Romans 6:6 - Patamuna New Testament Revised

⁶ Masapùla sàlà ittu'nokon man, penalok àli ton kùyeselu kon tùlùppù inmattatoppe Christ pokonpe pulusuk po, àli eselu wannà meluntàlùkkatoppe, makui yapyoto pe we'nà'nokon tukaik.

Romans 6:6 ပူးပေါင်းရင်းမြစ်များ

Romans 6:12

Eyesak kon tùumattasen pe nai'nùk yepulu pe àli kùsettak. Àli eyeselu kon wettok makui ànkupai maimu yawàlà ewechi kon pa àpun kon yepulu pe kùsettak.

Romans 6:22

Tùse sàlà pe àmokkasak kon man àli pe we'nàtok winàpai. Molopai Katù yapyoto ton amyamlo, sàlà uya esuken wema'nàtok yak ayasak kon nai'nùk. Molopai iwenukapù pe tàwàlàlà wema'nàtok yepolo auya'nokon màlà itepeppù pe.

Romans 7:14

Itu'nokon man Law wechi Katù winàpaino pe. Tùse kappon Iulà ichilanmasak àli yapyoto pe.

Romans 8:13

Masapùla ewemapù kon eyeselu kon maimu yawàlà yau, ewelikù kon màlà, tùse Wakù Akkwalù yapàikketù winà. Àli eyeselu kon yeleutanùssak auya'nokon yau, ewemapù kon màlà.

2 Corinthians 5:14

Masapùla yà'là yekwa là ina nùkupù wechi màlà Christ uya pùnùnmantok pe, tewinan kappon welikùppù tamù'nawolon kon kappon yamùk ponaloppe ittu'nokon pàk, tamù'nawolon kon wechi iwelittok pùkkù pe màlà te ya pe iwechi màlà.

Galatians 2:20

Upukapàtùppù màlà Christ pokonpe nulà wechi tukaik, tùse Christ nemassan uyau. Sàlà esak yau wema'nàtok yau wemassaik ailon tetok uya Katù Mumu pàk yau, mùkkàlà u'nùnmanàippù molopai iwettùsak lùppù uponaloppe.

Galatians 5:24

Molopai mùkyamlo Christ Jesus ponalok kon uya tamù'nawolon àli ànkuppai tùwettok kon pukapàssak màlà pulusuk pona iteselu yamùk pokonpe.

Galatians 6:14

Tùse Iulà, utauchinpa nen màlà Kùyepulu kon Jesus Christ welichak pulusuk pona pàk neken, màlà winà wolù iwelichak kasa man upona molopai Iulà iwelichak kasa man wolù pona.

Ephesians 4:22

Apanamappù kon màlà penalok eyeselu kon nonka kon pa, ikasa pùla ewemapù kon pa àku'nàippù kon. Amattanù'nàippù lùppù enkuttànài ànkuppai we'nàtok kon winà.

Colossians 3:5

Màlà yamùk àli ànkuppai we'nàtok ne'wotokomayai'nùk ayau'nokon inonkatàk kon. Àli imakuyippù kuttok esak ke, esuken pùla we'nàtok, ipàlika yentai àli ànkupai we'nàtok màlàwannà ke, tùuseka'nonkaik we'nàtok inonkatàk. (Masapùla tùuseka'nonkaik we'nàtok màlà tùulon katù yemlotopo wepeiman walai).

Titus 3:3

Masapùla kùmyamlo nàlà wechippù pakko pe, mayin yawolon pe pùla, ennakan yapyoto pe we'nàppà'nokon màlà yà'làlà yau yauchin pe. Esseyaton pàk wema'nàppà'nokon màlà molopai kùlùmàlunàtok yau; tùulon kon kùyeya'nomatantàu molopai tok yeya'nomappù màlà.