Romans 8:1 - Patamuna New Testament Revised

¹ Màlàyau sàlà pe nen uchi mùkyamlo Christ Jesus ponaloppe tùwemassan talumattàtok ike pùla iwechi màlà.

Romans 8:1 ပူးပေါင်းရင်းမြစ်များ

John 14:20

Màlà wei uyàssak yattai ittu auya'nokon màlà Iulà wechi Ukàipùnù yau molopai amyamlo wechi uyau molopai Iulà wechi ayau'nokon.

John 15:4

Uyau emakkà molopai Iulà nàlà wemapù màlà ayau. Grape yek màlà ipanta lùppù pe neken echii'ma tùwepetasen pen, tùse tek pàk neken tùwechi yau iwepeta, màlà kasa nàlà upàk pùla ewechi kon yau ewepeta kon pen màlà.

John 5:24

“Ailon kulu sàlà, mùkkàlà umaimu yetayai'nùk molopai ailon nùkayai'nùk uyeuno'nàippù pàk wechi màlà tàwàlàlà wema'nàtok yesappe. Italumattàtok yak itùlù pen màlà, tùse weli'nàtok yentakasak ya màlà wema'nàtok yak.

Romans 16:3

“Wakù pe na' messatàu?” tetok uya yekamatàk Prisilla molopai Aquila tawonnan piyak, we'wotokoma wechi yakonnon Christ Jesus wotokoyi yau.

Romans 16:7

“Wakù pe na' messatàu?” te uya Andronicus molopai mùkkàlà nossan, Junias tawonnan pàk, utonpa yamùk Jew yamùk, patikichi tau iwessak kon upokon pe, tùttusan kulu mùkyamlo yeunossak kon Christ yapyoto ton winà, molopai ailon teppù tok uya Christ pàk màlà uwapiya.

Romans 5:1

Ailon tetok kùuya'nokon uya ikasa kùkonekasak kon Katù pokonpe pàk nen uchi, echitonpa pe we'nàtok Katù pokonpe yesappe we'nà'nokon sàlà kùyepulu Jesus Christ yai.

Romans 5:16

Molopai tu'ma Katù uya lepantok màlà tewinan kappon wemakuimasak lùppù yepeppù walai pen itepeppù, tùpatalon. Masapùla ittuntok tewinan kappon makuyi ye'mappùpokon uya talumattàntok nepùppù màlà. Tùse lepantok Katù winàpaino, tukkan makui ye'mappùpokon uya ikasa anùnnàtok Katù pokonpe nepù màlà.

Romans 7:17

Màlàpàk Iulà kulu pen mùkkàlà sàlà yamùk kussai'nùk. Tùse uyàliyi làkku màlà uyau nemassai'nùk.

Romans 7:20

Ànkuppai pùla wettok kupù uya yau, sàlà uya yekama màlà Iulà wechi iku'nài pe pùla.Tùse makui làkku màlà iku'nài, màlà uyau nai'nùk.

Romans 8:11

Wakù Akkwalù iwinàpaino, Jesus uluukanàippù wema'nàtok yak wechi ayau'nokon yau, mùkkàlà Kùlaik uluukanàippù weli'nàtok yapai wema'nàtok yak, uya nàlà tùumattasen eyesak lepa màlà wema'nàtok ke Wakù Akkwalù nemassai'nùk ayau'nokon winà

Romans 8:14

Katù Yakkwalù yemyawon kon molopai inpininpa ton mùkyamlo Katù munkà yamùk pe tùwessan kappon yamùk.

Romans 8:2

Masapùla Wakù Akkwalù yeselu meluntàlù wema'nàtok ne'nài Christ Jesus ponalok kon piyak uya, upùikattàsak man makui yeselu molopai weli'nàtok winàpai.

Romans 8:34

Ànù'là uya ken na' uchi tok talumattà? Ànù'la pùla iwechi màlà masapùla Christ Jesus mùkkàlà iwelichak lùppù, molopai iwuluukasak lùppù weli'nàtok yapai molopai sàlà pe namantok patassek kamik pen Katù yemyatù winà man. Katù pawanattànài mùkkàlà kùponalok kon pe!

