Romans 7:23 - Patamuna New Testament Revised

²³ Tùse tùpatalon yeselu we'wotokoma uyau tenyaik. Sàlà yeselu nepanta'mayai'nùk usenumenkatok yeselu winàkàik. Sàlà eselu àli yapyoto pe uyau ne'wotokomayai'nùk.

Romans 7:23 ပူးပေါင်းရင်းမြစ်များ

Romans 6:13

Màlà tùse pùla àpùkkù kon kùsapulàtàu àli ponaloppe, àli pàkànsau yapulàtoppe. Tùse làkku Katù yemyak ettùtàk kon, kappon yamùk inesak kon weli'nàtok yapai wema'nàtok yak kasa molopai tamù'nawàlà ettùtàk kon itemyak wakù iwalai ponaloppe ayapulàtoppe.

Romans 6:19

Uselupayaik kappon nùttu yau, masapùla atu'mùla ewechi kon pàk. Pena tamù'nawàlà eyesak kon tùlùppù auya'nokon màlà àli eyeselu kon, miyaiwa àli pe ayanàippù kon i'napailà yapyoto pe. Màlà kasa làmaichi sàlà pe tamù'nawàlà eyesak kon itùtàk kon, esuken we'nàtok yapyoto pe.

Romans 7:14

Itu'nokon man Law wechi Katù winàpaino pe. Tùse kappon Iulà ichilanmasak àli yapyoto pe.

Romans 7:21

Màlàpàk sàlà yeselu wechi tùwe'wotokoma pàk tenyaik. Wakù ànkuppai wechi yau, àli kupù uya.

Romans 7:25

Tenki ukayaik Katù pàk Kùyepulu Jesus Christ yai! Màlàpàk Katù maimu yawàlà eppai wessaik usenumenkatok yau, tùse kappon pe wettok yeselu ke àli maimu yawàlà wechi.

Romans 7:5

Masapùla wema'nà'nokon kùyeselu kon kùyau'nokon nai'nùk yawàlà yau, àli ànkupai we'nàtok yenpakasak Law uya wechippù màlà tùwe'wotokoma pàk kùyesak kon yau, molopai weli'nàtok nepùppù ya.

Romans 8:2

Masapùla Wakù Akkwalù yeselu meluntàlù wema'nàtok ne'nài Christ Jesus ponalok kon piyak uya, upùikattàsak man makui yeselu molopai weli'nàtok winàpai.

Galatians 5:17

Masapùla àli ànkuppai we'nàtok wechi màlà Akkwalù wettok iche pe pùla molopai Akkwalù wechi màlà àli ànkuppai we'nàtok wettok iche pe pùla. Echiche pùla tok wechi màlà. Màlàpàk iche ewettok kon kupù auya'nokon pen.

Hebrews 12:4

Masapùla ewepanta'makon àli kuttok winàkàik yau àmùnù kon ikkwamù auya'nokon tepose ewepanta'ma kon pùn.

James 3:2

Tamù'nawolon kon kùmyamlo echipalà'ne ikasa pùla tùwessan. Kappon ikasa pùla tùwessen pen tùuselupatok winà mùkkàlà wakù kulu, molopai ikasa neken tùwessen kappon, molopai tamù'nawàlà tesak yepulu pe tùwessen.

James 4:1

I'nai yailà pai ken tamù'nawolon wepanta'mantok molopai usàulàmantok àkklotau'nokon tùuyàssen? Àli ànkupai ewettok kon winàpai tùuyàsan, eyesak kon yau tùwepanta'ma pàk echipalà nai'nùk.

1 Peter 2:11

Apawanattàyatàu Iulà, utonpa yamùk, kakklan yamùk echii'ma sàlà non po, àli ànkuppai we'nàtok yemyak kettùtàu, màlà tùwepanta'ma pàk nai'nùk tàwàlà ayakkwalù kon winàkàik.