Romans 7:7 - Patamuna New Testament Revised

⁷ Yà'là te'nokon ken uchi? Law wechi màlà àli pe te'nokon ka'lù? Kanekku! Tùse law màlà àli ittutoppe uya uku'nàippù. Masapùla tùulon yemamin iche we'nàtok wechi ikasa pùla ituppù uya pen sàlà eppaino, law uya, “Tùulon yemamin iche kechii!” tesak pùla iwechi yau. {Ex 20.17 Deu 5.21}

Romans 7:7 ပူးပေါင်းရင်းမြစ်များ

Matthew 5:28

Tùse sàlà pe tekamayaik àpàkù'nokon. Ànù'là nossan yennài molopai iche tùwessen tùponaloppe, wemakuimakassak màlà ipokonpe tewan yau.

Luke 12:15

Molopai iichelupappù, “Yetatàk kon, molopai useka'nonkantok yà'là yamùk là iche winàpài ettàk kon. Masapùla kappon wemattok màlà tukkan itesak pe iwettok pùkkù pen,” teppù ya tamù'nawolon kon pàk.

Luke 20:16

“Iyàpù màlà molopai mùkyamlo kàyik yamùk tùkka ya, molopai nen uchi tùulon kon umà mainanpan nan yemyak umà tùlù ya,” teppù Jesus uya. Sàlà yetasak tùuya'nokon yau kappon yamùk uya, “Tàwà ikupù ya pen màlà,” teppù.

Yeunossak kon Wotokoyi 20:33

Ànù'là chilùpayi, wapùla ikolùyi, wapùla ipon nà iche useka'nonkasak pùla man.

Romans 13:9

Law yau màlà, “Atayappù pen wapùla ànoppù pen pokonpe kettàu,” “Ànù'là kappon kù'wàtàu, Amappe kettàu, Ànù'là yemamin iche kettàu,” tawon {Ex 20.13-15,17, Deu 5 17-19, Deu 5.21}, tamù'nawolon sàlà yamùk molopai tùulon kon sàlà pokon pan kon wepilichak màlà tewinan enupantok pe, “Àtonpa kon ikuttàk à'nùn kon pe euchi'nùnma kon kasa,” tawon yau.

Romans 3:20

Màlàpàk ànù'là kappon yanùmù ikasa Katù yenu yau, Law maimu yawàlà iwechi pàk pùla iwechi màlà. Law màlà kappon ku'nài àli kussak tùuya ittutoppe ya làkku.

Romans 3:5

Tùse àli pe we'nàtok uya Katù wechi wakù pe kulu yenpoika yau, yà'là te ken kùuya'nokon? Katù uya talumattàn yau ka' iwalai pen mùkkàlà te lù? (Uselupayaik talà kappon usenumenkatok kasa.)

Romans 4:1

Yà'là te'nokon ken uchi Abraham, kùtamo kon pàk? Yà'là yeneppù ya ken?

Romans 4:15

Law màlà Katù we'naikatok àsà pe ne'nài. Tùse enupantok pùla iwechi yau, “Sàlà kùkkuttàu, màlà ikuttàk kon,” tawon làkku, enupantok maimu yawàlà pùla we'nàtok, pùla iwechi màlà.

Romans 5:20

Law tùlùppù màlà iwalai pen kuttok wekattoppe. Tùse àli kuttok wekassak yau, Katù wettok wakù pe wekatù màlà eke peiwa kulu.

Romans 6:15

Yà'là kupù'nokon ken uchi? Àli kupù'nokon ka'lù, masapùla Law maimu yo'no pùla we'nà pàk tùse wakù pe Katù wettok yo'no we'nà pàk lù? Kanekku!

Romans 7:11

Masapùla makui uya uyennakatok tùuya yattai woton yepoloppù màlà molopai uyennakappù ya tùwe'wotokoma’ Law winà, iwinà àli uya uwànàppù.

Romans 7:13

Sàlà uya ken na' wakù pe nai'nùk uya welittok nepùppù màlà upona te màlà? Kanekku! Makui nen màlà weli'nàtok ne'nàippù, wakù pe nai'nùk yapulà tùuya winà, weli'nàtok nepùppù ya màlà uwinàkàik i'nai kasa kulu là makui yeselu wechi usentoppe ichenpoikatoppe. Màlàpàk Law winà, àli usene màlà àli pe kulu.

Romans 7:5

Masapùla wema'nà'nokon kùyeselu kon kùyau'nokon nai'nùk yawàlà yau, àli ànkupai we'nàtok yenpakasak Law uya wechippù màlà tùwe'wotokoma pàk kùyesak kon yau, molopai weli'nàtok nepùppù ya.

Romans 7:8

Tùse makui uya màlà Law yapulàppù tamù'nawàlà yà'là yekkwa ton nà, utonpa yemamim iche wettok yenpakappù uyau. Masapùla Law pùla iwechi yau makui wechi màlà imeluntàlù pùla.

1 Corinthians 15:56

Weli'nàtok uya chippontok màlà makui, molopai Law màlà makui meluntàlù ke lepanài.

Ephesians 5:3

Tùse Katù ponalok kon, esukenan kon pe ewechi kon pàk, àli imakuyippù kuttok esak ke molopai tamù'nawolon àli, ànù'là yemamin iche we'nàtok kùsettak àkklottau'nokon. Sàlà yekkwa ton winàpai mettàik. Màlà yekkwa pe là uselupan kùsettak.

Colossians 3:5

Màlà yamùk àli ànkuppai we'nàtok ne'wotokomayai'nùk ayau'nokon inonkatàk kon. Àli imakuyippù kuttok esak ke, esuken pùla we'nàtok, ipàlika yentai àli ànkupai we'nàtok màlàwannà ke, tùuseka'nonkaik we'nàtok inonkatàk. (Masapùla tùuseka'nonkaik we'nàtok màlà tùulon katù yemlotopo wepeiman walai).

1 Thessalonians 4:5

Iche ewettok yappyato pe kechii wapùla kemapùi, Katù ittunài nan pen yeselu kasa là iteselu kettàu.

Hebrews 7:19

Masapùla Law uya yà'làlà konekasak ikasa kulu pùla iwechi màlà. Molopai sàlà pe wakùiwa enpen we'nàtok ke kùlepasakù'nokon man, màlà yai nen uchi tùuyàssan kùmyamlo mei pùla Katù piyak.