Romans 5:8 - Patamuna New Testament Revised

⁸ Tùse Katù uya eke pe kulu kù'nùnmatok tùuya yekamappù màlà. Makui yau lùppù we'nà'nokon tùse Christ welikùppù màlà kùponalok kon pe.

Romans 5:8 ပူးပေါင်းရင်းမြစ်များ

John 15:13

Eke kulu uchi'nùnmantok yenpoikatok kappon uya màlà tùweliche tùtonpa yamùk ponaloppe. Màlà yentaino kulu là uchi'nùnmantok pùn.

John 3:16

Tù'nùn pe kulu kappon yamùk sàlà wolù pon kon kupù tùuya pàk Katù uya tewinan tù'nùn kulu tùmu tùlùppù ànù'là ailon tawon ipàk umatta pen, tùse tàwàlàlà iwemapù.

Romans 3:5

Tùse àli pe we'nàtok uya Katù wechi wakù pe kulu yenpoika yau, yà'là te ken kùuya'nokon? Katù uya talumattàn yau ka' iwalai pen mùkkàlà te lù? (Uselupayaik talà kappon usenumenkatok kasa.)

Romans 4:25

Katù uya Jesus tùlùppù màlà iwelittoppe kùmakuyi kon pàkànsau, molopai iwuluukappù màlà wema'nàtok yak ikasa kùyanùntoppe Katù pokonpe.

Romans 5:20

Law tùlùppù màlà iwalai pen kuttok wekattoppe. Tùse àli kuttok wekassak yau, Katù wettok wakù pe wekatù màlà eke peiwa kulu.

Romans 5:6

Masapùla attu'mùla ipùikattànài pùla we'nà'nokon yau, Christ welikùppù màlà àli ton ponaloppe, Katù nanùmùppù ikuttok tùuya yattai pe yattai.

Romans 5:7

Sa'man pe kulu wakù kappon ponaloppe ànù'là welikù wechi màlà. Yattai pùla tùulon wechi là meluntà pe itewan, wakùiwa kulu kappon ponaloppe tùwelikù pàk.

Romans 8:32

Tùmu wenai iwechippù pen màlà, tùse itùlùppù ya tamù'nawolon kon kùponalok kon pe iwelittoppe! Tùmu ke kùlepappù kon ya kùlepa kon ya pen ken na' uchi tamù'nawolon yà'làlà ke wakù pe tùwettok yapai?

Romans 8:39

Wapùla kawon kon uya wapùla non yo'non kon uya, yà'làlà pùla iwechi màlà ikonekasak lùppù yau kùpantaka kon woton Katù uya pùnùnmantokù'nokon Christ Jesus Kùyepulu kon yau nai'nùk winàpai.

Galatians 2:20

Upukapàtùppù màlà Christ pokonpe nulà wechi tukaik, tùse Christ nemassan uyau. Sàlà esak yau wema'nàtok yau wemassaik ailon tetok uya Katù Mumu pàk yau, mùkkàlà u'nùnmanàippù molopai iwettùsak lùppù uponaloppe.

Ephesians 2:7

Sàlà kupùpù Katù uya màlà ewanawolok yattai eke kulu wakù pe tùwettok, pùnùnmantok tùuya yau tùnekamappù kùpàkù'nokon Christ Jesus yau yekama toppe tùuya.

Ephesians 5:2

uchi'nùnmantok ewemattok yau nechii, Christ uya kù'nùnmappù kon molopai iwettùlùppù kùponalok kon pe kasa, wakù pe tùkà'nùnsen tùtùsen Katù yauchinpanài pe kasa.

1 Timothy 1:16

Tùse ànù'là yentai àli pe kulu wechi pàk Katù usentuppappù màlà upàk tùwenukassen pen Christ Jesus wettok pàlikanài pe yentok ipàkàlà pe. Sàlà kupùppù ya màlà tùulon kon uya ailon tetoppe Christ pàk molopai tàwàlàlà wema'nàtok yepotoppe tok uya.

Hebrews 8:3

Tamù'nawolon kon eketon kulu paatele yamùk pe tùwessan mùkyamlo yanùnsak kon, lepantok tùnnan pe, molopai kamo yamùk tùnnan pe Katù yemyak, màlàpàk uchi pùsàlà nàlà wechippù màlà yà'làlà yesappe tùntùlù woton.

1 Peter 3:18

Masapùla Christ welikùppù màlà tewin itekkwa; iwelikùppù màlà tamù'nawolon kon wettok àli pe pàkànsau, wakù kàyik welikuppù àli ton kappon yamùk ponaloppe, Katù piyak ayatok kon pe tùuya. Iwàtoppe ikupùppù màlà kappon welikù kasa molopai iwuluukappù màlà kappon pe pùla yakkwalù itesak pe;

1 John 3:16

Sàlà kasaichi màlà uchi'nùnmantok ittu: Christ uya tùwemattok tùlùppù kùponalok kon pe. Màlà kasa nàlà wema'nàtokù'nokon tùlù màlà tonpa wannà yamùk ponaloppe!