Romans 7:4 - Patamuna New Testament Revised

⁴ Màlà kasa nàlà iwechi màlà àpàkù'nokon, utonpa yamùk. Ewelichak nàlà màlà Law winàpai, masapùla Christ yesak pùkù pe ewechi kon pàk. Molopai nen uchi sàlà pe iponaloppe ewechi kon màlà, mùkkàlà iwuluukasak lùppù weli'nàtok yapai ponaloppe wema'nàtok kon pe tapulàsen pe Katù ponaloppe.

Romans 7:4 ပူးပေါင်းရင်းမြစ်များ

Matthew 26:26

Tùuta'lettà kon yau, Jesus uya pùlomù pusak yanùmùppù, Tenki tepe iwàpùlemappù, pùlomù pusak pilikappù ya, molopai itùlùppù ya ta'lon kon yemyak. “Yanùntàk molopai inattàk kon, sàlà màlà uyesak,” teppù ya.

Mark 4:20

Tùse tùulon kon kappon yamùk wechi màlà wakù itùmun konekasak yak ipànsak kasa. Katù Maimu yeta tok uya. Yanùmù tok uya tewan kon yak. Tok wepeta nen uchi, tùulon 30 pe kaichalà, tùulon 60 pe kaichalà, molopai tùulon 100 pe kaichalà,” teppù Jesus uya tok pàk.

John 15:8

Tukke ewepeta kon yau, Ukàipùnù yapulàtok iwinà pe iwechi màlà. Sàlà winà unenupa ton pe ewechi kon yenpoika auya'nokon màlà.

John 3:29

Tùwemali'masen umoine ponalok mùkkàlà ema'non. Umoine wechi yakon wechi màlà ipyau yeta pàk, molopai itauchinpa tùwechi yakon maimu yeta tùuya yau. Màlàpàk utauchinpayaik eke pe tùwemali'masen wechi yakon utauchinpa kasa.

John 6:51

Iulà mùkkàlà nulànan pùlomù pusak epùn poino. Ànù'là ina'nàippù wemapù màlà tàwàlàlà. Molopai sàlà pùlomù pusak màlà upun untùlù nulà we'nàtok ke lepanài, wolù yawon kon kappon yamùk wemattok ike pe,” teppù nàlà Jesus uya tok pàk.

Romans 6:11

Màlà kasa làma eusenumenka kon màlà àpàkù'nokon iwelichappe àli pàk tùse nulà Katù pàk Christ Jesus ponaloppe ewechi kon yau.

Romans 6:14

Makui eyepulu kon pe kùsettak, masapùla Law maimu yawàlà tùwemassan pen amyamlo. Tùse wakù pe Katù wettok yo'no làkku tùwemassan.

Romans 6:2

Kanekku! Weli'nàsakù'nokon sàlà àli winàpai. Yà'là kasa ken màlà yentak wema'nà'nokon àli yau?

Romans 6:22

Tùse sàlà pe àmokkasak kon man àli pe we'nàtok winàpai. Molopai Katù yapyoto ton amyamlo, sàlà uya esuken wema'nàtok yak ayasak kon nai'nùk. Molopai iwenukapù pe tàwàlàlà wema'nàtok yepolo auya'nokon màlà itepeppù pe.

Romans 7:3

Màlàpàk uchi, tùulon kàyik pokonpe iwemapù tùtayappù welichak pùla tùse yau, “Mùkàlà wechi tùwemali'mappù ipokonpe pen pokonpe màlà. Àli ku'nài mùkkàlà,” te màlà. Tùse itayappù welichak yau, yachinài pùla iwechi màlà màlàpàk àli kupù ya pen, tùulon kàyik pokonpe iwemali'masak yau.

Romans 7:6

Sàlà pe kùnonkasak Law uya man, masapùla weli'nàsakù'nokon màlà kùyachinàippù'nokon winàpai, yachichak kon patikichi tak kasa kùku'nàippù winàpai. màlàpàk imenukasak lùppù Law yeselu yawàlà tùwessan pe we'nà pen sàlà , tùse emennak Law Wakù Akkwalù yeselu yawàlà tùwessan.

Romans 8:2

Masapùla Wakù Akkwalù yeselu meluntàlù wema'nàtok ne'nài Christ Jesus ponalok kon piyak uya, upùikattàsak man makui yeselu molopai weli'nàtok winàpai.

