10 Christ welichak yau, iwelikùppù màlà àli pàkànsau tewin itekkwa molopai tamù'nawolon ponaloppe. Tùse nulà man sàlà pe, molopai Katù ponaloppe neken iwemapù màlà.
Sàlà uyaichi yekama màlà nulà nan kon Katùyi pe iwechi, iwelichak kon pen, masapùla tamù'nawolon kon wechi màlà nulà ipona,” teppù ya.
Màlà kasa làma eusenumenka kon màlà àpàkù'nokon iwelichappe àli pàk tùse nulà Katù pàk Christ Jesus ponaloppe ewechi kon yau.
Masapùla ittu'nokon man Kùlaik wuluukappù weli'nàtok yapai wema'nàtok yak molopai iwelittu'ma pen màlà. Weli'nàtok meluntàlù pùla nen uchi iwechi màlà itepoi.
Law nùkupù yentaino kupùppù Katù uya masapùla Law wechi attu'mùla pàk kappon yeselu wechi attu'mùla pàk, ikupùppù ya màlà tùmu yeunoko tùuya winà, iyàssak lùppù kappon pe àli pàkànsau tùtùsen pe.Màlàpàk makui yattu'mùnkappù ya kappon pe tùwechi ke.
Tamù'nawolon kon ponaloppe iwelikùppù màlà mùkyamlo tùwemassan wemapù tùponalà'nokon pe tukaik, tùse mùkkàlà iwelichak lùppù molopai iwuluukasak lùppù tùpàkànsau neken ponaloppe.
Mùkkàlà imakuyi pùn kupùppù Katù uya màlà kùmakuyi kon yepeppe tùtùsen pe. Iwinà nen uchi Katù wettok ikasa pùkkù pe we'nàtok kon pe.
Masapùla Christ welikùppù màlà tewin itekkwa; iwelikùppù màlà tamù'nawolon kon wettok àli pe pàkànsau, wakù kàyik welikuppù àli ton kappon yamùk ponaloppe, Katù piyak ayatok kon pe tùuya. Iwàtoppe ikupùppù màlà kappon welikù kasa molopai iwuluukappù màlà kappon pe pùla yakkwalù itesak pe;
Sàlà kasaichi iwechipàk Wakù Itekale yekamappù màlà iwelichak kon pàk nàlà, tok ittutoppe kappon yamùk kasa, tamù'nawolon kon kappon yamùk ittu kasa; Wakù Itekale yekamappù màlà tok wettoppe nulà takkwalù kon yau Katù wemapù kasa, tàwàlàlà.