Romans 8:11 - Patamuna New Testament Revised

¹¹ Wakù Akkwalù iwinàpaino, Jesus uluukanàippù wema'nàtok yak wechi ayau'nokon yau, mùkkàlà Kùlaik uluukanàippù weli'nàtok yapai wema'nàtok yak, uya nàlà tùumattasen eyesak lepa màlà wema'nàtok ke Wakù Akkwalù nemassai'nùk ayau'nokon winà

Romans 8:11 ပူးပေါင်းရင်းမြစ်များ

John 14:17

Ailon Akkwalù. Sàlà wolù yawon kon uya yepolo pen màlà, masapùla yene tùuya'nokon molopai ittu tùuya'nokon pùla iwechi pàk. Tùse mùkkàlà mùttuyatàik masapùla apyau'nokon iwechi pàk molopai ayau'nokon nàlà iwechi màlà.

John 5:21

Ikàipùnù uya iwelichak wuluuka molopai iwemattok ke tok lepa ya, kasa làma màlà Imu uya wema'nàtok ke mùkyamlo enlepapai tùwettok kon lepa.

Yeunossak kon Wotokoyi 2:24

Tùse Katù uya iwuluukappù iwelittok yapai, ipùikattàppù ya weli'nàtok uya yi'ninpatok winàpai, masapùla weli'nàtok uya yachitok pùla iwechi pàk.

Romans 16:10

“Wakù pe na' messan?”te uya Apelles pàk, ailon pe iwettok Jesus pàk ittusak lùppù. “Wakù pe na' messatàu?” ukayaik Aristobulus tonpa yamùk, itùwuùk tau nai'nannùk pàk.

Romans 16:3

“Wakù pe na' messatàu?” tetok uya yekamatàk Prisilla molopai Aquila tawonnan piyak, we'wotokoma wechi yakonnon Christ Jesus wotokoyi yau.

Romans 16:7

“Wakù pe na' messatàu?” te uya Andronicus molopai mùkkàlà nossan, Junias tawonnan pàk, utonpa yamùk Jew yamùk, patikichi tau iwessak kon upokon pe, tùttusan kulu mùkyamlo yeunossak kon Christ yapyoto ton winà, molopai ailon teppù tok uya Christ pàk màlà uwapiya.

Romans 16:9

“Wakù pe na' messan?” te uya Urbanus pàk we'wotokoman Jesus wotokoyi yau tonpa, molopai Stachys uwechiyakon kulu pàk.

Romans 6:12

Eyesak kon tùumattasen pe nai'nùk yepulu pe àli kùsettak. Àli eyeselu kon wettok makui ànkupai maimu yawàlà ewechi kon pa àpun kon yepulu pe kùsettak.

Romans 8:1

Màlàyau sàlà pe nen uchi mùkyamlo Christ Jesus ponaloppe tùwemassan talumattàtok ike pùla iwechi màlà.

Romans 8:12

Màlàpàk uchi, utonpa yamùk, kùyeselu kon wettok iche maimu yawàlà tùwemassan pe we'nà'nokon pen nen uchi nai'nùk

Romans 8:2

Masapùla Wakù Akkwalù yeselu meluntàlù wema'nàtok ne'nài Christ Jesus ponalok kon piyak uya, upùikattàsak man makui yeselu molopai weli'nàtok winàpai.

Romans 8:9

Tùse amyamlo nen mùkyamlo eyeselu kon wettok iche maimu yawàlà tùwemassan pen. Wakù Akkwalù wettok iche maimu yawàlà tùwemassan amyamlo, Katù yakkwalù wemapù kan ayau'nokon yau. Ànù'là Christ yakkwalù yesappe pùla nai'nùk wechi màlà iponaloppe pùla.

1 Corinthians 15:16

Masapùla iwelichak kon wuluukasak pùla iwechi yau, Christ wuluukappù pe pùla nàlàichi iwechi màlà.