1 Corinthians 10:16

Tenki tawonnan kùmyamlo ipùlemasak kon pàk. Màlà wechi màlà Christ welikù mùnù pùkkù pe we'nà yekamanài pe. Molopai pùlomù pusak ipilika'nokon nai'nùk wechi Christ pun pùkkù pe we'nà yekamanài pe.

2 Corinthians 11:2

Ukùlùmàlunyaik ewenai'nokon Katù kùlùmàlu kasa làma. Masapùla esukenan ema'non kàyik nappàtùppù pen kasa ewechi kon pàk molopai àyàwà'nùpù kon uya tewin itayappù Christ piyak teppù uya ipàk lùppù pe ewechi kon.

Galatians 3:13

Tùse Christ uya kùpùikattàsak kon sàlà pa'nù'nàtok law nùnepùppù winàpai, ipa'nùssappe tùwenaik kùponalok kon pe. Katù Maimu uya, “Ànù'là yei pàk ikaiwattàsak wechi màlà ipa'nùsak pe,” te kasa. {Deu 21.23}

Galatians 5:18

Tùse Akkwalù uya ayalà kon yau, law yo'no ewechi kon pen màlà.

Ephesians 2:15

Law, Moses winàpaino yeleutanùpùppù ya, inenupa molopai sà ikukkà tetok ya pokonpe, tùpatalon kon kappon yamùk konekappù ya tùmàlà tùyau tewin tok wettoppe, echitonpa pe.

Philippians 1:11

Jesus Christ uya àkupù kon màlà wakù eselu kupù pàk ewechi kon pa. Sàlà uya Katù yapulàtok molopai inamatok nepù màlà.

Philippians 4:17

Lepantok yamùk neken nà enekkwappai wechi pàk pùla. Tùse làkku àntùlùppù kon pàkàlà itepeppù wekassak enenpai wechi pàk, sàlà yamùk lepantok tùsak auya'nokon pàk.

Colossians 1:10

Màlàyau nen uchi Itepulu Katù wettok iche kasa tùwemassan pe ewechi kon màlà. Molopai yauchinpanài pe nai'nùk kupù auya'nokon. Ewemattok kon wechi nen uchi tepelu ke màlà, wakù ton yà'là yekkwa là wotoko kupù auya'nokon yau. Molopai Katù ittutok auya'nokon yau eusemokka kon.

Colossians 1:22

Tùse sàlà pe nen uchi, Tùmu yàkàpù winà, Katù uya tùwechi yakonnon pe àkussak kon man enettok kon pe tùuya esuken. Wakù pe itekale eyesek kon wettoppe.

Colossians 2:14

Imenukasak lùppù winàkàik wannà “Ikasa pùla messaik”tawon, mokkappù ya màlà, molopai imattanùpùppù ya tamù'nawàlà kulu ipukapàtù tùuya pulusuk pona winà.

Colossians 2:20

Ewelichak kon màlà Christ pokonpe màlàpàk àpùikattàsak kon màlà kawon kon akkwalù yamùk meluntàlù winàpai. Yà'là pe iwechi pàk sàlà yekkwa ton maimu yawolon kon amyamlo?

Hebrews 10:10

Molopai Jesus Christ uya Katù wettok iche kussak pàk, esuken kùkussak kon màlà nai'nùk, tewin itekkwa tesak tùsak ya molopai itùtu'ma ya pen winà.

1 Peter 2:24

Jesus Christ uya kùmakuyi kon yalàppù tùmàlà pe pulusuk pona, weli'nà tok kon pe àli kuttok pàk wema'nà tok kon pe wakù pe we'nàtok ponaloppe. Ippoppàtù winà euchipittàsak kon màlà.

Revelation 19:7

“Utauchinpanpai'nokon molopai tùutauchinpaik we'nàpai'nokon man, eke pe iwettok yapulàpai'nokon! Masapùla Kalinilu Mule wemali'matok yattai uyàssak man, molopai inoppù woton wekonekasak man màlà ponaloppe.

Revelation 21:9

7 pan kon inchelù yamùk tonpa mùkkàlà 7 pan pùsau yamùk yanùkkasak 7 pan iwenukatok talumattàntok ke, yesak uyàpùppù upyak molopai, “Àikkà, molopai Ema'non Kalinilu Mule noppù woton yekama uya màlà àpàk,” teppù ya.