Romans 8:14 - Patamuna New Testament Revised

¹⁴ Katù Yakkwalù yemyawon kon molopai inpininpa ton mùkyamlo Katù munkà yamùk pe tùwessan kappon yamùk.

Romans 8:14 ပူးပေါင်းရင်းမြစ်များ

Matthew 5:9

“Tùutauchinpasan mùkyamlo echitonpa pe we'nàtok ku'nàinan. Katù uya tùmunkà pe tok yesatù màlà.

John 1:12

Tùse tamù'nawolon kon kappon yamùk tanùnnài nan nùssan, molopai tesek pàk ailon tawonnan nùssan lepappù ya apàikkek ke Katù munkà yamùk pe tok wenatoppe.

Romans 8:19

Tamù'nawolon Katù nùkonekassan enpen man tùmunkà yamùk yekama ya yentok yattai màmuku pàk.

Romans 8:5

Masapùla kappon wettok iche maimu yawàlà tùwemassan wechi màlà, teselu kon wettok iche itepulu pe. Mùkyamlo nen tà Wakù Akkwalù maimu yawàlà tùwemassan wechi màlà, Wakù Akkwalù wettok iche itepulu pe.

Romans 8:9

Tùse amyamlo nen mùkyamlo eyeselu kon wettok iche maimu yawàlà tùwemassan pen. Wakù Akkwalù wettok iche maimu yawàlà tùwemassan amyamlo, Katù yakkwalù wemapù kan ayau'nokon yau. Ànù'là Christ yakkwalù yesappe pùla nai'nùk wechi màlà iponaloppe pùla.

Romans 9:26

Molopai, ‘Umunkà yamùk pen amyamlo,’ teppù tok pàk yau, tok yesatùppù màlà tùwelichen pen Katù munkà yamùk,” tukaik. {Hos 1.10}

Romans 9:8

Sàlà uya mà màlà Abraham munkà pe là iwentusappe tùwechi kon pàk Katù ponaloppe tok wechi yekama pen tà. Tùse mule yamùk iwentusak kon Katù uya ikupù tùuya teppù lùppù yo'no, mùkyamlo tanùnsan Abraham payan pe kulu.

2 Corinthians 6:18

“Àkàipùnù kon pe wechi màlà, molopai umu yamùk pe molopai uyenchi ton pe ewechi kon, te Itepulu Katù Mùkkàlà neken Meluntà uya màlà.” {Sam 7.14; 2 Sam 7.8}

Galatians 3:26

Tamù'nawolon kon amyamlo wechi màlà Katù munkà pe Christ Jesus pàk ailon tetok auya'nokon winà.

Galatians 4:5

mùkyamlo law yo'no tùwessan pùikattàse, Katù munkà pe wenantok kon pe.

Galatians 4:6

Masapùla tùmunkà pe ewechi kon pàk Katù uya Tùmu Yakkwalù yeunokoppù màlà kùyewan kon yak, Akkwalù mùkkàlà yekamapponài “Ukàipùnù, Ukàipùnù,” tukaik.

Galatians 5:16

Màlàpàk uchi wa te uya sàlà: Akkwalù yau emattàk kon molopai àli ànkuppai ewettok kon yawàlà ewechi kon pen màlà.

Galatians 5:18

Tùse Akkwalù uya ayalà kon yau, law yo'no ewechi kon pen màlà.

Ephesians 1:5

Katù wekkussak wechippù màlà Jesus Christ yai kùnepù kon tùuya tùpyak pàk tùmunkà yamùk pe. Sàlà wechippù màlà ittauchinpatoppe molopai iche iwettoppe.

Ephesians 5:9

Masapùla akkwa màlà eke pe kulu tamù'nawolon yà'là yekkwa là ku'nài wakù pe we'nàtok, ikasa we'nàtok, molopai ailon.

1 John 3:1

Yentàk kon eke pe Kùkàipùnù kon uya kù'nùnmappù kon! Pùnùnmantok ya wechi màlà eke pe kulu màlàpàk kùyesatù kon Katù munkà yamùk tukaik. Màlàpàk imunkà yamùk kùmyamlo. Sàlà kasa iwechi pàk wolù uya kùyittu kon pùla iwechi màlà, Katù ittusak ya pùla iwechi màlà.

1 John 3:24

Mùkyamlo Katù uya suwa ekkà tetok yawolon kon wemapù màlà Katù yau, molopai Katù wemapù nàlà tok yau. Sàlà kasaichi màlà Katù wemapù kùyau'nokon ittu'nokon: ittu màlà masapùla Takkwalù ke lepansak ya pàk.

Revelation 21:7

Ànù'là entaikanàippù uya sàlà yamùk wakù ton yepolo màlà uwinàpai. Ikatùyi pe wechi màlà molopai umu pe iwechi màlà.