Romans 8:21 - Patamuna New Testament Revised

²¹ Inkonekassanùssan kupù màlà imokkasappe kàtantok nappàtù pe pùla, molopai imunkà yamùk tonpa pe inonka inamatoppe.

Romans 8:21 ပူးပေါင်းရင်းမြစ်များ

Yeunossak kon Wotokoyi 3:21

Epùn po iwechi màlà tamù'nawolon wenatok emennak pe yattai uyàpù ponalà, Katù uya yekamappù pena wakù ton tùmaimu yenpoikannan yai kasa.

Romans 8:19

Tamù'nawolon Katù nùkonekassan enpen man tùmunkà yamùk yekama ya yentok yattai màmuku pàk.

Romans 8:30

Màlàpàk Katù uya màlà tùnùttussan wapiya kà'mappù. Tok kà'mappù ya neken pen màlà, tuse ikasa nàlà tok yanùmùppù ya tùpokonpe. Ikasa neken tok yanùmùppù ya tùpokonpe pen màlà tùse tùnamatok pùkkù pe nàlà tok kupùppù ya màlà.

1 Corinthians 15:42

Màlà kasaichi iwechi màlà iwelichak kon wuluukasak yau. Esak wu'nattàsak màlà tùukàtasen, iwuluukasak yau ikkàta pen màlà.

Hebrews 12:27

Màlà “tewin itekkwalok” tetok uya yekama màlà tùutamasan yattù'ma pàk, màlà yamùk ikonekasak kon. Molopai tùutattù'masen pen wà'nàntoppe molo teya.

2 Peter 3:13

Tùse Katù uya emennak kak molopai emennak non tùlù tùuya teppù, wakù pe we'nàtok wechi yau màlà, molopai sàlà yamùk màmuku pàk we'nà'nokon man.

Revelation 21:1

Màlàyau nen uchi emennak epùn molopai emennak non yeneppù uya. Wapiyalok epùn molopai non waliwomùppù molopai palau pùla iwechippù.