Romans 8:2 - Patamuna New Testament Revised

² Masapùla Wakù Akkwalù yeselu meluntàlù wema'nàtok ne'nài Christ Jesus ponalok kon piyak uya, upùikattàsak man makui yeselu molopai weli'nàtok winàpai.

Romans 8:2 ပူးပေါင်းရင်းမြစ်များ

John 4:10

Jesus uya ipàk, “Katù uya lepantok ittu auya yau, molopai ànùk uya tùwuku woton yenna iitu auya yau, ‘Kùwoppakà,’ làkkunne, te auya eppaino. Molopai elepatoppe ya wema'nà tunakkwa ke,” teppù.

John 4:14

Tùse ànù'là sàlà tuna untùlù inchinài we'nakklipa tu'ma pen màlà. Tùse i'nakkwa pe yau iwena, tàwàlàlà iwu'ma molopai tàwàlàlà iwemattok ke ilepa ya,” tukaik.

John 6:63

Akkwalù mùkkàlà wema'nàtok ke lepanài, esak nen màlà yà'là pen. Uselupayai'nùk màlà Akkwalù molopai wema'nàtok ke lepanài.

John 8:32

Ailon ittu auya'nokon màlà, molopai ailon uya apyoto pe pùla àkupù kon,” teppù.

John 8:36

Imu uya àmokkasak kon yau, imokkasak pe ewechi kon màlà apyoto pe làma pùla.

Romans 16:3

“Wakù pe na' messatàu?” tetok uya yekamatàk Prisilla molopai Aquila tawonnan piyak, we'wotokoma wechi yakonnon Christ Jesus wotokoyi yau.

Romans 3:27

Yà'là ken uchi molo nai utapulàntok ipàkànsau woton? Ipla man. Yà'là pe iwechi pàk? Masapùla ka' Law maimu yawàlà kappon wechi pàk lù? Kanekku, tùse ailon tetok kappon uya pàkàlà làkku.

Romans 5:21

Màlàpàk uchi, makui wechippù meluntà pe weli'nàtok yak anài pe. Màlà kasa làma Katù wettok wakù pe wechi màlà meluntà pe tùwenasen pe ikasa we'nàtok winà, tàwàlàlà wema'nàtok ne'nài pe Jesus Christ kùyepulu kon yai.

Romans 6:14

Makui eyepulu kon pe kùsettak, masapùla Law maimu yawàlà tùwemassan pen amyamlo. Tùse wakù pe Katù wettok yo'no làkku tùwemassan.

Romans 6:18

Àmokkappù kon màlà àli, eyepoi ewechippù winàpai, wakù pe we'nàtok, ikasa we'nàtok yapyoto pe nen uchi ewenasak kon màlà.

Romans 6:22

Tùse sàlà pe àmokkasak kon man àli pe we'nàtok winàpai. Molopai Katù yapyoto ton amyamlo, sàlà uya esuken wema'nàtok yak ayasak kon nai'nùk. Molopai iwenukapù pe tàwàlàlà wema'nàtok yepolo auya'nokon màlà itepeppù pe.

Romans 7:21

Màlàpàk sàlà yeselu wechi tùwe'wotokoma pàk tenyaik. Wakù ànkuppai wechi yau, àli kupù uya.

Romans 7:23

Tùse tùpatalon yeselu we'wotokoma uyau tenyaik. Sàlà yeselu nepanta'mayai'nùk usenumenkatok yeselu winàkàik. Sàlà eselu àli yapyoto pe uyau ne'wotokomayai'nùk.

Romans 7:4

Màlà kasa nàlà iwechi màlà àpàkù'nokon, utonpa yamùk. Ewelichak nàlà màlà Law winàpai, masapùla Christ yesak pùkù pe ewechi kon pàk. Molopai nen uchi sàlà pe iponaloppe ewechi kon màlà, mùkkàlà iwuluukasak lùppù weli'nàtok yapai ponaloppe wema'nàtok kon pe tapulàsen pe Katù ponaloppe.

Romans 8:1

Màlàyau sàlà pe nen uchi mùkyamlo Christ Jesus ponaloppe tùwemassan talumattàtok ike pùla iwechi màlà.

1 Corinthians 15:45

Màlà kasa iwe'menusak màlà, “Wapiyalok kàyik, Adam wenappù nulà tùwessen pe,” tawon, tùse àkàmlà'no Adam mùkkàlà Akkawalù, wema'nàtok tùnài.

2 Corinthians 3:17

Itepulu uchi mùkkàlà nai'nùk Akkwalù molopai Itepulu Yakkwalù wettok imotau yau, iwemokkasappe we'nàtok wechi màlà molo.

2 Corinthians 3:6

Masapùla mùkkàlà uchi mùkkàlà ina ku'nàippù meluntà pe emennak ikupù tùuya tetok Katù uya ponaloppe ina we'wotokomatoppe, imenukasak lùppù law winàpaino pen, tùse Akkwalù winàpaino. Imenukasak lùppù màlà weli'nàtok ne'nài, tùse Akkwalù mùkkàlà wema'nàtok ke lepanài.

Galatians 2:19

Màlàpàk law winà welichak man. Law uya uwàsak, Katù ponaloppe wemattoppe.

Galatians 5:1

Imokkasappe we'nàtoppe sàlà Christ uya kùmokkasakù'nokon. Meluntà pe à'mùssakkatàk kon molopai apyoto pe tu'ma we'nàtok yak kettùtàu.

Galatians 6:2

Àtonpa kon ipùikàttàtàk kon inalà yalà pàk. Molopai sàlà kasa màlà Christ law yawàlà ewechi kon.

James 1:25

Tùse mùkkàlà, Law Katù winàpaino yennài echipalà, kappon yamùk pùikattànài àli kuttok yapai yennài molopai yene pàk tùwessen, tùnetappù tùputtà'ka'nùsse pùla tùse iku'nài, mùkkàlà pùlema màlà inkupù yawàlà.

Revelation 11:11

Màlà tùpo, àsolùwau wei molopai iwemassappe inakattapailà wei wenatok yattai we'netukantok uyàpùppù màlà Katù winàpai molopai tok yak iwewomùppù. Molopai tok we'wuluukappù, tamù'nawolon kon tok yennài nan nùssan wettalipappù kulu màlà.

Revelation 22:1

Inchelù uya nàlà yenpoikappù upàk, tuna wema'nàtok palu crystal ulenpansak kasa tùusensen, Katù yapon molopai Kalinilu Mule winàpai tùuyàssen.