.

Romans 7:24

Tùusewankono'masen sa'ne Iulà kappon! Ànùk uya ken upùikattà sàlà uyesak uyayai'nùk weli'nàtok yak winàpai?

Romans 8:15

Masapùla Wakù Akkwalù Katù uya elepatok kon màlà apyoto pe àku'nài'nokon pen molopai eusenalipa kon pa tu'ma àku'nài'nokon pen, tùse Wakù Akkwalù làkku màlà Katù munkà yamùk pe àku'nài'nokon. Molopai Wakù Akkwalù meluntàlù winà Katù pàk, “Abba! Ukàipùpù!” tawonnan kùmyamlo.

2 Corinthians 5:2

Sàlà motau wa'nùnnà'nokon man, pontàn nokon iche kulu kùyùwùk kon epùn pon ke.

2 Corinthians 5:4

Sàlà non pon tapùi tau lùppù wema'nà'nokon yau ta'nùnsan kùmyamlo tùusewankono'màik, kùyesak kon sàlà non pon enenu'mapai we'nà pàk pùla, tùse epùn pon ke kùponta kon iche we'nà'nokon pàk, tùukàtasen pe nai'nùk yeuno'ma toppe tàwàlàlà wema'nàtok winà.

Galatians 4:6

Masapùla tùmunkà pe ewechi kon pàk Katù uya Tùmu Yakkwalù yeunokoppù màlà kùyewan kon yak, Akkwalù mùkkàlà yekamapponài “Ukàipùnù, Ukàipùnù,” tukaik.

Ephesians 2:18

Christ yai màlà tamù'nawolon kon kùmyamlo, asakklàma, Jew yamùk molopai Jew yamùk pen uyàttok wechi màlà tewinan Wakù Akkwalù yai Kùkàipùnù kon yemloto pona.

Ephesians 6:18

Àwàpùlema kon yau sàlà yamùk ikuttàk kon tamù'nawàlà Katù uya, pùikattàntok yennai'ma. Tàwàlàlà àpùlematàk kon Wakù Akkwalù meluntàlù yau. Màlàpàk tùwekonekaik ettàk kon. Ke'nonkatàu, màpùlematàik tamù'nawolon kon Katù ponalok kon kappon yamùk pona.

Hebrews 4:15

Eke kulu mùkkàlà kùpaateleyi kon tùusentuppasen molopai attu'mùla we'nà ittunài. Tamù'nawàlà kùyittutok yekkwa ittuntok yawà iitàppù màlà, tùse àli kupùppù ya pen.

Hebrews 5:2

Masapùla tùmàlà pe nàlà attu'mùla tùwechi pàk kappon yamùk pàlikanài mùkkàlà, pakko pe molopai iitassappe lànen tok wechi tùse.

James 4:3

Molopai yenna auya'nokon yau, yeponài nan pen amyamlo masapùla eyeselu kon wechi àli pe pàk; yà'làlà yenna auya'nokon yapulà kon pa àli ànkupai ewettok kon pona suwa là tùusenumenkaik pùla.