1 Corinthians 6:14

Tùmeluntàlù winà Katù uya Itepulu wuluukappù màlà weli'nàtok yapai, molopai kùwuluuka kon ya nàlà màlà.

2 Corinthians 4:11

Ina wemattok yau, weli'nàtok yak tùtùsan pe ina wechi màlà tàwàlà Jesus pàkànsau, iwemattok usentoppe tùukàtasen ina pun yau.

2 Corinthians 4:14

Masapùla ina nùttuyan mùkkàlà, Itepulu Jesus wuluukanàippù weli'nàtok yapai uya nàlà ina wuluuka pe Jesus pokonpe, molopai ina nepù ya tamùkke àpokonpe'nokon temloto pona.

2 Corinthians 5:4

Sàlà non pon tapùi tau lùppù wema'nà'nokon yau ta'nùnsan kùmyamlo tùusewankono'màik, kùyesak kon sàlà non pon enenu'mapai we'nà pàk pùla, tùse epùn pon ke kùponta kon iche we'nà'nokon pàk, tùukàtasen pe nai'nùk yeuno'ma toppe tàwàlàlà wema'nàtok winà.

Galatians 6:8

Mùkkàlà àli pe eppai tùwettok ke nàppànyai'nùk uya màlà àli teselu winàpai wettalumattàntok yepolo, tùse mùkkàlà Akkwalù wettok iche ke nàppànyai'nùk uya màlà Akkwalù winàpai tàwàlàlà wema'nàtok yepolo.

Ephesians 2:5

Weli'nàsak wechippù mayin yawàlà pùla we'nàtok yau tùse kùnepùppù ya màlà nulà we'nàtok yak Christ wuluuka tùuya winà. Katù wettok wakù pe winà mà ewepùikattàsak kon màlà tà.

Philippians 3:21

Attu'mùnon sa'ne kùyesak kon mùyakanma ya màlà. Molopai kùkoneka kon ya wakù pe tesak kasa, meluntà yapulà pe tamù'nawolon nettok tùuya iwinà pe nai'nùk itepulu pe tùwettok yo'nokoik

Hebrews 13:20

Katù mùkkàlà lepanài echitonpa pe we'nàtok ke molopai Kùyepulu kon Jesus Christ wuluukanàippù weli'nàtok yapai. Jesus wechi nen uchi nai'nùk Eke Kalinilu yesak kasa, imùnù yapulàsak lùppù tàwàlàlà tùuko'mansen Katù wekkuttok ikupù pàk konekanài pe imunkà yamùk pàk.

1 Peter 1:21

Mùkkàlà yai ailon tawonnan amyamlo Katù pàk, iwuluukanàippù weli'nàtok yapai, molopai ilepanàippù apulàntok ke; màlàpàk ailon tetok auya'nokon molopai enpen ewettok kon wettoppe Katù pàk.

1 Peter 3:18

Masapùla Christ welikùppù màlà tewin itekkwa; iwelikùppù màlà tamù'nawolon kon wettok àli pe pàkànsau, wakù kàyik welikuppù àli ton kappon yamùk ponaloppe, Katù piyak ayatok kon pe tùuya. Iwàtoppe ikupùppù màlà kappon welikù kasa molopai iwuluukappù màlà kappon pe pùla yakkwalù itesak pe;

Revelation 1:18

“Nulà nan Iulà! Welikùppù màlà, tùse yenkà, nulà wessaik tàwàlàlà molopai tàwàlàlà. Tapàikketù ke wechi nai'nùk weli'nàtok yepoi molopai iwelichak kon patassek yepoi.

Revelation 11:11

Màlà tùpo, àsolùwau wei molopai iwemassappe inakattapailà wei wenatok yattai we'netukantok uyàpùppù màlà Katù winàpai molopai tok yak iwewomùppù. Molopai tok we'wuluukappù, tamù'nawolon kon tok yennài nan nùssan wettalipappù kulu màlà.