Romans 5:2 - Patamuna New Testament Revised

² Ailon tetok winà kùnessak kon ya sàlà, wakù pe Katù wettok yak, yau we'nà'nokon nai'nùk sàlà pe yak. Tùutauchinpasan kùmyamlo enpen we'nàtok, Katù yapulàtok pùkkù pe we'nà'nokon pàk!

Romans 5:2 ပူးပေါင်းရင်းမြစ်များ

Matthew 25:21

‘Wakù kussak auya man, wakù molopai ailon uyapyoto! Ailon pe ewessak man malalon nùkkwà pùlayatta pilipù pàk, màlàpàk àtùlù uya màlà eke yesappe ewechi pa. Àikkà utauchinpa tonpa pe ewechi pa!’ teppù itepulu uya.

John 10:7

Màlàyau Jesus uya tu'ma tok pàk, “Ailon kulu sàlà. Iulà mùkkàlà kalinilu yamùk kulalayi mùlatta.

John 10:9

Manatta Iulà. Ànù'là uyai tùwewonsen, mùkkàlà wepùikattà màlà. Iwewomù màlà molopai iwepakka teipa yepose.

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

John 5:24

“Ailon kulu sàlà, mùkkàlà umaimu yetayai'nùk molopai ailon nùkayai'nùk uyeuno'nàippù pàk wechi màlà tàwàlàlà wema'nàtok yesappe. Italumattàtok yak itùlù pen màlà, tùse weli'nàtok yentakasak ya màlà wema'nàtok yak.

Yeunossak kon Wotokoyi 14:27

Tùwelepansak kon Antioch pona yau, tok uya sochi tawon kon pilipùppù molopai tok uya tamù'nawàlà Katù nùkupùppù tùpokon pe'nokon yekamappù tok pàk, molopai Katù uya asanta yakkokasak Jew yamùk pen uya ailon te toppe, yekamappù nàlà tok uya.

Romans 11:20

Sàlà màlà ailon. Iitakitukkappù màlà masapùla ailon te tok uya pùla iwechi pàk, molo lùppù apatassek kon yau ewechi kon tùse ailon tesak auya'nokon pàk. Tùse katapulàtàu, tùse esenalippatàk kon làkkù.

Romans 12:12

Tàwà enpen ewettok kon àkuttàu tùutauchinpaik, ewettalumattàtok kon ipàlikatàk, molopai àpùlematàk kon tàwàlà.

Romans 14:4

Ànùk ken àmàlà tùulon yapyoto talumattà pa? Itepotolù nen mùkkàlà wakù kù'nài pe tapyoto wechi wapùla wakù ku'nài pe pùla iwechi ittunài, Itepotolù mùkkàlà wakù pe ken naikko tawon imasapùla Itepotolù uya ikupù màlà wakù kuttoppe ya.

Romans 15:13

Tàwà uchi Katù enpen we'nàtok uyàttok iwinà ayanùkkai'nokon tamù'nawolon utauchinpantok ke molopai echitonpa pe we'nàtok ke, ailon te auya'nokon ipàk yawàlà, Wakù Akkwalù meluntàlù winà enpen ewettok kon yau meluntà pe kulu ewechi kon pa.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

Romans 3:23

Masapùla tamù'nawolon kon kappon yamùk wemakuimasak màlà, màlàpàk mei tok wechi Katù wettok wakù pe winàpai.

Romans 5:5

Sàlà enpen we'nàtok màlà enkuttànài pen, masapùla Katù uya pùnùnmantok tùuya tùsak màlà kùyewan kon yak, Wakù Akkwalù yai, mùkkàlà Katù uya kùlepatok kon ike yai.

Romans 8:1

Màlàyau sàlà pe nen uchi mùkyamlo Christ Jesus ponaloppe tùwemassan talumattàtok ike pùla iwechi màlà.

Romans 8:24

Masapùla sàlà enpen we'nàtok yai wepùikattànsakù'nokon màlà. Tùse enpen we'nàtok ipàk yene'nokon yau, enpen we'nàtoppe pùla nen uchi iwechi màlà. Masapùla ànùk ken enpen tùwessen tùnene pàk?

