Romans 6:11 - Patamuna New Testament Revised

¹¹ Màlà kasa làma eusenumenka kon màlà àpàkù'nokon iwelichappe àli pàk tùse nulà Katù pàk Christ Jesus ponaloppe ewechi kon yau.

Romans 6:11 ပူးပေါင်းရင်းမြစ်များ

John 20:31

Sàlà yamùk we'menukasak màlà ailon te kon pa Jesus wechi Christ pe molopai Katù Mumu pe pàk, molopai ailon tetok auya'nokon yai tàwàlàlà wema'nàtok yesappe ewechi kon màlà itesek yai.

Romans 16:27

Tewinan neken pukkek Katù piyak, apulàntok molopai namantok tùlù nechii Jesus Christ yai tàwàlàlà molopai tàwàlàlà! Emen.

Romans 5:1

Ailon tetok kùuya'nokon uya ikasa kùkonekasak kon Katù pokonpe pàk nen uchi, echitonpa pe we'nàtok Katù pokonpe yesappe we'nà'nokon sàlà kùyepulu Jesus Christ yai.

Romans 6:10

Christ welichak yau, iwelikùppù màlà àli pàkànsau tewin itekkwa molopai tamù'nawolon ponaloppe. Tùse nulà man sàlà pe, molopai Katù ponaloppe neken iwemapù màlà.

Romans 6:13

Màlà tùse pùla àpùkkù kon kùsapulàtàu àli ponaloppe, àli pàkànsau yapulàtoppe. Tùse làkku Katù yemyak ettùtàk kon, kappon yamùk inesak kon weli'nàtok yapai wema'nàtok yak kasa molopai tamù'nawàlà ettùtàk kon itemyak wakù iwalai ponaloppe ayapulàtoppe.

Romans 6:2

Kanekku! Weli'nàsakù'nokon sàlà àli winàpai. Yà'là kasa ken màlà yentak wema'nà'nokon àli yau?

Romans 6:23

Masapùla àli yepeppù màlà weli'nàtok. Tùse Katù uya lepantok màlà tàwàlàlà wema'nàtok Kùlaik Chisek, kùyepulu kon yai.

Romans 7:4

Màlà kasa nàlà iwechi màlà àpàkù'nokon, utonpa yamùk. Ewelichak nàlà màlà Law winàpai, masapùla Christ yesak pùkù pe ewechi kon pàk. Molopai nen uchi sàlà pe iponaloppe ewechi kon màlà, mùkkàlà iwuluukasak lùppù weli'nàtok yapai ponaloppe wema'nàtok kon pe tapulàsen pe Katù ponaloppe.

Romans 7:6

Sàlà pe kùnonkasak Law uya man, masapùla weli'nàsakù'nokon màlà kùyachinàippù'nokon winàpai, yachichak kon patikichi tak kasa kùku'nàippù winàpai. màlàpàk imenukasak lùppù Law yeselu yawàlà tùwessan pe we'nà pen sàlà , tùse emennak Law Wakù Akkwalù yeselu yawàlà tùwessan.

Romans 8:18

Tùttuyaik wettalumattàn nokon nai'nùk sàlà pe wechi màlà tamù'nawolon namantok tùusenpoika woton pe nai'nùk kùyau'nokon ma'le kulu.

1 Corinthians 6:20

Ye'masak kon amyamlo epekkeppe. Màlàpàk uchi àpun kon ke Katù inamatàk kon.

Ephesians 2:7

Sàlà kupùpù Katù uya màlà ewanawolok yattai eke kulu wakù pe tùwettok, pùnùnmantok tùuya yau tùnekamappù kùpàkù'nokon Christ Jesus yau yekama toppe tùuya.

Philippians 1:11

Jesus Christ uya àkupù kon màlà wakù eselu kupù pàk ewechi kon pa. Sàlà uya Katù yapulàtok molopai inamatok nepù màlà.

Philippians 4:7

Molopai Katù winàpaino echitonpa pe we'nàtok, kappon nùttu yentaino uya eyewan kon molopai eusenumenkatok kon mainanpa màlà wakù pe Christ Jesus yau.

Colossians 2:20

Ewelichak kon màlà Christ pokonpe màlàpàk àpùikattàsak kon màlà kawon kon akkwalù yamùk meluntàlù winàpai. Yà'là pe iwechi pàk sàlà yekkwa ton maimu yawolon kon amyamlo?

Colossians 3:17

Tamù'nawolon ànkupù kon wapùla euselupatok kon nekkupùik Itepulu Jesus yesek yau, tenki te auya'nokon pe mùkkàlà yai Katù Kùkàipùnù kon pàk.

1 Peter 2:24

Jesus Christ uya kùmakuyi kon yalàppù tùmàlà pe pulusuk pona, weli'nà tok kon pe àli kuttok pàk wema'nà tok kon pe wakù pe we'nàtok ponaloppe. Ippoppàtù winà euchipittàsak kon màlà.

1 Peter 2:5

Àitàk kon nulànan tàk kasa, molopai tapulàsan pe ettàk Katù yùwùk kappon namùppù pen tensen pen yamù yau, màlà motau wakù pe tùwe'wotokomasan pe ewechi kon pa, wakù ton Katù lepatok iche iwettok tùlù pàk Jesus Christ yai .

1 Peter 4:11

Ànù'là itekale yekamanài, tàwà Katù Maimu yekamai; ànù'là tùulon kon pùikattànài, tàwà tok pùikattài, meluntà, màlà Katù uya tùlepatok ke, tamù'nawolon yau apulàntok tùtoppe Katù piyak Jesus Christ yai, apulàntok molopai apàikkeppe we'nàtok iponalok tàwàlàlà molopai tàwàlàlà. Emen.