Romans 6:22 - Patamuna New Testament Revised

²² Tùse sàlà pe àmokkasak kon man àli pe we'nàtok winàpai. Molopai Katù yapyoto ton amyamlo, sàlà uya esuken wema'nàtok yak ayasak kon nai'nùk. Molopai iwenukapù pe tàwàlàlà wema'nàtok yepolo auya'nokon màlà itepeppù pe.

Romans 6:22 ပူးပေါင်းရင်းမြစ်များ

Matthew 13:40

“Àlitta pilichak molopai ipottà apok yau, kasa làma iwechi màlà pata weyu wenukattok yau.

Matthew 13:43

Màlàyau nen uchi ikasa tùwessan ulenpamù màlà akkwa pe wei kasa tùkàipùnù kon wettok Itepulu pe patassek yau. Masaichi yetatàk kon, tùpana kon ke ewechi kon yau!” tukaik.

Matthew 19:29

Molopai tamù'nawolon kon tùwùk kon nànnàinannùssan, wapùla tùlunan yamùk tùpachi ton, wapùla tùkàipùnù kon, tùsan kon, tùmunkà kon yamùk wapùla tù'mà kon nànnàinannùssan upàkànsau uya, 100 pe itekkwa yepolo màlà molopai tàwàlàlà wema'nàtok yepolo ya.

Matthew 25:46

Pùsamlo uchi yeunoko màlà tàwàlàlà talumattàntok yak. Wakù ton utà màlà tàwàlàlà wema'nàtok yak” teppù Jesus uya.

John 15:16

Amyamlo uya uyanùnsak pen màlà, tùse Iulà uya ayanùnsak kon. Àutà kon pa epetaik, tachinpe molo tùwessen epelu ke. Màlà yattai yà'làlà yekamapposak auya'nokon Ukàipùnù pàk uyesek yai yau, elepa kon ya màlà.

John 15:2

“Upanta pe nai'nùk tùwepetasen pen, yattàpàtù ya màlà. Molopai tùwepetasen koneka ya màlà wakù pe tukkeiwa iwepeta toppe.

John 4:36

Mùkkàlà ipili'nài uya tepeppù yepolo màlà, molopai kùyali pilipù ya tàwàlàlà wema'nàtok ponaloppe. Mùkyamlo ipànnài molopai ipili'nài tawonnan utauchinpa màlà tamùkke.

John 8:32

Ailon ittu auya'nokon màlà, molopai ailon uya apyoto pe pùla àkupù kon,” teppù.

Romans 6:14

Makui eyepulu kon pe kùsettak, masapùla Law maimu yawàlà tùwemassan pen amyamlo. Tùse wakù pe Katù wettok yo'no làkku tùwemassan.

Romans 6:18

Àmokkappù kon màlà àli, eyepoi ewechippù winàpai, wakù pe we'nàtok, ikasa we'nàtok yapyoto pe nen uchi ewenasak kon màlà.

Romans 6:21

Yà'là ken uchi wakù mepotantàu màlà yamùk sàlà pe ipàk mekkuli'mayatài'nùk kupù auya'nokon winàpai? Weli'nàtok yak anàinan.

Romans 7:25

Tenki ukayaik Katù pàk Kùyepulu Jesus Christ yai! Màlàpàk Katù maimu yawàlà eppai wessaik usenumenkatok yau, tùse kappon pe wettok yeselu ke àli maimu yawàlà wechi.

Romans 7:4

Màlà kasa nàlà iwechi màlà àpàkù'nokon, utonpa yamùk. Ewelichak nàlà màlà Law winàpai, masapùla Christ yesak pùkù pe ewechi kon pàk. Molopai nen uchi sàlà pe iponaloppe ewechi kon màlà, mùkkàlà iwuluukasak lùppù weli'nàtok yapai ponaloppe wema'nàtok kon pe tapulàsen pe Katù ponaloppe.

Romans 8:2

Masapùla Wakù Akkwalù yeselu meluntàlù wema'nàtok ne'nài Christ Jesus ponalok kon piyak uya, upùikattàsak man makui yeselu molopai weli'nàtok winàpai.