1 Corinthians 15:1

Utonpa yamùk eyenu kon anappontàpai wessaik Wakù Itekale unekamappù lùppù àpàkù'nokon pàk, ananùmùppù kon lùppù, molopai ailon tetok auya'nokon wettok meluntà pe ipàk.

2 Corinthians 3:18

Tamù'nawolon kon kùmyamlo uchi mùkyamlo Itepulu yakkwayi yenpoikannan itenpata wapu pùla echii'ma, molopai ikasa tùwemyakamasan tàwàlàlà tùwessen akkwa pokonpe. Itepulu winàpai nùyàssai'nùk, uchi mùkkàlà Akkwalù.

2 Corinthians 4:17

Molopai sàlà elekkwà molopai tùuko'mansen tachinpe pen ina nùpàlika talumattàntok uya eke molopai tàwàlàlà tùuko'mansen apulàntok nepù màlà ina ponaloppe, talumattàntok yentaino kulu.

Ephesians 2:18

Christ yai màlà tamù'nawolon kon kùmyamlo, asakklàma, Jew yamùk molopai Jew yamùk pen uyàttok wechi màlà tewinan Wakù Akkwalù yai Kùkàipùnù kon yemloto pona.

Ephesians 3:12

Mùkkàlà yai nen uchi Katù yemloto pona uyà'nà sàlà tùwettalipaik pùla kùyanùmù kon ya ittui'ma ailon tetok kùuya'nokon ipàk yau.

Ephesians 6:13

Màlàpàk uchi Katù winàpaino tamù'nawàlà wepanta'man pon yanùntàk kon sàlà pe! Molopai nen uchi àli weyu uyàpù yau, eyeyaton kon uya panta'mantok yentaika kon pa. Molopai ewepanta'ma kon iwenukapù ponalà tùpo, meluntà pe lùppù ewechi kon pa.

2 Thessalonians 2:16

Tàwà Kùyepulu kon Jesus Christ tùmàlà pe, molopai Katù Kùkàipùnù kon, kù'nùnmanàippù'nokon molopai wakù pe tùwettok yau kùlepanàippù'nokon tàwàlàlà meluntà ke molopai wakù enpen we'nàtok ke,

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

Hebrews 6:18

Màlàpàk sàlà yamùk asa'lon molo man, tùwemyakanmasan pen, Katù ukaseitatok ipàk pen. Wapiyalok ikupù tùuya tetok ya Abraham pàk molopai yakon pe meluntà pe wa teppù ya. Màlàpàk uchi kùmyamlo iwepesak kon pe nai'nannùk Katù piyak, epùikattàse umeluntàtasak man, utachinsak nokon enpen we'nàtok kùyemloto kon pona itùsak nai'nùk pàk.

1 Peter 3:18

Masapùla Christ welikùppù màlà tewin itekkwa; iwelikùppù màlà tamù'nawolon kon wettok àli pe pàkànsau, wakù kàyik welikuppù àli ton kappon yamùk ponaloppe, Katù piyak ayatok kon pe tùuya. Iwàtoppe ikupùppù màlà kappon welikù kasa molopai iwuluukappù màlà kappon pe pùla yakkwalù itesak pe;

Revelation 21:11

Ilenpamùppù Katù yakkwayi ke. Pata ulenpamùppù wakù ton tàk jasper molopai akkwa crystal kasa.

Revelation 21:23

Pata wechi wei wapùla kapùi iche pen màlà tùweyuttàtoppe ya, masapùla Katù yakkwayi là màlà iweyuttànài, molopai Kalinilu Mule Mùkkàlà ilanppuyi.

Revelation 21:3

Eke mayin uselupa yetappù uya aponnok winàpai, “Katù patassek nen uchi kappon yamùk piyau man! Tok pokonpe iwemapù màlà, molopai iponaloppe tok wechi màlà. Katù wechi màlà tùmàlà pe tok piyau, molopai tok Katùyi pe iwechi màlà.

Revelation 3:21

Mùkyamlo àli yentaikannan nùssan kupù uya màlà upyau tok weleuta toppe uyapon po. Àli yentaikasak uya molopai sàlà pe weleutasak Ukàipùnù piyau yapon po kasa làma.