Romans 7:8 - Patamuna New Testament Revised

⁸ Tùse makui uya màlà Law yapulàppù tamù'nawàlà yà'là yekkwa ton nà, utonpa yemamim iche wettok yenpakappù uyau. Masapùla Law pùla iwechi yau makui wechi màlà imeluntàlù pùla.

Romans 7:8 ပူးပေါင်းရင်းမြစ်များ

Mark 7:22

wemali'mannàpà ipokonpe pen pokonpe we'nàtok, tùuseka'nonkaik we'nàtok, yà'làlà àli ànkupai we'nàtok, ànù'là yenkuttàtok, àli kuttok tùwekuli'maik pùla, kùlùmàlunnàtok, ànù'là yesek talumattàtok tùpatakaik, ànù'là yentai weku'nàtok, molopai pakko pe tùttuik pùla we'nàtok.

John 15:22

Tok yelupaik uyàpù pùla iwessak yau, àli pe tùmakuyi ke tok uchittuppù pen sàlà eppaino. Tùse sàlà pe tùmakuyi kon waputtàtok tok uya pùla iwechi màlà.

John 15:24

Ànù'là nùkupù pen kusak uya tok kùlottau pùla iwechi yau tùmakuyi ke echii'ma àli pe tok uchittuppù pen sàlà eppaino. Tùse eke ton wotoko yamùk kupù uya yensak tok uya man, walà tùse tewanma kon pe tok uya ukupù molopai Ukàipùnù nàlà.

Romans 3:20

Màlàpàk ànù'là kappon yanùmù ikasa Katù yenu yau, Law maimu yawàlà iwechi pàk pùla iwechi màlà. Law màlà kappon ku'nài àli kussak tùuya ittutoppe ya làkku.

Romans 4:15

Law màlà Katù we'naikatok àsà pe ne'nài. Tùse enupantok pùla iwechi yau, “Sàlà kùkkuttàu, màlà ikuttàk kon,” tawon làkku, enupantok maimu yawàlà pùla we'nàtok, pùla iwechi màlà.

Romans 5:20

Law tùlùppù màlà iwalai pen kuttok wekattoppe. Tùse àli kuttok wekassak yau, Katù wettok wakù pe wekatù màlà eke peiwa kulu.

Romans 7:11

Masapùla makui uya uyennakatok tùuya yattai woton yepoloppù màlà molopai uyennakappù ya tùwe'wotokoma’ Law winà, iwinà àli uya uwànàppù.

Romans 7:13

Sàlà uya ken na' wakù pe nai'nùk uya welittok nepùppù màlà upona te màlà? Kanekku! Makui nen màlà weli'nàtok ne'nàippù, wakù pe nai'nùk yapulà tùuya winà, weli'nàtok nepùppù ya màlà uwinàkàik i'nai kasa kulu là makui yeselu wechi usentoppe ichenpoikatoppe. Màlàpàk Law winà, àli usene màlà àli pe kulu.

Romans 7:17

Màlàpàk Iulà kulu pen mùkkàlà sàlà yamùk kussai'nùk. Tùse uyàliyi làkku màlà uyau nemassai'nùk.

Romans 7:9

Nulà wechippù màlà pena Law ittu uya pùla iwechi yau. Tùse iyàssak yau makui wennappù molopai welikùppù.

1 Corinthians 15:56

Weli'nàtok uya chippontok màlà makui, molopai Law màlà makui meluntàlù ke lepanài.