1 Corinthians 7:22

Masapùla tepotolù kenan, Itepulu uya tùkà'ma yattai mùkkàlà Itepulu nùmokkappù, màlà kasa làma itepotolù pùn tùkà'ma yattai wechi màlà Christ yapyoto pe.

2 Corinthians 3:17

Itepulu uchi mùkkàlà nai'nùk Akkwalù molopai Itepulu Yakkwalù wettok imotau yau, iwemokkasappe we'nàtok wechi màlà molo.

Galatians 1:10

Kappon yamùk yapulàtok nepùiche na' wessan, wapùla Katù? Wapùla kappon yamùk yauchinpaiche na' wessan? Kappon yamùk yauchinpaiche lùppù wechi yau, Christ yapyoto pe wechi pen màlà.

Galatians 5:13

Amyamlo utonpa yamùk kà'mappù màlà apyoto pe pùla we'nàtok yak. Tùse sàlà apyoto pe pùla ewettok kon kùsapulàtàu àli ànkuppai ewettok yak ayanài'nokon pe. Tùse làkku tùwepùikattàse ettàk kon uchi'nùnmantok yau.

Galatians 5:22

Tùse wakù ton Akkwalù winàpai tùuyàssan màlà pùnùnmantok, utauchinpantok, echitonpa pe we'nàtok, pàlikantok, usentupantok, wakù pe we'nàtok, ailon pe we'nàtok,

Ephesians 5:9

Masapùla akkwa màlà eke pe kulu tamù'nawolon yà'là yekkwa là ku'nài wakù pe we'nàtok, ikasa we'nàtok, molopai ailon.

Philippians 1:11

Jesus Christ uya àkupù kon màlà wakù eselu kupù pàk ewechi kon pa. Sàlà uya Katù yapulàtok molopai inamatok nepù màlà.

Philippians 4:17

Lepantok yamùk neken nà enekkwappai wechi pàk pùla. Tùse làkku àntùlùppù kon pàkàlà itepeppù wekassak enenpai wechi pàk, sàlà yamùk lepantok tùsak auya'nokon pàk.

Colossians 1:10

Màlàyau nen uchi Itepulu Katù wettok iche kasa tùwemassan pe ewechi kon màlà. Molopai yauchinpanài pe nai'nùk kupù auya'nokon. Ewemattok kon wechi nen uchi tepelu ke màlà, wakù ton yà'là yekkwa là wotoko kupù auya'nokon yau. Molopai Katù ittutok auya'nokon yau eusemokka kon.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

Titus 1:1

Sàlà màlà Paul, Katù yapyoto, Jesus Christ neunokoppù winàpaino. Uyanùmùppù màlà molopai uyeunokoppù Katù nanùmùssan uya ailon tetok pùikattàse, molopai tok yenupase yà'là kasa ailon pe kulu Katù ponaloppe wema'nàtok pàk,

Hebrews 12:14

Ànùttu kon ikuttàk echitonpa pe ewemapùkonpa tamù'nawolon kon kappon yamùk pokonpe, molopai wakù pe esuken wema'nàtok iche ettàk kon, masapùla ànù'là wakù pe esuken wema'nàtok yawolonnà pen uya Itepulu yene pen màlà.

James 1:1

Sàlà kaleta màlà James, Katù molopai Itepulu Jesus Christ yapyoto winàpaino. “Wakù pe na' messatàu?” tetok tamù'nawolon kon12 pan kon ikkok Katù ponalok kon kappon yamùk, iwetta'nùssak kon piyak inmenukappù.

1 Peter 1:9

masapùla ailon tetok auya'nokon yepeppù pe, ayakkwalù kon wepùikattàtok yepolo auya'nokon màlà.

1 Peter 2:16

Yachinài pùn kasa emattàk kon, molopai imokkasak pe ewettok kùsapulàtàu yà'làlà àli waputàtok auya'nokon ike pe, tùse Katù yapyoto ton pe emattàk kon.

Revelation 7:13

Eke ton tùnamasan tonpa uya uyekamappoppù, “Ànùkyan ken mùkyamlo kappon yamùk, iwepontàsak nai'nannùk aimu'nan pon yak, molopai i'nailà pai ken iyàssak kon mùkyamlo?” tukaik.