Romans 6:9 - Patamuna New Testament Revised

⁹ Masapùla ittu'nokon man Kùlaik wuluukappù weli'nàtok yapai wema'nàtok yak molopai iwelittu'ma pen màlà. Weli'nàtok meluntàlù pùla nen uchi iwechi màlà itepoi.

Romans 6:9 ပူးပေါင်းရင်းမြစ်များ

Romans 5:14

Tùse Adam wemapùppù motapai Moses motak, kappon yamùk wemapùppù weli'nàtok yo'no, mùkyamlo Adam wemakuimappù kasa iwemakumasak kon pen nànen. Adam wechippù màlà mùkkàlà tùuyàpù woton pe nai'nùk yekkwa pe.

Romans 6:10

Christ welichak yau, iwelikùppù màlà àli pàkànsau tewin itekkwa molopai tamù'nawolon ponaloppe. Tùse nulà man sàlà pe, molopai Katù ponaloppe neken iwemapù màlà.

Romans 6:14

Makui eyepulu kon pe kùsettak, masapùla Law maimu yawàlà tùwemassan pen amyamlo. Tùse wakù pe Katù wettok yo'no làkku tùwemassan.

Romans 6:4

Usenpataukantok kon winà uchi màlà, kùwu'nattàsakù'nokon ipokonpe molopai iwelittok pùkkù pe we'nà'nokon, Christ uluukappù nai'nùk weli'nàtok yapai wakù kulu kùkàipùnù kon meluntàlù winà, kasa làma kùmàlà nàlà , wemapù màlà emennak wema'nàtok yau.

Hebrews 7:16

Mùkkàlà yanùmùppù pen màlà Law yawàlà itamo pàkànsau. Tùse paatele pe iwenappù màlà ànù'là nùmattanùppù pen làkku wema'nàtok meluntàlù yai.

Hebrews 7:25

Màlàpàk mùkyamlo Katù piyak tùuyàssan tùwinà pùikattànài kulu mùkkàlà tamù'nawàlà. Masapùla tàwàlàlà tùwemassen mùkkàlà Katù pawanattàtoppe tùuya tok pàkànsau.

Revelation 1:18

“Nulà nan Iulà! Welikùppù màlà, tùse yenkà, nulà wessaik tàwàlàlà molopai tàwàlàlà. Tapàikketù ke wechi nai'nùk weli'nàtok yepoi molopai iwelichak kon patassek yepoi.