Romans 5:12 - Patamuna New Testament Revised

¹² Makui wewomùppù màlà wolù yak tewinan kappon winà, molopai weli'nàtok uyàpùppù makui pàkàlà. Sàlà kasaichi weli'nàtok uyàpùppù màlà tamù'nawolon kon kappon yamùk pona. Masapùla tamù'nawolon kon kappon yamùk wemakuimasak pàk.

Romans 5:12 ပူးပေါင်းရင်းမြစ်များ

Romans 3:23

Masapùla tamù'nawolon kon kappon yamùk wemakuimasak màlà, màlàpàk mei tok wechi Katù wettok wakù pe winàpai.

Romans 5:18

Màlàpàk uchi tewinan kappon makuyi uya tamù'nawolon kon kappon yamùk pa'nùssak kasa làma, mùkkùlà, Jesus, nùkupùppù iwalai uya tamù'nawolon kon kappon yamùk pùikattà màlà. Katù uya tok yanùntoppe ikasa molopai tok lepa ya tàwàlàlà wema'nàtok ke.

Romans 5:19

Molopai tewinan kappon wessak mayin yawàlà pùla uya tukke kappon yamùk kussak àli ku'nàinan pe, kasa làma tewinan kappon wettok mayin yawàlà uya tukkan kon tùlù màlà ikasa Katù pokonpe.

Romans 5:21

Màlàpàk uchi, makui wechippù meluntà pe weli'nàtok yak anài pe. Màlà kasa làma Katù wettok wakù pe wechi màlà meluntà pe tùwenasen pe ikasa we'nàtok winà, tàwàlàlà wema'nàtok ne'nài pe Jesus Christ kùyepulu kon yai.

Romans 6:21

Yà'là ken uchi wakù mepotantàu màlà yamùk sàlà pe ipàk mekkuli'mayatài'nùk kupù auya'nokon winàpai? Weli'nàtok yak anàinan.

Romans 6:23

Masapùla àli yepeppù màlà weli'nàtok. Tùse Katù uya lepantok màlà tàwàlàlà wema'nàtok Kùlaik Chisek, kùyepulu kon yai.

1 Corinthians 15:56

Weli'nàtok uya chippontok màlà makui, molopai Law màlà makui meluntàlù ke lepanài.

Ephesians 2:3

Tamù'nawolon kon kùmyamlo wechippù tok kasa màlà, àli pe usenumenkantok kon wettok iche kupùppù'nokon kùwakùli kon pe. Tùulon kon kasa, tamù'nawàlà kùmyamlo nàlà wechippù màlà Katù we'nàikatok yo'no.

James 1:15

màlàyau àli ànkuppai iwettok màlà àli yak yanài, molopai àli kuttok ya màlà yanài weli'nàtok yak iwenukattoppe.

James 3:2

Tamù'nawolon kon kùmyamlo echipalà'ne ikasa pùla tùwessan. Kappon ikasa pùla tùwessen pen tùuselupatok winà mùkkàlà wakù kulu, molopai ikasa neken tùwessen kappon, molopai tamù'nawàlà tesak yepulu pe tùwessen.