Romans 7:24 - Patamuna New Testament Revised

²⁴ Tùusewankono'masen sa'ne Iulà kappon! Ànùk uya ken upùikattà sàlà uyesak uyayai'nùk weli'nàtok yak winàpai?

Romans 7:24 ပူးပေါင်းရင်းမြစ်များ

Matthew 5:4

“Tùutauchinpasan mùkyamlo tùusewankono'masan. Katù uya tok yewan ipittà màlà!

Matthew 5:6

“Tùutauchinpasan mùkyamlo iwalai ànkupai kulu tùuseka'nonkasan. Katù uya tok yewan ya'lettà màlà!

Luke 4:18

“Wakù Akkwalù Itepulu winàpaino upo man. Ukalapaimasak ya man, Wakù Itekale yekamatoppe uya entuppa'nokon pàk. Uyeunossak ya man, wemokkantok yekamatoppe uya yachisak kon pàk molopai enpùnon yentoppe. Molopai tùtalumattàsan mokkase tok talumattàtok yapai. Itepulu Katù uya tùponalok kon kappon yamùk pùikattàtok yattai yekama toppe uya!” tukaik.

Romans 6:6

Masapùla sàlà ittu'nokon man, penalok àli ton kùyeselu kon tùlùppù inmattatoppe Christ pokonpe pulusuk po, àli eselu wannà meluntàlùkkatoppe, makui yapyoto pe we'nà'nokon tukaik.

Romans 8:13

Masapùla ewemapù kon eyeselu kon maimu yawàlà yau, ewelikù kon màlà, tùse Wakù Akkwalù yapàikketù winà. Àli eyeselu kon yeleutanùssak auya'nokon yau, ewemapù kon màlà.

Romans 8:2

Masapùla Wakù Akkwalù yeselu meluntàlù wema'nàtok ne'nài Christ Jesus ponalok kon piyak uya, upùikattàsak man makui yeselu molopai weli'nàtok winàpai.

Romans 8:23

Tùse ikonekasak neken pen, kùmyamlo nàlà Wakù Akkwalù yesappe nai'nannùk wapiya kulu Katù uya lepantok yesappe nai'nannùk, kùmyamlo nàlà na'nùnyan molopai nùseka'nonkayan kù'nau'nokon Katù uya tùponalok kon pe kùyesatù kon màmuku nai'nùk pàk. Molopai tamù'nawàlà kùmokka kon ya kùyesak kon ukàtatok winàpai màmuku pàk .

Romans 8:26

Màlà kasa làma Wakù Akkwalù nàlà tùuyàssen kùpùikattàse, masapùla attu'mùla we'nà'nokon pàk. Masapùla yà'là kasa wàpùleman wakù pe ittu'nokon pùla iwechi pàk, Wakù Akkwalù mùkkàlà tùutaimelunpaik ta'nùmùi'ma tùwàpùlemasen kùponalok kon pe, yekama yentaino mayin yau.

Colossians 2:11

Christ ponaloppe ewechi kon yekama auya'nokon màlà ailon te auya'nokon ipàk winà. Eyesak kon yattà Ichu yamùk usattàtok yawàlà pùla. Tùse Christ uya attàntok winàpaino yentok ipàkàlà winà màlà àpùikattàsak kon àli ànkuppai àku'nài meluntàlù winàpai.

2 Timothy 4:18

Molopai Itepulu uya upùikattà màlà tamù'nawolon àli ton winàpai, molopai uyalà ya wakù pe itepulu pe tùwettok yak epùn pon yak. Apulàntok ipyau nechii tàwàlàlà molopai tàwàlàlà. Emen.

Titus 2:14

Iwettùlùppù màlà kùponalok kon pe, kùpùikattàse tamù'nawolon àli winàpai molopai kùkonekase esukenan kon kappon yamùk tùponalok kon pe kulu neken molopai wakù ànkuppai nokon kulu pe neken.

Hebrews 2:15

Molopai tamù'nawàlà mùkyamlo tàwàlàlà tùusenalipaik weli'nàtok pàk tùwemassan pùikattàtoppe tùuya.

Revelation 21:4

Tamù'nawàlà tok yenu palu ya'munakka ya màlà tok yenu poi. Weli'nàtok pùla nen uchi iwechi màlà, usewankono'mantok pùla iwechi, kalannàtok wapùla i'ninàtok pùla. Masapùla penalok kon waliwomùppù man,” tukaik.