Romans 8:17 - Patamuna New Testament Revised

¹⁷ Imunkà yamùk pe we'nà'nokon pàk, wakù inkupù tùponalok kon ponaloppe yesappe we'nà'nokon màlà Christ, imu, pokonpe. Masapùla Christ wettalumattàppù kasa wettalumattàn pàk alikyeppe we'nà'nokon yau, namantok nàlà yepolo màlà ipokonpe.

Romans 8:17 ပူးပေါင်းရင်းမြစ်များ

Matthew 16:24

Màlàyau Jesus uya ta'lon kon pàk, “Ànù'là wechi uya'là àippai yau, tàwà ne'nonkai, molopai pulusuk tùnalà pe nai'nùk pulusuk yanùmùi, molopai tàwà uya'là nùyàpùi.

Matthew 25:21

‘Wakù kussak auya man, wakù molopai ailon uyapyoto! Ailon pe ewessak man malalon nùkkwà pùlayatta pilipù pàk, màlàpàk àtùlù uya màlà eke yesappe ewechi pa. Àikkà utauchinpa tonpa pe ewechi pa!’ teppù itepulu uya.

Luke 12:32

“Kesenalippatàu uchi umunkà yamùk lùkkwà! Masapùla Katù Akàipùnù kon utauchinpasak man elepa kon pàk itepulu pe tùwettok ke.

Luke 24:26

Yà'là woton pe pùla ken na' uchi màlà, mùkkàlà Christ wettalumattàtok wechippù, molopai nàlà iitàtok tapulàtok yak?” teppù.

John 17:24

“Ukàipùnù, pùsamo ulepatok kon auya wechi upyau iche wessaik yau wettok yau, namantok ulepatok auya yentoppe tok uya, masapùla u'nùnmappù auya màlà wolù wekoneka wapiya.

Yeunossak kon Wotokoyi 14:22

Tok uya ailon tawonnan Jesus pàk meluntàpappù miyaiwa tok wettoppe ailon tetok tùuya'nokon pàk. “Utànnù'nokon màlà tukke wettalumattàntok yawàlà Katù wettok itepulu pe yak wewonàtok kon pe,” .

Yeunossak kon Wotokoyi 20:32

“Sàlà nen uchi ànonka kon uya Katù yemyak wakù pe imaimu wettok yak. Eyemokkanài pe iwechi màlà molopai elepaya màlà enepolo ke tamù'nawolon kon esuken iwekonkasak kon kùlottau.

Yeunossak kon Wotokoyi 26:18

Àmàlà wechi màlà tok yenu yakkokanài pe molopai tok lattànài pe ewalupà winàpai akkwa winàkàik, molopai Settan meluntàlù winàpai Katù winàkàik, ailon tetok tùuya'nokon uyau yai tok uya usentuppantok tùmakuyi kon pàk yepotoppe molopai wakù ton yepotoppe tok uya Katù nanùmùssan kùlottau,’ teppù Jesus uya upàk,” teppù Paul uya tok pàk.

Romans 5:17

Tewinan kappon makuyi pàkàlà kappon yamùk wemapùppù weli'nàtok yo'no, tewinan kappon pàkànsau. Tùse eke peiwa kulu nen uchi màlà tewinan kappon nùkupùppù yepeppù wechi, mùkkàlà Jesus Christ. Tamù'nawolon kon, eke kulu wakù pe we'nàtok, Katù winàpaino yanùnnàinan molopai lepantok ya ikasa we'nàtok yawà yanùnnàinan wechi màlà itepulu pe Christ yai.

Romans 8:3

Law nùkupù yentaino kupùppù Katù uya masapùla Law wechi attu'mùla pàk kappon yeselu wechi attu'mùla pàk, ikupùppù ya màlà tùmu yeunoko tùuya winà, iyàssak lùppù kappon pe àli pàkànsau tùtùsen pe.Màlàpàk makui yattu'mùnkappù ya kappon pe tùwechi ke.

1 Corinthians 2:9

Walà tùse, iwe'menukasak kasa iwechi, “En uya là yensak pùla iwechi wapùla pana uya là yetasak pùla iwechi, ànù'là usenumekatok yau iwekonekasak pùla iwechi màlà, màlà Katù nùkonekappù mùkyamlo tù'nùnmannan ponaloppe ” te kasa. {Isa 64.4}

2 Corinthians 1:5

Tukkan Christ talumattàtok pùkkù pe ina wechi kasa làma, Christ yai nàlà ina yewan ipik wechi màlà tukke.

