Masapùla itewan yapai àli pe usenumenkantok uyàpù màlà, wàntoppe ya iku'nài, tùulon noppù pokonpe iwettoppe, molopai tùulon kon àli ton imakuyichan kuttoppe ya tesak ke, amappe iwettoppe, molopai kasei pe molopai àli pe ichelupatoppe tùulon kon pàk.
Àli pe là ewechii'ma'nokon wakù ton tùlù auya'nokon àmunkà kon yemyak ittun nan amyamlo. Màlà yentai nen uchi màlà Ukàipùnù epùn pon uya, mùkyamlo Wakù Akkwalù yennan nan lepa,” teppù Jesus uya.
Masapùla àli ànkuppai we'nàtok wechi màlà Akkwalù wettok iche pe pùla molopai Akkwalù wechi màlà àli ànkuppai we'nàtok wettok iche pe pùla. Echiche pùla tok wechi màlà. Màlàpàk iche ewettok kon kupù auya'nokon pen.
Sàlà yau yenuka'nùssak uya man te uya pùla kan man tà, wapùla wakù pe kulu wenakassak pùla man. tùse unepolo lùppù molo man masapùla Christ Jesus uya uyachisak man.