Romans 7:9 - Patamuna New Testament Revised

⁹ Nulà wechippù màlà pena Law ittu uya pùla iwechi yau. Tùse iyàssak yau makui wennappù molopai welikùppù.

Romans 7:9 ပူးပေါင်းရင်းမြစ်များ

Matthew 19:20

“Tamù'nawolon sàlà yamùk enupantok maimu yawàlà wessak man. Yà'là tu'ma ken uchi kupù uya?” tukaik umoine uya yeikuppù.

Luke 15:29

‘Masa yenkà, tàwàlà là tukke kilichimochi we'wotokomasak man àponalok pe apyoto kasa, molopai tewin itekkwa là amaimu yawàlà pùla wessak pùla man. Tuse kapala mule ke lùkkwà là ulepasak auya pùla man utonpa yamùk pokonpe uta'lettà toppe,’ tukaik tùkàipùnù maimu yeikuppù ya.

Luke 18:21

Kàyik uya yeikuppù, “Mulek wechippù motapai tamù'nawàlà sàlà yamùk enupantok maimu yawàlà wessak man,” tukaik.

Romans 10:5

Sàlà uchi màlà Moses nùmenukappù ikasa anùnnàtok Katù pokonpe Law maimu yawàlà we'nàtok winà pàk, “Kappon Law wettok iche ku'nài wemapù màlà imaimu yawàlà,” {Lev 18.5}.

Romans 7:10

Molopai yeneppù uya màlà wema'nàtok ne'nài pe ikussak, uya weli'nàtok nepùppù màlà upona.

Romans 7:11

Masapùla makui uya uyennakatok tùuya yattai woton yepoloppù màlà molopai uyennakappù ya tùwe'wotokoma’ Law winà, iwinà àli uya uwànàppù.

Romans 7:4

Màlà kasa nàlà iwechi màlà àpàkù'nokon, utonpa yamùk. Ewelichak nàlà màlà Law winàpai, masapùla Christ yesak pùkù pe ewechi kon pàk. Molopai nen uchi sàlà pe iponaloppe ewechi kon màlà, mùkkàlà iwuluukasak lùppù weli'nàtok yapai ponaloppe wema'nàtok kon pe tapulàsen pe Katù ponaloppe.

Romans 7:6

Sàlà pe kùnonkasak Law uya man, masapùla weli'nàsakù'nokon màlà kùyachinàippù'nokon winàpai, yachichak kon patikichi tak kasa kùku'nàippù winàpai. màlàpàk imenukasak lùppù Law yeselu yawàlà tùwessan pe we'nà pen sàlà , tùse emennak Law Wakù Akkwalù yeselu yawàlà tùwessan.

Romans 7:8

Tùse makui uya màlà Law yapulàppù tamù'nawàlà yà'là yekkwa ton nà, utonpa yemamim iche wettok yenpakappù uyau. Masapùla Law pùla iwechi yau makui wechi màlà imeluntàlù pùla.

Romans 8:7

Màlàpàk àli usenumenkantok wechi Katù yeyaton pe màlà. Masapùla Katù winàpaino Law yawàlà pùla iwechi pàk, molopai imaimu yawàlà iwechi yentai iwechi màlà.

Galatians 2:19

Màlàpàk law winà welichak man. Law uya uwàsak, Katù ponaloppe wemattoppe.

Galatians 3:10

Mùkyamlo law winà tùwepùikattàiche tùwessan wechi màlà pa'nù'nàtok yo'no. Masapùla Katù Maimu uya, “Ànù'là tamù'nawàlà iwe'menukasak nai'nùk Kaleta law yapon pàk, yawàlà tùwessen pen wechi màlà pa'nù'nàtok yo'no!” tesak man. {Deu 27.26}