2 Corinthians 1:7

Enpen ina wettok àpàkù'nokon meluntà pe man. Masapùla ina nùttuyan ina wettalumattàtok pùkkù pe ewechi kon kasa làma, ina yewan ipittàtok pùkkù pe nàlà ewechi kon màlà.

Galatians 3:29

Christ ponaloppe ewechi kon yau, Abraham payan pe kulu ewechi kon màlà, molopai Katù uya itùlù tùuya teppù lùppù yanùmù auya'nokon.

Galatians 4:7

Màlàpàk Katù yai apyoto pe làma ewechi pen nen uchi màlà tùse imu pe. Molopai imu pe ewechi pàk, àkàipùnù yemamin yanùntok auya woton.

Ephesians 3:6

Sàlàichi màlà tùttusen pen: Wakù Itekale winà Jew yamùk pen wechi màlà Jew yamùk pùkkù pe Katù uya pùlemantok yau. Tewin ipun tok wechi màlà molopai Katù uya itùlù tùuya teppù lùppù pùkkù pe tok wettoppe màlà ikussak Christ Jesus yau.

Philippians 1:29

Masapùla elepasak kon màlà Christ Jesus yapyoto pe ewettok kon ke, ailon tetok neken auya'nokon ipàk winà pùla, tùse nàlà ewettalumattàtok kon iponaloppe winà.

Philippians 3:10

Christ neken ànùttupai wessaik molopai iwe'wuluukatok meluntàlù. Iwettalumattàppù pùkkù pe eppai wessaik molopai ikasa enapai iwelittok yau.

Colossians 1:24

Molopai sàlà pe utauchinpayaik wettalumattàsak àpàkànsau'nokon pàk. Sàlà yamùk wettalumattàtok yanùmù uya nai'nùk uyesak yau, Christ wettalumattà yenuka'nùpù pe sochi ponaloppe. Sochi mùkyamlo Christ pùkkù.

Titus 3:7

wakù pe we'nà pen pàk Jesus uya wakù pe anùnnàppà màlà Katù nanùmù yeppe koneka'nàppù ya molopai tàwàlàlà wema'nàtok yepolo pàk enpen we'nàtok ke lepa'nàppà ya.

Hebrews 1:14

Tamù'nawàlà ken na' inchelù yamùk mùkyamlo Akkwalù yamùk tùwe'wotokomasan pe yeunossak kon pen, mùkyamlo Katù ponalok kon epùikattàpaino kon pùikattànan pe?

Hebrews 1:2

Tùse sàlà pata weyu wenukattok yau kùyelupasak kon ya man Tùmu winà. Katù uya pùsàlà mappù màlà tamù'nawolon yesappe molopai Iwinà tamù'nawolon konekappù ya.

Hebrews 6:17

Masapùla ikupù pàk tùwekkuttok wechi tùwemyakanmasen pe pùla enekamapai Katù wechippù màlà wakù pe. Mùkyamlo wakù ton tùwinàpaino yepolo woton kon pàk wateppù ya. ‘Ikupù uya teppù tùuya kupùppù ya màlà.’

James 2:5

Yetatàk kon, utonpa yamùk! Katù uya entuppa'nokon, yà'là pùnon kappon yamùk sàlà wolù yawon kon yanùnsak màlà eke pe ailon tetok yesappe tùwessan pe molopai Katù wettok itepulu pe yesappe tok wettoppe itùlù tùuya tù'nùnmannan yemyak teppù ya lùppù.

1 Peter 1:4

Màlàpàk enpen we'nà'nokon sàlà wakù yepolo pàk Katù nùkupù tùponalok kon ponaloppe. Iku'nài mùkkàlà àponalok kon pe epùn po, iwemyakanma pùla iwettok wapùla inmata pùla iwettok yau wapùla iwaliwomù pen màlà molo.

1 Peter 4:13

Tùse làkku atauchinpatàk kon masapùla Christ wettalumattàppù kasa ewettalumattà kon pàk, autauchinpa kon pa eke pe kulu itakkwayi usenpoikasak yau.

Revelation 21:7

Ànù'là entaikanàippù uya sàlà yamùk wakù ton yepolo màlà uwinàpai. Ikatùyi pe wechi màlà molopai umu pe iwechi màlà.

Revelation 3:21

Mùkyamlo àli yentaikannan nùssan kupù uya màlà upyau tok weleuta toppe uyapon po. Àli yentaikasak uya molopai sàlà pe weleutasak Ukàipùnù piyau yapon po kasa làma.