Romans 5:18 - Patamuna New Testament Revised

¹⁸ Màlàpàk uchi tewinan kappon makuyi uya tamù'nawolon kon kappon yamùk pa'nùssak kasa làma, mùkkùlà, Jesus, nùkupùppù iwalai uya tamù'nawolon kon kappon yamùk pùikattà màlà. Katù uya tok yanùntoppe ikasa molopai tok lepa ya tàwàlàlà wema'nàtok ke.

Romans 5:18 ပူးပေါင်းရင်းမြစ်များ

John 1:7

Pùsàlà uyàpùppù kappon yamùk pàk akkwa yekalettàik, molopai mùkkàlà yai ailon tetoppe tamù'nawolon kon uya.

John 12:32

“Molopai non poi uyanùnsak yau, tamù'nawolon kon nepù uya màlà upyak,” teppù Jesus uya.

John 3:26

John nenupa ton uyàpùppù ipyak, “Ticha, mùkkàlà kàyik ipokonpe mettainùk Jordan latoi po, wakù pe ipàk meselupatainùk, talà kappon yamùk yenpatauka yan. Tamù'nawolon kon nepilichan ipyak!” teppù tok uya.

Romans 3:25

Katù uya Christ tùlùppù màlà tùwelittok winà kappon yamùk makuyi pàk usentupantoppe ailon tetok tok uya imùnù pàk yai. Katù uya itùlùppù màlà, iwalai teselu yekama pe. Pena kappon yamùk wemakuima yenpàtùppù ya màlà tok tùtalumattàik pùla.

Romans 4:25

Katù uya Jesus tùlùppù màlà iwelittoppe kùmakuyi kon pàkànsau, molopai iwuluukappù màlà wema'nàtok yak ikasa kùyanùntoppe Katù pokonpe.

Romans 5:12

Makui wewomùppù màlà wolù yak tewinan kappon winà, molopai weli'nàtok uyàpùppù makui pàkàlà. Sàlà kasaichi weli'nàtok uyàpùppù màlà tamù'nawolon kon kappon yamùk pona. Masapùla tamù'nawolon kon kappon yamùk wemakuimasak pàk.

Romans 5:15

Tùse lepantok wechi màlà Adam wemakuimatok kasa pùla. Masapùla tewinan kappon wemakuimasak winà tukkan kon welichak yau, màlà yentai palà Katù wettok wakù pe molopai lepantok ya wechi màlà tewinan kappon, Jesus Christ yai. Màlà tùuyàssen tukkan kon pona!

Romans 5:19

Molopai tewinan kappon wessak mayin yawàlà pùla uya tukke kappon yamùk kussak àli ku'nàinan pe, kasa làma tewinan kappon wettok mayin yawàlà uya tukkan kon tùlù màlà ikasa Katù pokonpe.

Romans 6:14

Makui eyepulu kon pe kùsettak, masapùla Law maimu yawàlà tùwemassan pen amyamlo. Tùse wakù pe Katù wettok yo'no làkku tùwemassan.

1 Corinthians 15:22

Masapùla Adam yau tamù'nawolon kon welikù kasa làma, Christ yau tamù'nawolon kon kupù màlà pàli'yau.

Hebrews 2:9

Tùse Jesus yene'nokon man, malalà inchelù yamùk ma'le imasak lùppù, sàlà pe nen uchi apulàntok molopai namantok ke yalùkottàsak man, masapùla weli'nàtok yau iwettalumattàsak pàk. Màlàpàk Katù wettok wakù pe winà, tamù'nawolon kon kappon yamùk ponaloppe weli'nàtok ittutoppe ya.

2 Peter 1:1

Sàlà màlà kaleta Simon Peter, Jesus Christ yapyoto molopai ineunokoppù winàpaino, mùkyamlo wakù pe kùkatùyi wettok molopai pùikattànài Jesus Christ yai. Ilepasak kon ailon tetok wakù kulu, ina uya ailon tetok walai ke piyak inmenukappù.

1 John 2:20

Tùse Wakù Akkwalù tùsak wechippù àpona'nokon màlà Christ winà, màlàpàk tamù'nawolon kon amyamlo uya ailon ittu màlà.