Romans 7:14 - Patamuna New Testament Revised

¹⁴ Itu'nokon man Law wechi Katù winàpaino pe. Tùse kappon Iulà ichilanmasak àli yapyoto pe.

Romans 7:14 ပူးပေါင်းရင်းမြစ်များ

Matthew 16:23

Jesus welattàppù màlà molopai Peter pàk, “Uwinàpai itàkà, Settan! Uye'ma wakkà'nài àmàlà, masapùla sàlà yamùk eusenumenkatok màlà kappon pe usenumenkantok, Katù winàpai iyàssak pen!” teppù ya.

Matthew 18:25

Tùse ye'matok ya ike pùla iwechi pàk, itepulu uya ichilanmatoppe ikupùppù, inoppù, imunkà yamùk tukaik, molopai tamù'nawàlà itesappe iwettok pokonpe, iwe'womatok ye'matoppe.

Matthew 5:22

“Tùse sàlà pe tekamayaik àpàkù'nokon, ànù'là iwe'naikasak tùtonpa pàk nepù màlà talumattànài yemloto pona. Ànù'là tùtonpa yesa'nài ‘wakù pen àmàlà!’ tukaik nepù màlà Jew yamùk yepulu ton yemloto pona. Molopai ànù'là tùtonpa yesa'nài pakko tukaik wechi màlà tùutàsen yeppe apok patassek yak.

Matthew 5:28

Tùse sàlà pe tekamayaik àpàkù'nokon. Ànù'là nossan yennài molopai iche tùwessen tùponaloppe, wemakuimakassak màlà ipokonpe tewan yau.

Luke 5:8

Iwekkussak lùppù yensak tùuya yau, Simon Peter wenappù tese'mu yok Jesus yemloto po molopai, “Itàkà uwinàpai Uyepulu, masapùla Iulà mùkkàlà àli umakuyi yawon!” teppù ya.

Luke 7:6

Màlàyau Jesus utàppù tok ya'là. Mei pùla là tapùi pàk iwechippù màlà. Màlà yattai soicha yamùk yesak uya tùwechi yakon non yeunokoppù yelupase. “Uyepulu, kataimelunpai kulu là. Uyùwùk tak àuyàpù iche kulu pùla là wessaik.

Romans 3:9

Màlàpàk nen uchi yà'là te sàlà, kùmyamlo ka' Jew yamùk wechi màlà mùkyamlo Jew yamùk pen yentai wakù peiwa lù? Kanekku! Yekamasak ina uya man Jew yamùk molopai Jew yamùk pen wechi ekkaichalà makui yo'no.

Romans 6:6

Masapùla sàlà ittu'nokon man, penalok àli ton kùyeselu kon tùlùppù inmattatoppe Christ pokonpe pulusuk po, àli eselu wannà meluntàlùkkatoppe, makui yapyoto pe we'nà'nokon tukaik.

Romans 7:18

Tùttuyaik wakù wechi là uyau pùla sa'ne iwechi, kappon pe wechi yeselu pàk uselupa. Masapùla wakù ànkuppai we'nàtok wechi lànen uyau tùse, ikupù uya yeselùkek pùla.

Galatians 4:3

Màlà kasa làma we'nàppà'nokon. Sàlà wolù yeselu yapàikketù yappyoto pe.

Ephesians 3:8

Iulà mùkkàlà tamù'nawolon kon Katù ponalok kon kappon yamùk ma'lan kulu. Tùse Katù uya ulepappù sàlà wakù wotoko ke Wakù Itekale yatoppe uya Jew yamùk pen piyak tùwenukapù woton pen wakù ton Christ piyawon kon mamin yekamase.

Hebrews 4:12

Masapùla Katù Maimu màlà nulànan molopai meluntà. Yàkek, asa'lon yà kasupala yentaino. Tùutàsen màlà i'nak esak molopai akkwalù wessepotok tepose, molopai àppù yese'mu, molopai àppù pùnawon wessepotok tepose. Katù Maimu màlà kappon yamùk yewan wettok iche molopai ichenumenkatok ittunài kulu.