Romans 6:17 - Patamuna New Testament Revised

¹⁷ Tùse tenki tepai'nokon Katù pàk, masapùla pena àli yapyoto pe ewechippù kon màlà, tùse sàlà pe ailon, yeposak lùppù enupantok, enepoloppù kon yau, maimu yawàlà ewechi kon tamù'nawàlà eyewan kon ke.

Romans 6:17 ပူးပေါင်းရင်းမြစ်များ

Yeunossak kon Wotokoyi 11:18

Sàlà yetasak tùuya'nokon yau, tok uya pokonomantok tùuya'nokon yeleutanùpùppù, molopai Katù yapulàppù tok uya, “Katù uya nàlàichi Jew yamùk pen lepasak man, tok welattàtok tùmakuyi kon winàpai Katù winàkàik yattai ke molopai tok wematoppe!” tukaik.

Yeunossak kon Wotokoyi 28:15

Ailon tawonnan Rome pon kon uya ina yetappù molopai tok uyàpùppù Appius Makitiyi motak molopai “Àsolùwau Tappùi yamùk” motak ina yepose. Tok yensak tùuya yau Paul uya Katù pàk tenki teppù molopai inmeluntàtappù.

Romans 1:5

Mùkkàlà yai màlà Katù uya ukupùppù tùneunoko pe, Christ yesek pàkànsau, kappon yamùk tamù'nawolon pata yamùk yawolon kon Jew yamùk pen nà nen yatoppe uya ailon tetoppe tok uya, molopai Katù Maimu yawàlà tok wettoppe.

Romans 1:8

Wapiya, tenki tawon Iulà ukàipùnù Katù pàk Jesus Christ yai, tamù'nawàlà àpàkànsau'nokon. Masapùla tamù'nawolon kon wolù yawon kon kappon yamùk uya ailon tetok auya'nokon yekale yetasak pàk.

Romans 15:18

Màlàpàk yà'là yekkwa là pàk uselupaiche wechi pen sàlà. Màlà neken Christ nùkupùppù uyai pàk uselupa, Jew yamùk pen nepù uya Katù Maimu yawàlà tok wettoppe pàk, uselupappù lùpù pàkàlà molopai unkupùppù winà.

Romans 16:26

Tùse sàlà pe nen uchi, sàlà itekale yekamasak man molopai tàwàlàlà tùwemassen Katù uya tùmaimu yenpoikannan yapyontàppù màlà wakù itekale menukatoppe tok uya, tamù'nawolon kon kappon yamùk uya ailon tetoppe molopai imaimu yawàlà tok wettoppe.

Romans 2:8

Tùse mùkyamlo tùpàkù'nokon neken tùsenumenkasan molopai ailon nulunpannan àli kuttoppe tùuya'nokon pàk àsà pe Katù we'naika màlà.

1 Corinthians 1:4

Tenki tawon Iulà Katù pàk tàwàlà àpàkànsau'nokon, masapùla wakù kussak ya àponalok kon pe Christ Jesus yai pàk.

1 Corinthians 14:6

Màlàpàk utonpa yamùk, apyakù'nokon uyàssak molopai tùulon mayin yau uselupa yau, yà'là ken wakù kupù uya màlà ewinàkàik nokon? Ipla, tùse Katù nenpoika yà'làlà nepù uya yau neken, wapùla pukkek, wapùla Katù Maimu wapùla enupantok.

2 Corinthians 2:14

Tùse tàwà tenki tetok Katù pàk molo nechii! Masapùla Katù uya ina yalà màlà entaikantok yak Christ yai. Katù uya ina yai tekale yeunoko màttawàlà tùkà'nùnsen kà'nùmù i'nailàlà kasa.

Ephesians 1:16

àpona'nokon wàpùlematok yeleutanùssak uya pùla man Katù pàk tenki te uya yau. Eyittunài'nokon Iulà wàpùlema yau,

1 Thessalonians 3:9

Màlàpàk nen uchi, Tenki, te ina uya sàlà Katù pàk eyekale kon winà. Àpàkànsau’nokon, ina utauchinpa sàlà Katù ina Yepulu yemloto po.

2 Thessalonians 1:3

Tenki te kulu sàlà ina uya Katù pàk àpàkànsau'nokon tàwàlà, utonpa yamùk! Sàlà wechi màlà ikasa, masapùla ailon tetok auya'nokon Christ pàk yawàlà ewettok kon nenayan meluntà pe, molopai eke pe, molopai euchi'nùnmatok kon nenayan tense eke peiwa.

2 Timothy 1:13

Ailon mayin eyenupatai nùk Iulà yentok ipàkàlà pe ewettok pe imainampakà, molopai ailon tetok yau ekkà molopai uchi'nùnmantok yau ekkà kùmàlà pe nai'nùk Christ Jesus ponolak kon pe we'nà yau.

Philemon 1:4

Utonpa Philemon, wàpùlema yau tàwàlàlà, eyekamanài Iulà, molopai tenki tawon Katù pàk.

Hebrews 11:8

Ailon tetok winà Abraham wechippù màlà Katù Maimu yawàlà tùkà'masak ya yau, molopai iitàppù tùpata woton pe itùlù tùuya teppù Katù uya tùpàk yak. Tùpata nàmàppù ya i'nailà tùutà ittui'ma pùla.

Hebrews 5:9

Ikasa kulu Jesus wekonekasak pàk, mùkyamlo tùmaimu yawolon kon nà pùikattà ya màlà tàwàlàlà.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 Peter 2:9

Tùse amyamlo mùkyamlo yanùnsak kon, tùusensen pen paatele yamùk pe, kin ponalok kon, wakù ton kappon yamùk Katù ponalok kon, yanùnsak kon Katù yeselu wakù ton kulu yekama kon pa. Mùkkàlà àkà'manàippù'nokon ewalupàttapai wakù kulu takkwayi yak.

1 Peter 3:1

Màlà kasa làma ichi amyamlo ulichamichi, tùtayappù kenan kon atayappù kon yentai kettàu, ailon te tok uya pùla iwechi Katù Maimu pàk yau, ailon tetoppe tok uya wakù eyeselu kon pàkàlà, euselupa pàkàlà kulu pùla,

1 Peter 4:17

Masapùla Ittuntok yattai weyu uyàssak man, ittuntok wepyattàtoppe; molopai Katù ponalok kon mùkyamlo wapiya ittu woton kon. Kùpàkù'nokon iwepyattà yau, atta ken iwenukapù mùkyamlo Wakù Itekale Katù winàpaino pàk ailon tawonnan pen pàk?

2 John 1:4

Utauchinpatai kulu àmunkà tonpa yamùk wemapù ailon yau yeposak uya pàk, Kùkàipùnù kon maimu yawàlà.

3 John 1:3

Utauchinpatai kulu ailon tawonnan Katù pàk tonpa yamùk welepansak pàk, molopai ailon pe ewechi yekamasak tok uya pàk, tàwàlà ailon pe ewemapù yekamasak tok uya pàk molopai màlà kasa tùwemassen pe ewechi pàk.