Romans 8:19 - Patamuna New Testament Revised

¹⁹ Tamù'nawolon Katù nùkonekassan enpen man tùmunkà yamùk yekama ya yentok yattai màmuku pàk.

Romans 8:19 ပူးပေါင်းရင်းမြစ်များ

Matthew 5:9

“Tùutauchinpasan mùkyamlo echitonpa pe we'nàtok ku'nàinan. Katù uya tùmunkà pe tok yesatù màlà.

John 1:12

Tùse tamù'nawolon kon kappon yamùk tanùnnài nan nùssan, molopai tesek pàk ailon tawonnan nùssan lepappù ya apàikkek ke Katù munkà yamùk pe tok wenatoppe.

Yeunossak kon Wotokoyi 3:21

Epùn po iwechi màlà tamù'nawolon wenatok emennak pe yattai uyàpù ponalà, Katù uya yekamappù pena wakù ton tùmaimu yenpoikannan yai kasa.

Romans 8:14

Katù Yakkwalù yemyawon kon molopai inpininpa ton mùkyamlo Katù munkà yamùk pe tùwessan kappon yamùk.

Romans 8:16

Wakù Akkwalù mùkkàlà echipatùnayi pe tùwessen kùyakkwalù kon pokonpe Katù munkà yamùk pe we'nà'nokon yekama pe.

Romans 8:18

Tùttuyaik wettalumattàn nokon nai'nùk sàlà pe wechi màlà tamù'nawolon namantok tùusenpoika woton pe nai'nùk kùyau'nokon ma'le kulu.

Romans 8:23

Tùse ikonekasak neken pen, kùmyamlo nàlà Wakù Akkwalù yesappe nai'nannùk wapiya kulu Katù uya lepantok yesappe nai'nannùk, kùmyamlo nàlà na'nùnyan molopai nùseka'nonkayan kù'nau'nokon Katù uya tùponalok kon pe kùyesatù kon màmuku nai'nùk pàk. Molopai tamù'nawàlà kùmokka kon ya kùyesak kon ukàtatok winàpai màmuku pàk .

Romans 9:26

Molopai, ‘Umunkà yamùk pen amyamlo,’ teppù tok pàk yau, tok yesatùppù màlà tùwelichen pen Katù munkà yamùk,” tukaik. {Hos 1.10}

1 Corinthians 1:7

Màlàpàk i'nai yekkwa là lepantok Wakù Akkwalù winàpaino pùla ewechi kon pen màlà, Kùyepulu kon Jesus Christ usenpoika màmuku pàk ewechi kon yau.

1 Corinthians 1:8

Meluntà pe àkupù kon ya màlà iwenukapù ponalà, iwalai pen nà pùla ewechi kon pa Kùyepulu kon Jesus Christ weyu yattai.

2 Corinthians 6:18

“Àkàipùnù kon pe wechi màlà, molopai umu yamùk pe molopai uyenchi ton pe ewechi kon, te Itepulu Katù Mùkkàlà neken Meluntà uya màlà.” {Sam 7.14; 2 Sam 7.8}

Galatians 3:26

Tamù'nawolon kon amyamlo wechi màlà Katù munkà pe Christ Jesus pàk ailon tetok auya'nokon winà.

Philippians 1:20

Masapùla i'napailà uyewan wettok iche molopai enpen wettok màlà yà'làlà unkupù yau wekkuli'ma tukaik uku'nài. Tùse tàwàlà molopai sàlà pe kulu umeluntàta màlà, tamù'nawàlà uke, Christ yapulàtok nettoppe uya, wemapù pe iwechi yau wapùla welikù pe là iwechi yau.

Colossians 3:4

Christ mùkkàlà ewemattok kon kulu, molopai ichenpoika yau, amyamlo nàlà usenpoika màlà ipokonpe molopai yapulàtok yau ewechi kon màlà.

Hebrews 12:27

Màlà “tewin itekkwalok” tetok uya yekama màlà tùutamasan yattù'ma pàk, màlà yamùk ikonekasak kon. Molopai tùutattù'masen pen wà'nàntoppe molo teya.

1 Peter 1:13

Màlàpàk uchi eusenumenkatok kon tùwekonekaik nechiik. Elanneppe kulu ettàk kon, molopai enpen ewettok kon ittùtàk kon tamù'nawàlà wakù Katù winàpaino pàk elepatok ike woton Jesus Christ usenpoikasak yau.

1 Peter 1:7

Sàlà màlà meluntà pe ailon tetok auya'nokon wechi ittunài. Kolù, tùumattasen pe lànen nai'nùk màlà ittusak lùppù apok ke; màlàpàk uchi ailon tetok auya'nokon, wakù kolù yentai nai'nùk, ittu nàlà màlà meluntà pe iwettoppe. Màlàyau apulàntok wakù pe itekale we'nàtok molopai namantok yepolo auya'nokon màlà màlà Wei yattai Jesus Christ usenpoikasak yau.

1 John 3:1

Yentàk kon eke pe Kùkàipùnù kon uya kù'nùnmappù kon! Pùnùnmantok ya wechi màlà eke pe kulu màlàpàk kùyesatù kon Katù munkà yamùk tukaik. Màlàpàk imunkà yamùk kùmyamlo. Sàlà kasa iwechi pàk wolù uya kùyittu kon pùla iwechi màlà, Katù ittusak ya pùla iwechi màlà.

1 John 3:2

Utonpa yamùk, Katù munkà yamùk kùmyamlo sàlà pe, tùse i'nai kasa kulu wenan ittu kùuya'nokon pùla man. Tùse ittu'nokon man: Christ usenpoika yau, ikasa wenan nokon màlà, masapùla yene'nokon màlà mùkkàlà pe kulu.

Revelation 21:7

Ànù'là entaikanàippù uya sàlà yamùk wakù ton yepolo màlà uwinàpai. Ikatùyi pe wechi màlà molopai umu pe iwechi màlà.