Romans 6:4 - Patamuna New Testament Revised

⁴ Usenpataukantok kon winà uchi màlà, kùwu'nattàsakù'nokon ipokonpe molopai iwelittok pùkkù pe we'nà'nokon, Christ uluukappù nai'nùk weli'nàtok yapai wakù kulu kùkàipùnù kon meluntàlù winà, kasa làma kùmàlà nàlà , wemapù màlà emennak wema'nàtok yau.

Romans 6:4 ပူးပေါင်းရင်းမြစ်များ

John 11:40

Jesus uya Martha pàk, “Àpàk uchi yekama uya pùn, ailon te auya yau Katù yapulàtok yene auya màlà te uya pùn na?” teppù.

John 2:11

Sàlà màlà wapiya kulu eke tùwotokoyi yamùk piyattàppù Jesus uya Cana, Galilee yawon po. Molo màlà kupù tùuya ke tapàikketù yenpoikappù ya. Màlàyau inenupa ton uya ailon tetok tùuya'nokon Ipàk.

Yeunossak kon Wotokoyi 2:24

Tùse Katù uya iwuluukappù iwelittok yapai, ipùikattàppù ya weli'nàtok uya yi'ninpatok winàpai, masapùla weli'nàtok uya yachitok pùla iwechi pàk.

Yeunossak kon Wotokoyi 2:32

Katù uya pùsàlà, Jesus wuluukappù weli'nàtok yapai, molopai tamù'nawàlà ina mùkyamlo sàlà ailon yekaman nan.

Romans 6:19

Uselupayaik kappon nùttu yau, masapùla atu'mùla ewechi kon pàk. Pena tamù'nawàlà eyesak kon tùlùppù auya'nokon màlà àli eyeselu kon, miyaiwa àli pe ayanàippù kon i'napailà yapyoto pe. Màlà kasa làmaichi sàlà pe tamù'nawàlà eyesak kon itùtàk kon, esuken we'nàtok yapyoto pe.

Romans 6:3

Ittuichi auya'nokon pùla nai Christ Jesus yau ichenpataukasak kon nùssan wechi nàlà iwelittok pùkkù pe?

Romans 6:8

Weli'nàsakù'nokon Christ pokonpe yau, ailon te'nokon man wema'nà'nokon nàlà ipokonpe pàk.

Romans 6:9

Masapùla ittu'nokon man Kùlaik wuluukappù weli'nàtok yapai wema'nàtok yak molopai iwelittu'ma pen màlà. Weli'nàtok meluntàlù pùla nen uchi iwechi màlà itepoi.

Romans 7:6

Sàlà pe kùnonkasak Law uya man, masapùla weli'nàsakù'nokon màlà kùyachinàippù'nokon winàpai, yachichak kon patikichi tak kasa kùku'nàippù winàpai. màlàpàk imenukasak lùppù Law yeselu yawàlà tùwessan pe we'nà pen sàlà , tùse emennak Law Wakù Akkwalù yeselu yawàlà tùwessan.

Romans 8:11

Wakù Akkwalù iwinàpaino, Jesus uluukanàippù wema'nàtok yak wechi ayau'nokon yau, mùkkàlà Kùlaik uluukanàippù weli'nàtok yapai wema'nàtok yak, uya nàlà tùumattasen eyesak lepa màlà wema'nàtok ke Wakù Akkwalù nemassai'nùk ayau'nokon winà

1 Corinthians 6:14

Tùmeluntàlù winà Katù uya Itepulu wuluukappù màlà weli'nàtok yapai, molopai kùwuluuka kon ya nàlà màlà.

2 Corinthians 13:4

Masapùla iwànàppù màlà pulusuk po atu'mùla iwettok yau, tùse tùwemapù pàk iwechi màlà Katù meluntàlù winà. Màlà kasa làma atu'mùla ina wechi Christ yau tùse, Katù meluntàlù winà ina wemapù màlà ipokonpe àpùikattà kon ina uya yau.

2 Corinthians 5:17

Ànù'là wechi Christ ponaloppe yau emennappe iwechi màlà, tamù'nawàlà penalok utàppù màlà, emennak uyàssak màlà.

Ephesians 4:17

Itepulu Jesus yesek yau uchi wa ukayaik molopai tekamayaik tu'ma: Jew yamùk pen kasa ichi kemattàu, iichenumenkatok pùnon, kasa,

Ephesians 5:8

Amyamlo wechippù ewalupàttau màlà, tùse Itepulu Katù ponalok kon kappon yamùk pe ewenasak kon pàk akkwa yau ewechi kon màlà. Màlàpàk uchi emattàk kon kappon yamùk akkwa yau tùwemassan kasa.

Colossians 3:10

Molopai àmàlà pe emennak eyeselu yeposak auya'nokon nai'nùk. Pùsàlàichi mùkkàlà emennak kappon, Katù ikonekanàippù nùkonekayai'nùk tùkasa, enettok kon pe tùuya tùttutok kulu auya'nokon yak.

Colossians 4:1

Tapyoto kenan kon, ayapyoto kon mentàik, wakù pe ikasa inkupùppù yawàlà mùlepatàik. Amyamlo nàlà wechi epùn pon Itepulu ponaloppe tùttuse.

1 Peter 3:21

Sàlàichi màlà tuna ke usenpataukantok walai, àpùikattàyatài'nùk, esak kuka winà pùla, tùse “Katù piyak welattà sàlà”tei'ma wakù pe tùwanmùla usenumenkantok pokonpe Jesus Christ we'wuluukatok yai.

1 John 2:6

“Katù yau wemassaik” te kùuya'nokon yau, Jesus wemapùppù kasa tùwemassan pe we'nà'nokon màlà.