Romans 4:2 - Patamuna New Testament Revised

² Ikasa iwettok yak yanùnsak Katù pokonpe inkupùssan winà yau, iitapulàtok ipàk wechippù sàlà molo. Tùse iitapulà là Katù yemloto po pùn.

Romans 4:2 ပူးပေါင်းရင်းမြစ်များ

Romans 15:17

Màlàpàk uchi Christ Jesus yau utauchinpa kulu sàlà, Katù wotokoyi yau we'wotokoma pàk.

1 Corinthians 1:29

Sàlà uya tewinannà kappon utapulà pùla iwechi Katù yemloto po yekama màlà.

1 Corinthians 1:31

Màlàpàk uchi, iwe'menukasak kasa, “ Tàwà ànù'là tùutapulàsen nùtapulài Itepulu yau.” {Jer 9.24}

1 Corinthians 4:7

Masapùla ànùk ken tùpatalà, tùulon kon yentai ewechi kon pa àkuttantàu? Yà'là ken molo nai itesappe ewettok kon enepoloppù kon pen? Molopai yepolo tùpo yà'là pe iwechi pàk autapulà kon màlà yeponàippù pen kasa.

1 Corinthians 9:16

Wakù Itekale yekama uya pàkàlà là utapulàtok pùla iwechi màlà. Masapùla Itekale yekamatoppe uya kulu màlà ukussak molopai ikupù uya pùla iwechi yau utalumattà màlà!

2 Corinthians 11:12

Tùkussai'nùk kupù pàk lùppù wechi màlà, mùkyamlo tùulon kon “yeunossak kon” nuttà toppe uya, tùwe'wotokomatok kon pàk ina kaichalà lùppù tùwechi kon kasa tok utapulàtok winàpai.

2 Corinthians 11:30

Utapulà pe iwechi yau, utapulà màlà màlà yamùk atu'mùla wechi yenpoikannan pàk.

2 Corinthians 5:12

Tùpàkù'nokon tu'ma tùuselupaiche ina wechi pen sàlà àpàkù'nokon. Tùse làkku ina wechi elepaiche'nokon ina yapulà kon pa molopai mùkyamlo kappon usentok pàk tùutapulàsan molopai iteselu yau nai'nùk pen pàk ekamapopà'nàinan yeiku kon pa.

Galatians 3:22

Tùse Katù Maimu uya tamù'nawolon kon kappon yamùk wechi màlà makui meluntàlù yo'no tesak màlà. Màlàpàk itùlù tùuya teppù Katù uya, itùsak lùppù ailon tetok Jesus Christ pàk winà tùlù màlà ailon tawonnan piyak.

Ephesians 2:9

Yà'làlà ipàkàlà autapulàtok ipàk woton pùla iwechi màlà, ewe'wotokomatok yepeppù pe pùla iwechi.

Philippians 3:9

Molopai iponaloppe wechi ittu uya. Law winà wakù pe ikasa wettok pàkànsau Katù uya uyanùmùppù pen màlà. Sàlà pe nen uchi wakù pe we'nàtok, ikasa, Katù winàpai teposen ailon tetok Christ pàk yai yesappe wessaik.