Romans 8:39

Wapùla kawon kon uya wapùla non yo'non kon uya, yà'làlà pùla iwechi màlà ikonekasak lùppù yau kùpantaka kon woton Katù uya pùnùnmantokù'nokon Christ Jesus Kùyepulu kon yau nai'nùk winàpai.

Romans 8:4

Sàlà kupùppù Katù uya màlà Law maimu yawàlà tùwemassan pe we'nà'nokon usentoppe, àli, kappon wettok iche yawàlà pùla nen uchi Wakù Akkwalù yeselu yawàlà kulu.

Romans 8:9

Tùse amyamlo nen mùkyamlo eyeselu kon wettok iche maimu yawàlà tùwemassan pen. Wakù Akkwalù wettok iche maimu yawàlà tùwemassan amyamlo, Katù yakkwalù wemapù kan ayau'nokon yau. Ànù'là Christ yakkwalù yesappe pùla nai'nùk wechi màlà iponaloppe pùla.

1 Corinthians 1:30

Tùse Katù uya enessak kon man Christ Jesus ponaloppe we'nàtok yak, molopai Katù uya Christ kussak man ittutok kùuya'nokon pe. Mùkkàlà Christ winà Katù pokonpe ikasa kùtùlù kon màlà, esuken molopai kùpùikattà kon àli kuttok winàpai.

1 Corinthians 15:22

Masapùla Adam yau tamù'nawolon kon welikù kasa làma, Christ yau tamù'nawolon kon kupù màlà pàli'yau.

2 Corinthians 12:2

Tùttuyaik kappon Christ pàk ailon tawon. 14 pe kilichimochi utàppù man mùkkàlà yalàppù kawon kulu kak pona tùpo. Ittu uya pùla man sàlà wekkupùppù pe kulu iwechi wapùla we'nepà'natok walai yeneppù ya pe iwechi, Katù neken nùttuyan.

2 Corinthians 5:17

Ànù'là wechi Christ ponaloppe yau emennappe iwechi màlà, tamù'nawàlà penalok utàppù màlà, emennak uyàssak màlà.

Galatians 3:13

Tùse Christ uya kùpùikattàsak kon sàlà pa'nù'nàtok law nùnepùppù winàpai, ipa'nùssappe tùwenaik kùponalok kon pe. Katù Maimu uya, “Ànù'là yei pàk ikaiwattàsak wechi màlà ipa'nùsak pe,” te kasa. {Deu 21.23}

Galatians 3:26

Tamù'nawolon kon amyamlo wechi màlà Katù munkà pe Christ Jesus pàk ailon tetok auya'nokon winà.

Galatians 3:28

Màlàpàk tùpatalà we'nàtok pùla iwechi màlà Jew yamùk molopai Jew yamùk pen kùlottau, apyoto ton molopai apyoto ton pen kùlottau, kàyik yamùk molopai nossan yamùk kùlottau, tamù'nawàlà tewin ewechi kon màlà Christ Jesus yau.

Galatians 5:16

Màlàpàk uchi wa te uya sàlà: Akkwalù yau emattàk kon molopai àli ànkuppai ewettok kon yawàlà ewechi kon pen màlà.

Galatians 5:25

Akkwalù uya lepansakù'nokon wema'nàtok ke yau, Akkwalù wenaimapai'nokon uchi.

Ephesians 1:1

Sàlà kaleta màlà Paul, Katù wettok iche yawàlà Christ Jesus neunokoppù winàpaino, Katù ponalok kon Ephesus po tùwemassan piyak, mùkyamlo ailon ton tùwemattok kon Christ Jesus yau piyak inmenukappù:

Philippians 3:9

Molopai iponaloppe wechi ittu uya. Law winà wakù pe ikasa wettok pàkànsau Katù uya uyanùmùppù pen màlà. Sàlà pe nen uchi wakù pe we'nàtok, ikasa, Katù winàpai teposen ailon tetok Christ pàk yai yesappe wessaik.